Баталова Раиса Михайловна

Баталова Раиса Михайловна
	Баталова Раиса Михайловна
Удж:	филолог
Чужан лун:	1931’ вося август 10’ лун
Чужан ин:	Рудак, Рочму;
Кулан лун:	2016’ вося январ 17’ лун (84 год)
Кулан ин:	Мӧсква, Рочму;

Олантуй

Чужис 1931' август 10' лунö Перем ладорись Коми кытшын, Юсьва районісь Рудак грездас. 1954'-1959' годдэзö велöтчис Сыктывкарын, Коми пединститутас. Сыбöрын сія муніс овны Мöскваö, кытöн 1959'-1962' воэзö аспиранталіс СССР-ись НА-лöн Кывтуялан институтын, 1962' годö дорйис диссертация "Оньковский диалект коми-пермяцкого языка" да 1963' восянь öнöдз уджалö сія жö институтын.

Туялöммез

Раиса Михайловна туяліс перем коми диалекттэз. 1959-1992 воэзö сія вöлі öтка специалист этія сфераын. Р. М. Баталова öктöма уна материал, но тексттэз публикуйтöм öті-öті. Ассис нёджöв коми диалектология вылö, сія изложитіс специальнöй изданнёэзын.

Сія торйöтіс Кöчладор диалект Кöсладор диалектісь да Луп сёрниын адззис кык диалект - Лупйылісь да Нöрысісь.

Коми кывлöн Язьва диалект сы сьöрті пырö перем коми диалекттэз коласö.

Идеяэз

Р. М. Боталова синöн оз адззы коми зырянасö. Этасянь сія лыддьö коми отирсö кык торья народöн. Сы сьöрті перем комиэз да коми зыряна первосянь жö аркмöмась да пыр олöмась торйын.

Велöтчиссез

Р. М.Баталова готовитіс öтік специалистöс коми кыв сьöрті. Сы бердын велöтчис Лобанова Алевтина Степановна.

Муюгыт наукаын

1979' годсянь Р. М. Баталова состоитö иностраннöй членöн Финно-угорскöй обществоын (Хельсинки, Суоми)

Хоббиэз

Раиса Михайловна занимайтчö нетрадиционнöй медицинаöн. Участвуйтö Рериховскöй движеннёын.

Небöггез

Р. М. Баталовалöн петіс вит ыджыт небöг:

Коми-пермяцкая диалектология. – М., 1975.
Ареальные исследования по восточным финно-угорским языкам (коми языки) – М., 1982.
Унифицированное описание диалектов уральских языков. Оньковский диалект коми-пермяцкого языка – М., 1990.
Унифицированное описание диалектов уральских языков. Нижнеиньвенский диалект коми-пермяцкого языка – Гамбург, 1995.
Унифицированное описание диалектов уральских языков. Кудымкарско-иньвенский диалект коми-пермяцкого языка – М.–Гронинген, 2002.

Нысся öтлаын А. С. Кривощёкова-Гантманкöт Р. М. Баталова лöсьöтіс "Коми-пермяцко-русский словарь" (М., 1985) да "Коми-пермяцкöй орфографическöй словарь" (Кудымкар, 1966; мöд изданнёыс – Кудымкар, 1992).

Раиса Михайловна гижис сотняся унажык научнöй статья.

Ыстöттэз

Лыддьöтан

Даты, события, люди...: Крат. сведения из истории учр. культуры, образования, здравоохранения и сведения о жизни и творчестве извест. людей окр. / сост., ред. Л. П. Ратегова. Кудымкар: Коми-Перм. кн. изд-во, 2001.
Коми-пермяккез. Кудымкар, 2008. ISBN 978-963-9876-09-05.
Коми-Пермяцкий автономный округ на рубеже веков. Кудымкар, 2000. ISBN 5-87901-051-1.

This article uses material from the Wikipedia Перем Коми (Perem Komi) article Баталова Раиса Михайловна, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Модік абу кӧ иньдӧм, пытшкӧссӧ позьӧ видзӧтны CC BY-SA 4.0 лицензия сьӧрті Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Перем Коми (Perem Komi) (DUHOCTRUNGQUOC.VN) is an independent company and has no affiliation with Wiki Foundation.

[1]

[2]