Тимушев Степан Фёдорович: коми гижысь
Шаблон:Серпасыс абу
| Тимушев Степан Фёдорович | |
| Чужан лун: | 1919-ӧд вося ӧшым тӧлысь 27-ӧд лун |
|---|---|
| Чужанін: | |
| Кулан кад: | 1986-ӧд вося вӧльгым тӧлысь 26-ӧд лун (66 арӧс) |
| Канму: | |
| Мыйся уджыс: | |
Тимушев Степан Фёдорович (1919—1986) — коми журналист, гижысь, вуджӧдчысь.
Олан туй
Чужӧма 1919-ӧд вося ӧшым тӧлысь 27-ӧд лунӧ Вӧлӧгда губерняын Усть-Сысольск уездысь Парчын (ӧні — Кулӧмдiн районса Парч сикт). Батьсӧ пуксьӧдӧмаӧсь да лыйлӧмаӧсь сыысь, мый эз пыр колхозӧ. Велӧдчӧма Уллянаса видз-му техникумын, уджалӧма Изьваын ветеринарӧн.
Айму вӧсна Ыджыд тыш дырйи ас кӧсйӧм серти мунӧма фронт вылӧ. Доймалӧм бӧрын воӧма гортас, бурдӧдчӧма да бара вӧзйысьӧма фронт вылӧ. Велӧдчӧма А.М. Горький нима Литературнӧй институтын, но сійӧс вӧтлісны асруа этшлунсьыс. Помалӧма Коми канмуса педагогика институт.
Кулӧма 1986-ӧд вося вӧльгым тӧлысь 26-ӧд лунӧ.
Гижан удж
Степан Тимушев гижӧма кывбуръяс да висьтъяс. Колхозса олӧм йылысь йӧзӧдӧма «Зумыд кок йылӧ» повесьт. 1986-ӧд воын торъя небӧгӧн петӧма «Зумыш пармаын» повесьт, кӧні висьтавсьӧ 1840-ӧд воясся кресьтяналӧн кулӧмдінса бунт йылысь.
Комиӧдлӧма роч гижысьяслысь кывбуръяссӧ, сьыланкывъяссӧ (М. Исаковский, Н.А. Некрасов) да проза (Н. Носов, А. Горький).
Небӧгъяс
- Зумыш пармаын. — Сыктывкар: Коми кн. изд-во, 1986. — 144 л.б.
Ӧшмӧсъяс
- «Коми» онлайн-тӧданін сайтын С.Ф. Тимушев йылысь
- Фёдорова А.Н. С. Тимушевлӧн «Зумыд кок йылӧ» повесть // Войвыв кодзув. 1951. — 6 №. — Лб. 51—63.
Ыстӧдъяс
This article uses material from the Wikipedia Коми article Тимушев Степан Фёдорович, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Мӧдтор кӧ абу индӧма, контентыскӧд позьӧ тӧдмасьны CC BY-SA 4.0 лицензия серти. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Коми (DUHOCTRUNGQUOC.VN) is an independent company and has no affiliation with Wiki Foundation.