Argon

An hanow a dheu dhyworth an ger Greka argos, ow styrya diek. Y furvell gymyk yw Ar.

Ensampel a	Elven gymyk, gass
Klass	bagas 18
Furvell gymyk	Ar
Dydhyas diskudhans	1894
Niver atomek	18
Aray an elektrons	1s² 2s² 2p⁶ 3s² 3p⁶, [Ne] 3s² 3p⁶
Rann a	period 3, bagas 18
Restrennow kelmys war Gemmyn Wiki

Kynth yw nebes pals y'n ayrgylgh, ny veu dhiskudhys argon bys 1894 pan dherivis Arlodh Rayleigh ha Syr William Ramsay dhe guntelles yn Rysoghen i dhe dhiskudha elven nowydh, mes nyns o da gansa dyllo an sewyansow. An acheson rag hemm o may kallsons assaya rag kesstrif restrys gans an Smithsonian Institution yn Ranndir Kolombi. Unn ragsel an kesstrif o talvia dyllo dhe'n sewyansow wosa an kesstrif yn unnik. An pewas o $10,000. Rayleigh ha Ramsay a waynyas an pewas, hag yn mis Genver 1895 y hwrug Ramsay redya areth gans manylyon an diskudhyans. Yn 1904 y kemeras Rayleigh an Pewas Nobel rag Fisegieth ha Ramsay an Pewas Nobel rag Kymyk.

Argon yw gass posek rag diwysyans. Kevys yw dhyworth ayr linyel. An askorrans ollvysel yw moy ages 750,000 tunnas pub bledhen. Usys yw rag golowyansow tredanek hag y'n diwysyans dur. Argon yw an gass yn fenestri dewblek ynwedh.

Argon yw 0.93% a'n ayrgylgh. Y boynt teudhi yw -189°C ha'y boynt bryjyon yw -186°C. Onan a'n gassys nobyl yw argon. Gass diliw, difler yw na wra dasoberi gans elvennow erel.

•  
  Tank a argon
•  
  Golow argon
•  
  Syr William Ramsay
•  
  Arlodh Rayleigh