Алийланы Исмаил
Алийланы Ибрагимни джашы Исмаил (1946 джыл сентябрны 1-де Къазахстанда туугъанды) — къарачай-малкъар алим, политик эмда поэтди.
Биографиясы
1964 джыл орта школну Джангы Къарачай элде бошагъандан сора Новочеркасск шахарда политехника институтха киргенди. Баш билим алыб, бир бёлек джылны да кеси окъугъан институтда устазлыкъ этиб, 1974 джыл Черкесскеге къайытханды. 1974 — 1992 джыллада ол Къарачай-Черкес политехника институтда ишлегенди.
Электротехника илмуланы доктору, профессор Алий улуну 1992 — 1995 джыллада Россия федерацияны Миллетле министерствосуну кёчгюнчю халкъланы ишлерин джюрютген департаментинде джууаблы къуллукъну толтургъанды. Москвада Коммунал мюлк бла къурулуш институтда ишлегенди. Бусагъатда Къарачай-Черкес Республиканы правительствосуну председателини орунбасарыды.
Алий улу назмула джазыб студент джылларында башлагъанды. Ол Омар Хаямны терттизгинлерин да къарачай-малкъар, орус тиллеге кёчюргенди. Исмаил 18 китабны авторуду. Аладан бири — назму китаб, бешиси этнополитиканы юсюндендиле, къалгъанлары — илму китабла. 2003 джыл Москвада «Педагогика» басмада «Карачаево-балкарские имена и фамилии. Толковый словарь» деген китабны (Алийланы Земфира бла бирге) джазыб чыгъаргъанды.
Чыгъармачылыгъы
Энчи китабы
- Род людской. Стихи, рубаи (къарачайча эмда орусча). М.: «Русский мир», 2000.
Джыйым китаблада
- Антология литературы народов Северного Кавказа. Том 1. Пятигорск, 2003.
This article uses material from the Wikipedia Къарачай-Малкъар (Qarachay-Malqar) article Алийланы Исмаил, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Ичиндегиси, CC BY-SA 4.0 лицензиягъа кёре бериледи (башха белгиленмеген эсе). Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Къарачай-Малкъар (Qarachay-Malqar) (DUHOCTRUNGQUOC.VN) is an independent company and has no affiliation with Wiki Foundation.