Линукс
Linux (/ˈlɪnəks/ (listen) LIN-əks) — тайӧ дон босьттӧг да восьса кывъя операционнӧй системаяслӧн чукӧр, коді вужъясьӧ Линукс сьӧлӧмас (англияӧн — Linux kernel, рочӧн — Ядро Линукса).
Операционнӧй системалысь сьӧлӧмсӧ медводдзаысь петкӧдлӧма йӧзлы Линус Торвальдс 1991-ӧд вося кӧч тӧлысь 17-ӧд лунӧ. Тшӧкыдджыка Линукс пакетируйтӧны Линукс дистрибутивӧ (дженьыдджыка кӧ distro-ӧ).
Дистрибутив пытшкын эмӧсь Линукс сьӧлӧм да могмӧдан система Мӧвптасыс (англаӧн — Software, рочӧн — Программное обеспечение) да библиотекаяс. На пиысь унатор видзӧ аслас подув да сям GNU Project-ысь. Быдсяма Linux дистрибутивъяс босьталӧны-пукталӧны «Linux» кыв асланныс нимъясас, но Донбосьтӧг мӧвптас фонд (Free Software Foundation) вӧдитчӧ GNU/Linux нимнас медым югдӧдны-пасйыны GNU мӧвптаслысь ыджыдлунсӧ. Дерт, та помысь овлӧ сорласьӧм.
Linux дистрибутивъясысь медся ёна мир пасьта разӧдчисны Дэбиэн (Debian), Федора (Fedora) да Убунту (Ubuntu). Дон босьтӧмӧн эм жӧ вузалан дистрибутивъяс, на пиын — Red Hat Enterprise Linux (дженьыдика кӧ — Red Hat) да SUSE Linux Enterprise Server.
This article uses material from the Wikipedia Коми article Линукс, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Мӧдтор кӧ абу индӧма, контентыскӧд позьӧ тӧдмасьны CC BY-SA 4.0 лицензия серти. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Коми (DUHOCTRUNGQUOC.VN) is an independent company and has no affiliation with Wiki Foundation.