Турубанов Афанасий Николаевич: историк

Турубанов Афанасий Николаевич (1938) — история туялысь, история наукаясса доктор (1990), профессор, Коми Республикаса наукаын нимӧдана уджалысь (1993).

Афанасий Турубанов чужӧма 1938-ӧд вося тӧвшӧр тӧлысь 26-ӧд лунӧ Коми АССР-ын Койгорт районса Кобра сиктын. 1962-ӧд воын помалӧма Коми канмуса педагогика институтысь история-филология факультет. Уджалӧма история велӧдысьӧн Летка районса (ӧні — Луздор районса) Слудкаса шӧр школаын. Служитӧма Сӧветскӧй армияын.

1964—1966-ӧд воясын уджалӧма Сыктывкарса да Коми АССР-са общественнӧй котыръясын. 1966-ӧд восянь уджалӧ Кыв, литература да история институтын: сӧвет кадся история секторын младшӧй научнӧй сотрудникӧн, старшӧй научнӧй сотрудникӧн, секторӧн веськӧдлысьӧн, чужан му история отделӧн веськӧдлысьӧн, медшӧр научнӧй сотрудник.

1974-ӧд воын дорйӧма Петрозаводскса канму университетын история наукаясса кандидат ним вылӧ диссертация, нимыс — «Создание Сыктывкарского лесопромышленного комплекса в Коми АССР (1959-1972)».

1990-ӧд воын дорйӧма Москваын СССР-са наукаяс академиялӧн СССР-са история институтын история наукаясса доктор ним вылӧ диссертация, нимыс — «Индустриальное развитие и рабочий план Коми АССР в 60-е — первой половине 80-х годов».

А. Н. Турубанов гижӧма 90 сайӧ туялан удж, на лыдын 17 монография (мукӧд туялыськӧд ӧтвылысь).

Афанасий Турубанов пырӧ Кыв, литература да история институтлӧн Учёнӧй сӧветӧ.

Веськӧдлӧма аспирантъясӧн, консультируйтӧма докторантъясӧс. Вӧлӧма Сыктывкарса канму университетын да Вӧлӧгдаса педагогика университетын история кандидат ним вылӧ диссертация доръян сӧветъясын.

• Промышленные рабочие Коми АССР. 1918-1970 гг. — Москва, 1974. — 344 с.
• Первенец индустрии республики. Страницы истории Сыктывкарского лесопильно-деревообрабатывающего комбината. — Сыктывкар, 1976. — 120 с.
• Создание целлюлозно-бумажной промышленности в Коми АССР. — Москва, 1979. — 84 с.
• Рабочий класс Коми АССР в борьбе за создание материально-технической базы коммунизма. — Москва, 1981. — 166 с.
• Строительный комплекс Республики Коми в XX веке / Коми НЦ УрО РАН; Коми республ. академия гос. службы и управления; Отв.ред. В.И. Коротаев. — Сыктывкар: КРАГСиУ, 2012. — 267 с.

• Коми Республикаса наукаын нимӧдана уджалысь (1993)
• «Уджвывса ветеран» медаль
• «Уджалан доблесьтысь» медаль

• Кто есть кто в Республике Коми. — Сыктывкар, 1994.
• Ученые Института языка, литературы и истории Коми научного центра УрО РАН: Биографический справочник / Сост. И.Л. Жеребцов. — Сыктывкар, 2000. — С. 172-173.
• Доктора наук ИЯЛИ
• Российское генеалогическое древо