Francofurtum Ad Moenum Facultas Philosophico-Theologica Sancti Georgii

Patres Societatis Iesu collegium cum facultate philosophica et theologica anno 1926 ad educandos seminaristas Dioecesis Limburgensis constituerunt. Hodie seminarium sive convictus variarum dioecesium (etiam Hamburgensis, Hildesiensis, Osnabrugensis, Trevirensis) et academia studiorum alumnorum multorum laicorum est. Quattuordecim professores circiter 400 homines doctrinae studiosos (anno 2018) docent. Facultas instituta est "pietati et scientiae" fovendae, ut sententia collegii propria dicit.

Gradus academici qui in facultate conferuntur sunt:

• Sectione philosophica: Baccalaureus Philosophiae, Philosophiae Doctor
• Sectione theologica: Magister Theologiae, Sacrae Theologiae Licentiatus, Sacrae Theologiae Doctor, Habilitatio

Bibliotheca academica 500 fere milia volumina praestat, etiam nonnullos libros Latinos inde ab saeculo XV conservat. Ecclesia collegii anno 1993 erecta est architectura moderna excellente, imaginum autem religiosarum, exceptis statuis sanctae crucis Virginisque Mariae, omnino caret. Hortus magnus sive arboretum arboribus domesticis ac exoticis ornatum aedificia academica circumdat.

Inter alumnos et professores praeclaros numerantur:

• Stephanus Ackermann, episcopus Trevirensis
• Carolus Iosephus Becker, cardinalis, professor (1965–1969)
• Alfredus Delp, martyr qui contra Nazistas pugnavit
• Aloisius Grillmeier, cardinalis, professor (1950–1978)
• Ludovicus Franciscus Ladaria Ferrer, cardinalis
• Fridericus Lombardi, Stationis Radiophonicae Vaticanae praefectus
• Beatus Ioannes Prassek, martyr qui contra Nazistas pugnavit

Franciscus Papa studium doctoratus in Facultate Sancti Georgii coepit.

Situs interretialis Facultatis Sancti Georgii proprius

Vicimedia Communia plura habent quae ad Facultatem Philosophico-Theologicam Sancti Georgii spectant.