Kurdîyi Xwarîn

Kurdîyi Xwarîn liqîg e le ziwani Kurdî ki feretir le Kurdîyi Nawîn ya Soranî nizîk e. Kurdîyi xwarîn çün keftîye se nawrras Farsî, Lurî, Soranî û Hewramî; wey xatire taywetmendî xwey dîrî. Herleywa le rü dîn û ayînîş feretir Kurdeyl Yarsan û Şîe we Kurdîyi Xwarîn qise ken. Imrrû feretir le çwar milyûn kes we Kurdîyi Xwarîn qise ken.

• Kelhûrî (Kirmaşanî): Feretir le naw şar û ustani Kirmaşan we pî qise kiryey û Zûrim le Gîlan û Şabad le ustani Kirmaşan û Eywan le ustani Îlam we pî qise kiryey.
• Lekî: Zûrim le şareyli Leknişîn Kirmaşan û Luristan cûr Hersîn u Elişter we pî qise kiryey.
• Feylî: Feretir le Bexda, Mendelî, Îlam û Bedre we pî qise kiryey.
• Şêxbizinî: Yane Kurdeyîlîg in çen sed sal werce îse le dewrgiri Kirmaşan û Silêmanî sewq kiryane se anatulî û zûrim le Haymane jiyen.

Kurdî Xwarîn zûrim le ustaneyli Kirmaşan û Îlam baw e, bîcige le ye le menteqeyl Lekistan û Bîcar îş birew dîrî. Herleywa le Xaneqîn werew xwar yanî hawsinûr wegerd ustaneyl Kirmaşan û Îlam le Eraq fere le merdim we Kurdî Xwarîn qise ken. Le serîn Kurdistan û Turkiye îş le çen menteqe Kurdeyl Şêxbizinî jiyen.