Ioannes Stobaeus (Graece: Ἰωάννης Στοβαῖος vel Στοβεύς) fuit auctor et collector carminum et textuum philosophicorum quinto saeculo p.C.n.
florens.
De vita eius nulla memorabilia tradita sunt. Cognomen eum Stobis in Macedonia natum esse indicat. Paulo post Hieroclem Alexandrinum vixisse putatur, quod neque eius nec ullorum auctorum recentiorum mentionem facit. Nullos cum auctores Christianos commemoraverit, saepe paganus habetur etiamsi praenomen eius originem Christianam significat.
Collectionem variorum scriptorum Graecorum filio suo Septimio legendam confecit, ut in Bibliotheca patriarchae Photii traditur. De praefatione extremam tantum partem recepimus. Libri I et II de rebus physicis, ceteri de ethica egisse videntur. Quorum librorum secundus non nisi in fragmentis, tertius et quartus autem mutatis litteris servati sunt.
In opere suo Stobaeus plus quam 500 auctores commemorat. Inter fragmenta potissima sunt operis Euripidis partes, quae solum hic integrae servatae sunt.
Ultimi duo libri (Ἀνθολογία seu Florilegium dicti) primo 1535 Venetiis impressi sunt, anteriori (Ἐκλογαί, Eclogae) Antverpiae 1575 titulo Ioannis Stobaei Eclogarum libri duo: quorum prior physicas, posterior ethicas complectitur; nunc primum editi divulgati sunt.
This article uses material from the Wikipedia Latina article Ioannes Stobaeus, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Textus sub CC BY-SA 4.0 praebetur nisi aliter indicatus. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Latina (DUHOCTRUNGQUOC.VN) is an independent company and has no affiliation with Wiki Foundation.