Абайханланы Шауайны джашы Дауут (1800—1892) — XIX ёмюрде джашагъан къарачай-малкъар дин къуллукъчу, поэт, джарыкълаучу болгъанды.
Абайханланы Дауут 1800-1892 джыллада Чегемде джашагъанды. Аны атасы Шауай Уллу Къарачайдан болгъанды.
Дин эмда джамагъат къуллукъчу Дауут хаджини аты Минги тауну эки джанында да белгили болгъанды. Сабийлей, джашлай билимге тырмашыб, алгъа — Дагъыстанда, ызы бла араб къраллада терен билим алгъанды. Элине-джерине къайытхандан сора, Чегемде, медресе ачыб, Малкъардан, Къарачайдан да фахмулу сабийлени окъутуб тургъанды.
Халкъ эсинде Дауут хаджи ислам дин поэзияны устасыча сакъланнганды. Къуранны суураларыны бир къауумуну магъаналарын къарачай-малкъар тилге кёчюре, «Мухаммат файгъамбар», «Расул», «Мусса файгъамбар», «Юсюф файгъамбар», дагъыда талай дин поэма джазгъанды. Аны бла бирге «Меджнун бла Лейла», «Дахир бла Зухра», «Юсуф бла Зулейха» деген шаркъ сюймеклик поэмаланы да ана тилде «сёлешдиргенди».
Абайханланы Дауутну юсюнден Москваны, Владикавказны, Нальчикни архивлеринде да сакъланады хапар. Эм башдан а ол къурагъан чыгъармала халкъ эсинде джашайдыла. Табылгъанны джыйышдырыб, алим Малкъондуланы Х. басмагъа хазырлагъанды.
Абайханланы Дауут 1892 джыл ауушханды.
This article uses material from the Wikipedia Къарачай-Малкъар (Qarachay-Malqar) article Абайханланы Дауут, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Ичиндегиси, CC BY-SA 4.0 лицензиягъа кёре бериледи (башха белгиленмеген эсе). Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Къарачай-Малкъар (Qarachay-Malqar) (DUHOCTRUNGQUOC.VN) is an independent company and has no affiliation with Wiki Foundation.