Кривощёкова-Гантман Антонина Семёновна
Кривощёкова-Гантман Антонина Семёновна (1921–1995) — коми лингвист, доцент.
Туяліс перем коми кыв, унажыксӧ ономастика. Филология сьӧрті кандидат.
| Кривощёкова-Гантман Антонина Семёновна | |
| Удж: | |
|---|---|
| Чужан лун: | 1921’ вося август 17’ лун |
| Чужан ин: | |
| Кулан лун: | 1995’ вося май 31’ лун (73 год) |
Олантуй
Кривощёкова Тоня чужöма 1921' август 17' лунӧ Юсьва районісь Виджӧв грездын. Помалöма Кудымкарись педагогика сьӧрті училищё, 1939' воын сійö ыстöмась велӧтчыны Ленинградӧ канувтісь университетӧ чудь-йӧгра кыввез сьӧрті факультет вылӧ. Айму понда ыджыт косясян коста уджалöма медсойӧн блоктруйтӧм Ленинградын. Университетсӧ помалӧм бӧрын велӧтчöма аспирантураын.
1952' годö дорйис кандидат ним шедтан диссертация «Словарный состав и словоизменение иньвенского диалекта коми-пермяцкого языка» темаöн.
Уджаліс перво Кудымкарас велӧтіссез институтын, а 1955' воын вуджис Перемас педагогика сьӧрті канувтісь институтö, кытӧн самöй оссис перем коми юкӧт. Эстӧн сія уджаліс 30 годся дыржык.
Небӧггез
Лӧсьӧтіс студенттэз понда велӧтан да отсасян небӧггез, туйдӧтан литература да программаэз. Гижис 90 гӧгӧр статья. Сылӧн туялан редакция да соавторствоын петісӧ учебниккез. Ӧтлаын Р. М. Баталовакӧт сія лӧсьӧтіс «Коми-пермяцкӧй орфографическӧй словарь» да «Коми-пермяцко-русскӧй словарь».
Уджжез
- Кривощёкова-Гантман А. С. да кин да. Коми-пермяцкий язык. Пермь, 1961
- Кривощёкова-Гантман А. С. Откуда эти названия?. Пермь, 1973
- Баталова Р. М., Кривощёкова-Гантман А. С. Коми-пермяцко-русский словарь. М, 1985
- Кривощёкова-Гантман А. С. Географические названия Верхнего Прикамья. Пермь, 1983
- Баталова Р. М., Кривощёкова-Гантман А. С. Коми-пермяцко-русский орфографический словарь. Кудымкар, 1992
- Кривощёкова-Гантман А. С. Собрание сочинений в 2 тт. Пермь, 2006
Ошканпасэз
Педагоггезӧс велӧтӧм-лӧсьӧтӧм понда да ассис наука удж пуктӧм понда наградитӧм «Отличник народного просвещения РСФСР» значокӧн да сизим медальӧн.
This article uses material from the Wikipedia Перем Коми (Perem Komi) article Кривощёкова-Гантман Антонина Семёновна, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Модік абу кӧ иньдӧм, пытшкӧссӧ позьӧ видзӧтны CC BY-SA 4.0 лицензия сьӧрті Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Перем Коми (Perem Komi) (DUHOCTRUNGQUOC.VN) is an independent company and has no affiliation with Wiki Foundation.