ರಬೀಉಲ್ ಅವ್ವಲ್ (ಅರಬ್ಬಿ: ربيع الأول) — ಹಿಜರಿ ಕ್ಯಾಲೆಂಡರ್‌ನ ತೃತೀಯ ತಿಂಗಳು.
ಈ ತಿಂಗಳಿಗೆ ಇಸ್ಲಾಮೀ ಧರ್ಮಶಾಸ್ತ್ರದಲ್ಲಿ ಯಾವುದೇ ವಿಶೇಷ ಮಹತ್ವವಿಲ್ಲದಿದ್ದರೂ ಈ ತಿಂಗಳಲ್ಲಿ ಮುಹಮ್ಮದ್ ಪೈಗಂಬರರು ಜನಿಸಿದ ಕಾರಣ ಈ ತಿಂಗಳಿಗೆ ಮಹತ್ವ ಕಲ್ಪಿಸಲಾಗುತ್ತದೆ.
ಅರಬ್ಬಿ ಭಾಷೆಯಲ್ಲಿ ರಬೀಅ್ (ಅರಬ್ಬಿ: ربيع) ಎಂದರೆ ವಸಂತ. ಅವ್ವಲ್ (ಅರಬ್ಬಿ: الأول) ಎಂದರೆ ಪ್ರಥಮ. ರಬೀಉಲ್ ಅವ್ವಲ್ ಎಂದರೆ "ವಸಂತ ಕಾಲದ ಪ್ರಥಮ ತಿಂಗಳು". ಇದನ್ನು ಪ್ರಥಮ ತಿಂಗಳು ಎಂದು ಕರೆದಿರುವುದು ಏಕೆಂದರೆ ಇದರ ನಂತರ ರಬೀಉಲ್ ಆಖಿರ್ (ಅರಬ್ಬಿ: ربيع الآخر) "ವಸಂತ ಕಾಲದ ದ್ವಿತೀಯ ತಿಂಗಳು" ಬರುತ್ತದೆ. ಈ ತಿಂಗಳ ನಿಜವಾದ ಹೆಸರು ಶಹ್ರು ರಬೀಇನಿಲ್ ಅವ್ವಲು (ಅರಬ್ಬಿ: شهر ربيع الأول) ಎಂದು ಭಾಷಾಶಾಸ್ತ್ರಜ್ಞರು ಅಭಿಪ್ರಾಯಪಡುತ್ತಾರೆ. ಆದರೆ ಸಾಮಾನ್ಯವಾಗಿ ಇದನ್ನು ರಬೀಉಲ್ ಅವ್ವಲ್ ಎಂದು ಕರೆಯಲಾಗುತ್ತದೆ.
ಅರಬ್ಬರು ಸಾಮಾನ್ಯವಾಗಿ ಮೂರು ತಿಂಗಳುಗಳಿಗೆ ಮಾತ್ರ ಶಹ್ರ್ (ಅರೇಬಿಕ್ شهر) ಎಂಬ ಪೂರ್ವ ಪ್ರತ್ಯಯವನ್ನು (prefix) ಸೇರಿಸುತ್ತಾರೆ. ರಮದಾನ್, ರಬೀಉಲ್ ಅವ್ವಲ್ ಮತ್ತು ರಬೀಉಲ್ ಆಖಿರ್. ಇತರ ತಿಂಗಳುಗಳಿಗೆ ಅವರು ಶಹ್ರ್ ಸೇರಿಸುವುದಿಲ್ಲ. ಈ ತಿಂಗಳಿಗೆ ಮೊತ್ತಮೊದಲು ನಾಮಕರಣ ಮಾಡುವಾಗ ಅದು ವಸಂತ ಕಾಲವಾಗಿದ್ದರಿಂದ ಇದಕ್ಕೆ ರಬೀಅ್ (ವಸಂತ) ಎಂಬ ಹೆಸರು ಬಂತು ಎಂದು ಹೇಳಲಾಗುತ್ತದೆ.
This article uses material from the Wikipedia ಕನ್ನಡ article ರಬೀಉಲ್ ಅವ್ವಲ್, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). ವಿಶೇಷವಾಗಿ ಟಿಪ್ಪಣಿ ಮಾಡದಿದ್ದ ಹೊರತು ಪಠ್ಯ "CC BY-SA 4.0" ರಡಿ ಲಭ್ಯವಿದೆ. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ಕನ್ನಡ (DUHOCTRUNGQUOC.VN) is an independent company and has no affiliation with Wiki Foundation.
