Otto Grotewohl (natus 11 Martii 1894 Brunsvici, mortuus 21 Septembris 1964 Berolini) vir publicus Germaniae et sodalis primo SPD, interdum socialistarum magis radicalium (USPD), postremo communistarum unitorum (SED) fuit.
Grotewohl post scholam finitam annis 1908 - 1912 tirocinium typographi fecit. Deinde ad annum 1914 hoc munere versatus est. Primo bello mundano annis 1914 - 1918 miles conscriptus interfuit. Annis 1919 - 1921 pro cautione aegrorum Brunsvici laboravit.
Anno 1918 sodalis USPD factus est et consiliis opificum et militum post casum monarchiae interfuit. Annis 1920 - 1925 legatus senatus terrae Rei Publicae Brunsvici erat et anno 1921/1922 administer institutionis et rerum internarum huius terrae. Postquam iterum sodalis SPD factus est, anno 1923/1924 administer Brunsvici iustitiae fuit. Annis 1914 - 1926 Hannoverae in Academia Leibniz studebat. Mense Octobri 1925 legatus Dietae Imperii suffectus est et ad annum 1933 mansit. Annis 1928 - 1933 praeses Instituti Brunsvici Cautionum fuit.
Anno 1933 Grotewohl, postquam Nazistae Germaniae rerum potiti sunt, praeses instituti dimissus est et ad annum 1938 mercator laboravit, sed clam cum aliis sodalibus SPD conveniebat. Annis 1938 - 1940 bis in carcerem coniectus et accusatus est, sed postremo absolutus. Annis 1940 - 1944 iterum mercator laboravit. Tum propter Coniurationem 20 Iulii 1944 Nazistae eum capere voluerunt, sed fugit.
Anno 1945 Grotewohl cum aliis Berolini factionem SPD iterum condidit, sed ab aliis ducibus factionis, ut Curtius Schumacher e.g. coniunctioni cum KPD acerrime favebat. Itaque 21 Aprilis 1946 in zona ab Unione Sovietica occupata factiones unitae sunt nomine Factionis Socialisticae Unitae Germaniae (SED). Una cum Gulielmo Pieck praeses novae factionis electus est et ad annum 1954 mansit. Ab anno 1949 Grotewohl etiam legatus Camerae Popularis, parlamenti Rei publicae Democraticae Germanicae (RDG), fuit.
7 Octobris 1949 Grotewohl praeses consilii ministrorum electus est. Anno 1960 acri morbo affectus est et e vita publica se recessit. Tamen ad mortem praeses ministrorum mansit. Ad perfidiam libertatum socialdemocraticarum, quam Grotewohl nolens volens sinebat, alludebatur atque alluditur.
This article uses material from the Wikipedia Latina article Otto Grotewohl, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Textus sub CC BY-SA 4.0 praebetur nisi aliter indicatus. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Latina (DUHOCTRUNGQUOC.VN) is an independent company and has no affiliation with Wiki Foundation.