Доронин Павел Григорьевич
Шаблон:Серпасыс абу
| Доронин Павел Григорьевич | |
| Чужан лун: | 1904-ӧд вося тӧвшӧр тӧлысь 25-ӧд лун |
|---|---|
| Чужанін: |
|
| Кулан кад: | 1967-ӧд вося тӧвшӧр тӧлысь 12-ӧд лун (62 арӧс) |
| Канму: | |
| Мыйся уджыс: | учитель средней школы, гимназии, исследователь, гижысь, поэт |
Доронин Павел Григорьевич (1904–1967) — коми гижысь, критик, фольклор да история туялысь.
Олан туй
Павел Доронин чужӧма Вӧлӧгда губерняысь Усть-Сысольск уездса Проньдор грездын 1904-ӧд вося тӧвшӧр тӧлысь 25-ӧд лунӧ. 1915—1918-ӧд воясӧ велӧдчӧма Гамса кык класса велӧдысьяслӧн школаын. 1921-ӧд воын велӧдчӧма Йӧзкостса велӧдӧмлӧн Усть-Сысольскса институтын, сэсся — Москваса канму университетлӧн история-этнография факультетын. Уджалӧма велӧдысьӧн, Коми небӧг лэдзанінын редакторӧн.
Вуджӧма Айму вӧсна Ыджыд тыш. Война бӧрын уджалӧма Германияын сӧветскӧй комендатураясын. Коми муӧ воӧм бӧрын вӧлӧма СССР-са наукаяс академиялӧн Коми филиалын научнӧй сотрудникӧн. Уджалӧма «Войвыв кодзув» журналын, вӧлӧма СССР-са Литфондлӧн уполномоченнӧйӧн Коми АССР-ын.
Кулӧма 1967 вося тӧвшӧр тӧлысь 12-ӧд лунӧ.
Гижан удж
1927-ӧд восянь йӧзӧдлӧма кывбуръяс, 1930-ӧд восянь — висьтъяс, 1935-сянь — литературно-критическӧй гижӧдъяс. 1936-ӧд воын йӧзӧдӧма «Парма сьӧлӧмын» медводдза коми романлысь юкӧнъяссӧ. Павел Доронинӧс шуӧны коми литератураын роман жанрын медводдза гижысьӧн. 1939-ӧд восянь пырӧ СССР-са гижысь котырӧ.
Туялӧма Иван Куратовлысь олӧмсӧ, Коми мулысь история да фольклорсӧ. Павел Доронинӧн чукӧртӧм коми мойдъяссӧ вӧлі йӧзӧдӧма 2004-ӧд воын «Мойд небӧг. Книга сказок» небӧгын.
Небӧгъяс
- И.А. Куратовлӧн творчество. — Сыктывкар, 1939.
- Изваильские партизаны. — Сыктывкар, 1957.
- Парма сьолӧмын. — Сыктывкар, 1968.
- Мойд небӧг. Книга сказок: Сказки, собранные Павлом Дорониным (К 100-летию со дня рождения П. Г. Доронина, ученого-историка, писателя, литературного критика, фольклориста) / Сост. О.И. Уляшев, В.М. Кудряшова, И.А. Плосков. — Сыктывкар: Коми кн. изд-во, 2004. — 464 с.
Ошканпасъяс
Ӧшмӧсъяс
- Доронин Павел Григорьевич
- Ванеева И.М. Коми романлӧн медводдза воськовъяс // Войвыв кодзув. 1983. — 10 №.
- Кудряшова В.М. Павел Григорьевич Доронин — очерк биографии и творчества // Фольклористика Коми / Тр. ИЯЛИ Коми НЦ УрО РАН. — Сыктывкар: Изд-во Коми НЦ УрО РАН, 2002. — Вып. 63. — С. 146-153.
Ыстӧдъяс
This article uses material from the Wikipedia Коми article Доронин Павел Григорьевич, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Мӧдтор кӧ абу индӧма, контентыскӧд позьӧ тӧдмасьны CC BY-SA 4.0 лицензия серти. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Коми (DUHOCTRUNGQUOC.VN) is an independent company and has no affiliation with Wiki Foundation.