Vluchjesellschaff
Ön Vluchjesellschaff es ö Ongernehme, dat si Jeld domet vordeehnd, Persune un Waahr op d Loftwäch z transporteere.
(Sije op Stolberjer Platt)
un jeschrieve wie moch öt kallt
(Sije jeschrieve wie moch öt kallt)
Jätt va vreuer
Europa
D ischde Vluchjesellschaff woch d va Ferdinand Graf von Zeppelin ä Frankfurt jejründe DELAG, watt vöör „Deutsche Luftschiffahrtsgesellschaft“ stäng. Met hör woode tösche 1910 un 1913 öm d 34.000 Mensche transporteerd. D ische Waahr, di met ö Vluchzeuch dörch d Loot jescheckd wood, wood am 10. Juni 1912 en dr Doppeldecker „Gelbr Hund“ jepackd. Jestachd wood ä Frankfurt, jeland ä Darmstadt. Anger Städt woode zosätzlich vorbonge, ävver dörch dr Usbroch von dr ischde Weltkresch bleete Städt usserhalb va Dütschland ussjeschlooße.
Nom Äng vam Kresch jäng öt ä Ängland un Frankreich met d Vluchjesellschaffte los. Am 5. Februar 1919 trocke d Dütsche noo, un met d Deutsche Luftreederei entstäng dr Vörjänger van d Lufthansa. Ä janz Europa schosse d Jesellschaffte us d Ääd.
USA
Als Charles Lindbergh met ö Vluchzeuch oohne Paus övver dr Atlantik vlooch, vonge och d Amerikaner Vüühr. Su joov öt em Joohr 1926 en d USA 12 Vluchjesellschaffte, ee Joohr spiidr wore öt at 25.
Vluchjesellschaffte ä os Zitt zm Personetransport
Beij d hüü ekßisteerende Jesellschaffte ongerscheed mo tösche di dr Staat jehüürende, sujenannde „Flagcarrier“ un prevate Vluchjesellschaffte. Bekannde „Flagcarrier“ send d Lufthansa, d Air France, Altitalia un Thai Airways. Prevat kann jädder, dä jenoch Knöpp had, ön Vluchjesellschaff jründe, su dat dr Maad vöör Prevatjesellschaffte jruuß es. Opjrond va dr kleene Priiß vöör Vlüje wäde manche Jesellschaffte och Bellichvliijer jenannd. Sö hand sich op Kott- un Meddelstrecke äjenessd. German Wings, Ryan Air un Easy jet jehüüre zo d bekanndste.
Frachtvleejer
Manche Vluchjesellschaffte transporteere mä Waahre un kenn Persune. Zo sun Jesellschaffte jehüüre Federal Express, UPS un DHL. Öt jitt ävver och Jesellschafte, di sich en önö Deel op öt Vleeje va Waahr spezialiseerd hand, wi Lufthansa Cargo un Singapore Airlines Cargo. Zosätzlich hand modern Vluchzeuje ävver och ösu völl Platsch, dat sö nävver Persune och noch Waahr metnämme könne.
Dr Kood va Vluchjesellschaffte
Öm tösche d Jesellschafte zm Beispell op ön Tafel en önö Vluchhaafe ongerscheede zö könne, had jädde Jesellschaff önö Kood vorpaaßd krääje. Önö Vluch van d Lufthansa vängd immer met LH a, dä van Air France met AF. Öt weed van d IATA-Koods jesproche.
Jätt z lääse
This article uses material from the Wikipedia Ripoarisch article Vluchjesellschaff, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Dä Täx schtäjt unger dä CC BY-SA 4.0 sulang nix söns jesaaat es. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Ripoarisch (DUHOCTRUNGQUOC.VN) is an independent company and has no affiliation with Wiki Foundation.