ತೇಜಿ ಬಚ್ಚನ್: ಹರಿವಂಶ್ ರಾಯ್ ಬಚ್ಚನ್ ರವರ ಹೆಂಡತಿ

ಇವರು ಹಿಂದಿಯ ಕವಿ ಹರಿವಂಶ ರೈ ಬಚ್ಚನ್ ಅವರ ಪತ್ನಿ ಮತ್ತು ಬಾಲಿವುಡ್ ನಟ ಅಮಿತಾಬ್ ಬಚ್ಚನ್ ಅವರ ತಾಯಿ.

ತೇಜಿ ಬ್ರಿಟಿಷ್ ಭಾರತದ ಪಂಜಾಬ್ ಪ್ರಾಂತ್ಯದ ಲಿಯಾಲ್‌ಪುರದಲ್ಲಿ ಪಂಜಾಬಿ ಸಿಖ್ ಖತ್ರಿ (ಇಂದಿನ ಫೈಸಲಾಬಾದ್, ಪಂಜಾಬ್, ಪಾಕಿಸ್ತಾನ ) ಕುಟುಂಬದಲ್ಲಿ ಜನಿಸಿದರು. ತಮ್ಮ ಶಿಕ್ಷಣವನ್ನು ಪೂರ್ಣಗೊಳಿಸಿದ ನಂತರ, ಅವರು ಲಾಹೋರ್‌ನ ಖೂಬ್ ಚಂದ್ ಪದವಿ ಕಾಲೇಜಿನಲ್ಲಿ ಮನೋವಿಜ್ಞಾನವನ್ನು ಕಲಿಸುವ ಕೆಲಸಕ್ಕೆ ಸೇರಿದರು. ಅವರು ಲಾಹೋರ್‌ನಲ್ಲಿ ಕಾಲೇಜಿನ ಕಾರ್ಯಕ್ರಮವೊಂದರಲ್ಲಿ ಭಾಗವಹಿಸಿದಾಗ, ಅಲಹಾಬಾದ್ ವಿಶ್ವವಿದ್ಯಾಲಯದಲ್ಲಿ ಇಂಗ್ಲಿಷ್ ಉಪನ್ಯಾಸಕರಾಗಿದ್ದ ಹರಿವಂಶ ಶ್ರೀವಾಸ್ತವ ಅವರನ್ನು ಭೇಟಿಯಾದರು. ಇಬ್ಬರೂ ೧೯೪೧ ರಲ್ಲಿ ಅಲಹಾಬಾದ್‌ನಲ್ಲಿ ವಿವಾಹವಾದರು ಮತ್ತು ಅವರ ಮದುವೆಯ ನಂತರ, ತೇಜಿ ಗೃಹಿಣಿಯಾದರು. ಅವರು ಸಾಮಾಜಿಕ ಸಭೆಗಳಲ್ಲಿ ಹಾಡುತ್ತಿದ್ದರು. ತಮ್ಮ ಜೀವಿತಾವಧಿಯಲ್ಲಿ, ಹರಿವಂಶ್ ತಮ್ಮ ಕೆಲಸದಲ್ಲಿ ಸಂಪೂರ್ಣವಾಗಿ ಮಗ್ನರಾಗಿದ್ದರು. ಕುಟುಂಬದ ಎಲ್ಲಾ ವಿಷಯಗಳನ್ನು ಅವರ ಹೆಂಡತಿ ನಿಭಾಯಿಸುತ್ತಿದ್ದರು. ಬಚ್ಚನ್‌ರಿಗೆ ಇಬ್ಬರು ಗಂಡು ಮಕ್ಕಳಿದ್ದರು: ಅಮಿತಾಭ್ ಬಚ್ಚನ್ ಮತ್ತು ಅಜಿತಾಬ್ ಬಚ್ಚನ್.

ಬಚ್ಚನ್‌ಗಳು ಭಾರತದ ಸಾಹಿತ್ಯ ವಲಯ ಮತ್ತು ಉನ್ನತ ಸಮಾಜದ ಭಾಗವಾಗಿದ್ದರು. ಕಾರ್ಯಕ್ರಮಗಳಲ್ಲಿ ದಂಪತಿಗಳು ಹಾಡುತ್ತಿದ್ದರು.

ತೇಜಿ ಅವರು ತಮ್ಮ ಗಂಡ ಹಿಂದಿಗೆ ರೂಪಾಂತರಗೊಳಿಸಿದ ಮ್ಯಾಕ್‌ಬೆತ್‌ನಲ್ಲಿ ಲೇಡಿ ಮ್ಯಾಕ್‌ಬೆತ್ ಪಾತ್ರವನ್ನು ನಿರ್ವಹಿಸಿದರು. ಅವರು ಯಶ್ ಚೋಪ್ರಾ ಅವರ ೧೯೭೬ ರ ಚಲನಚಿತ್ರ ಕಭಿ ಕಭಿಯಲ್ಲಿ ಅತಿಥಿ ಪಾತ್ರದಲ್ಲಿ ಕಾಣಿಸಿಕೊಂಡರು.

೧೯೭೩ ರಲ್ಲಿ ಫಿಲ್ಮ್ ಫೈನಾನ್ಸ್ ಕಾರ್ಪೊರೇಶನ್‌ನ ನಿರ್ದೇಶಕರಲ್ಲಿ ಒಬ್ಬರಾಗಿ ನೇಮಕಗೊಂಡರು. ಮಾಧ್ಯಮದ ಸಾಮಾನ್ಯ ಗುಣಮಟ್ಟವನ್ನು ಸುಧಾರಿಸುವ ದೃಷ್ಟಿಯಿಂದ ಉತ್ತಮ ಗುಣಮಟ್ಟದ ಉದ್ದೇಶಪೂರ್ವಕ ಚಲನಚಿತ್ರಗಳ ನಿರ್ಮಾಣಕ್ಕೆ ಹಣಕಾಸು ಒದಗಿಸುವುದು ಭಾರತ ಸರ್ಕಾರದ, ಫಿಲ್ಮ್ ಫೈನಾನ್ಸ್ ಕಾರ್ಪೊರೇಷನ್ ಆಫ್ ಇಂಡಿಯಾದ (ಮತ್ತು ಅದರ ಉತ್ತರಾಧಿಕಾರಿಯಾದ ನ್ಯಾಷನಲ್ ಫಿಲ್ಮ್ ಡೆವಲಪ್‌ಮೆಂಟ್ ಕಾರ್ಪೊರೇಷನ್ ಆಫ್ ಇಂಡಿಯಾ ), ಪ್ರಮುಖ ಉದ್ದೇಶವಾಗಿದೆ.

ಬಚ್ಚನ್ ೨೦೦೭ ರ ವರ್ಷ ಪೂರ್ತಿ ಲೀಲಾವತಿ ಆಸ್ಪತ್ರೆಯಲ್ಲಿದ್ದರು ಮತ್ತು ನವೆಂಬರ್ ೨೦೦೭ ರಲ್ಲಿ ಅವರ ಸ್ಥಿತಿ ಹದಗೆಟ್ಟ ನಂತರ ಅವರನ್ನು ಐಸಿಯು ಗೆ ಸ್ಥಳಾಂತರಿಸಲಾಯಿತು. ಅವರು ದೀರ್ಘಕಾಲದ ಅನಾರೋಗ್ಯದ ನಂತರ ೨೧ ಡಿಸೆಂಬರ್ ೨೦೦೭ ರಂದು ೯೩ ನೇ ವಯಸ್ಸಿನಲ್ಲಿ ನಿಧನರಾದರು.