Brith Kernewek
Brith kernewek ha lostennow brith kernewek yw hengov arnowydh dallethys y'n 20ves kansvledhen a-varr ha kres.
An losten vrith arnowydh kynsa o du plen, ha patronyow erel a sewas. Dogvennow a lever y hwiska pobel keltek a driga yn Breten Veur pows rudhek brith henwys bracca. An ger Kembrek brech a styr checkerys, hevelep dhe'n ger Albanek breac, ("brithennek"), ha'n ger bracca a dheu dhyworth an ger Kernewek brythen hag a styr an keth tra.
Istorior kernewek L.C.R. Duncombe-Jewell a assayas previ bos lostennow plen usys yn Kernow. Ev a dhiskudhas kervyansow a venestrals a wiska lostennow ha gwari pibow sagh war bennow formys yn eglos Alternonn, dedhys 1510. An dustini kynsa istorek rag an losten vrith gernewek yw dhyworth 1903, pan omdhiskwedhas Duncombe-Jewell gwiskys yn losten las avel an kannas kernewek dhe'n Kuntelles Keltek yn Caernarfon. John T. Koch yn y lyver Celtic Culture: A Historical Encyclopedia a gampoll losten dhu gwiskys gans Soudoryon Skav Duk Kernow yn batel, byttegyns nyns eus dustuni istorek dhe skoodhya hemma.
Brith kenedhlek
Gwrys yn kynsa yn 1963, delinys veu an brith kenedhlek kernewek gans an bardh E. E. Morton Nance, noy Robert Morton Nance. Pub liw an brith a styr neppyth arbennek. An grows wynn war gilva dhu yw dhyworth baner Sen Peran. Du hag owr o liwyow myghternedh Dumnonia, rudh rag garrow ha gelvyn edhen genedhlek Kernow, an balores, ha glas rag an mor a-derdro Kernow. Kenwra an brith kenedhlek kernewek veu gwiskys rag an prys kynsa gans Morton-Nance y'n Kuntelles Keltek yn 1963, synsys yn Porth reb Tor, stag war vrith Clan Douglas. Y'n keth bledhen desinys veu brith Gool Piran gans Donald Rawe. Kovskrifys veu an brith helghya kernewek y'n 1980ow.
An re ma yw an brith kernewek kovskrifys gans an Awtorita Brith Albanek, hag ytho komprehendys yns y'n sel dherivadow a Govskriv Brith Albanek.
| Brith kenedhlek | ||
|---|---|---|
| Imach | Hanow | Notennow |
| | Brith kenedhlek kernewek | STA no. 1567 |
 | Brith helghya kernewek | STA no. 1568 |
 | Brith baner Sen Peran | STA no. 1618 |
 | Brith gwisk Gool Peran | STA no. 1685 |
 | Brith Gool Peran | STA no. 1262 |
Brith teylu
Gwrys veu nebes brith rag teyluyow kernewek ha kovskrifa yn termynyow arnowydh, r.e. rag demedhyansow ha kevewiow. An brassa rann a'n re a sew yw kovskrifys gans an Awtorita Brith Albanek po Kovskrif Brith Albanek an Bys hag ytho yw komprehendys y'n sel dherivadow a Govskriv Brith Albanek.
| Brith teylu kernewek | ||
|---|---|---|
| Imach | Teylu | Notennow |
 | Christopher | STA no. 2809 |
 | Curnow | STA no. 4084 |
 | Jewell | STA no. 7478 |
 | Pascoe | |
 | Pengelly | STWR no. 3145 |
 | Rosevear | STA no. 2541 |
 | Sothdyji | |
Devynnow
Kevrennow a-ves
This article uses material from the Wikipedia Kernowek/Karnuack article Brith Kernewek, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Kavadow yw an tekst yn-dann CC BY-SA 4.0 marnas avisyes yn ken maner. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Kernowek/Karnuack (DUHOCTRUNGQUOC.VN) is an independent company and has no affiliation with Wiki Foundation.