Лобанов Виктор Иванович
Шаблон:Серпасыс абу
| Лобанов Виктор Иванович | |
| Чужан лун: | 1925-ӧд вося урасьӧм тӧлысь 14-ӧд лун |
|---|---|
| Чужанін: | |
| Кулан кад: | 1996-ӧд вося сора тӧлысь 8-ӧд лун (71 ар) |
| Куланін: | |
| Мыйся уджыс: | |
| Ошканпасъяс да премияяс: |      |
Лобанов Виктор Иванович (1925—1996) — Айму вӧсна Ыджыд тыш вылӧ ветлысь, Сӧветскӧй Союзса Герой (1944).
Олан туй
Виктор Лобанов чужӧма Луздор районса Спаспоруб сикт улӧ пырысь Кулига грездын 1925-ӧд вося урасьӧм тӧлысь 14-ӧд лунӧ.
Айму вӧсна Ыджыд тыш кадӧ
Колхозын да связь контораын уджыштӧм бӧрын 1942-ӧд вося вӧльгым тӧлысьӧ мӧдӧдчӧма Гӧрд армияӧ. 1943-ӧд вося моз тӧлысьсянь Айму вӧсна Ыджыд тышса фронт вылын. Разведчик. 1943-ӧд вося кӧч тӧлысьӧ Днепр ю некымынысь вуджӧмысь да командованиекӧд йитӧд лӧсьӧдӧмысь, повтӧмлун петкӧдлӧмысь 1944-ӧд вося тӧвшӧр тӧлысь 15-ӧд лунӧ сылы сетӧма Сӧветскӧй Союзса Герой ним.
Тыш бӧрын
1956-ӧд воын уджысь орӧдчытӧг помалӧма Куйбышевын строительнӧй институт. Олӧма Сыктывкарын, уджалӧма вӧр пӧрӧдан юкӧнын старшӧй инженерӧн.
Кулӧма Сыктывкарын 1996-ӧд вося сора тӧлысь 8-ӧд лунӧ, гуалӧма Гӧрд Затонса шойнаын.
Наградаяс
- Сӧветскӧй Союзса Герой почёт ним (1944.01.15)
- Ленин орден (1944.01.15)
- «Зарни Кодзув» медаль (2967 №) (1944.01.15)
- Айму тышса 1-дза да мӧд тшупӧда орденъяс (1985.04.06, 1943.12.30)
- Гӧрд Кодзувлӧн орден (1944.97.25)
- Коми АССР-са народнӧй овмӧсын нимӧдана уджалысь
Паметь
- В. И. Лобановлысь нимсӧ новлӧма Уква карын шӧр школаса пионер дружина.
- Спаспорубын ӧшӧдӧма казьтылан пӧв сійӧ керкаас, кӧні овлӧма Герой, Сыктывкарын — уджаланінас.
- 2015-ӧд вося лӧддза-номъя тӧлысьӧ В.И. Лобановлысь нимсӧ сетӧма Сыктывкарса аэропортын «Комиавиатранслӧн» L-410 (RA-67022) самолётлы.
Ӧшмӧсъяс
Ыстӧдъяс
This article uses material from the Wikipedia Коми article Лобанов Виктор Иванович, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Мӧдтор кӧ абу индӧма, контентыскӧд позьӧ тӧдмасьны CC BY-SA 4.0 лицензия серти. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Коми (DUHOCTRUNGQUOC.VN) is an independent company and has no affiliation with Wiki Foundation.