ಓಲಾದೇವಿ

ಓಲಾದೇವಿಯು ಕಾಲರಾ ದೇವತೆಯಾಗಿದ್ದು, ಬಂಗಾಳ ಪ್ರದೇಶದ (ಇಂದಿನ ಬಾಂಗ್ಲಾದೇಶ ಮತ್ತು ಭಾರತದ ಪಶ್ಚಿಮ ಬಂಗಾಳ ರಾಜ್ಯವನ್ನು ಒಳಗೊಂಡಿರುವ) ಮತ್ತು ಮಾರ್ವಾರ್, ರಾಜಸ್ಥಾನದ ಜನರು ಪೂಜಿಸುತ್ತಾರೆ. ದೇವಿಯನ್ನು ಓಲೈಚಂಡಿ, ಓಲಬೀಬಿ ಮತ್ತು ಬೀಬಿಮಾ ಎಂದೂ ಕರೆಯುತ್ತಾರೆ . ಆಕೆಯನ್ನು ಬಂಗಾಳದ ಹಿಂದೂಗಳು ಮತ್ತು ಮುಸ್ಲಿಮರೂ ಪೂಜಿಸುತ್ತಾರೆ.

ಆಕೆಯನ್ನು ರಾಜಸ್ಥಾನದಲ್ಲಿ ಮಾ ಶೀತಲ ಎಂದು ಪೂಜಿಸಲಾಗುತ್ತದೆ, ಕಾಲರಾ, ಜಾಂಡೀಸ್, ಅತಿಸಾರ ಮತ್ತು ಇತರ ಹೊಟ್ಟೆಗೆ ಸಂಬಂಧಿಸಿದ ಕಾಯಿಲೆಗಳಂತಹ ಕಾಯಿಲೆಗಳಿಂದ ತನ್ನ ಭಕ್ತರನ್ನು ರಕ್ಷಣೆ ಮಾಡುತ್ತಾಳೆ. ಅವಳನ್ನು ಓರಿ ಮಾತಾ ಎಂದು ಕರೆಯಲಾಗುತ್ತದೆ. ಮಾರ್ವಾಡಿ ಸಂಪ್ರದಾಯದಲ್ಲಿ, ಅವಳು ಯಾವುದೇ ಸ್ಥಿರ ಪ್ರತಿಮಾಶಾಸ್ತ್ರವನ್ನು ಹೊಂದಿಲ್ಲ ಆದರೆ ಸಾಮಾನ್ಯವಾಗಿ ಅವಳನ್ನು ಶೀತಲನಂತೆ ಚಿತ್ರಿಸಲಾಗಿದೆ.

ಓಲಾದೇವಿಯು ಬಂಗಾಳದಲ್ಲಿ ಜಾನಪದ ಸಂಪ್ರದಾಯದ ಪ್ರಮುಖ ಭಾಗವಾಗಿದೆ ಮತ್ತು ವಿವಿಧ ಧರ್ಮಗಳು ಮತ್ತು ಸಂಸ್ಕೃತಿಗಳ ಸಮುದಾಯಗಳಿಂದ ಗೌರವಿಸಲ್ಪಟ್ಟಿದೆ.

ಓಲಾದೇವಿಯು ಪುರಾಣದ ಜನಪದ ಕಥೆಗಳಲ್ಲಿ ಅಸುರರು, ದಾನವರು ಮತ್ತು ದೈತ್ಯರ ಪೌರಾಣಿಕ ರಾಜ ಮತ್ತು ವಾಸ್ತುಶಿಲ್ಪಿ ಮಾಯಾಸುರನ ಹೆಂಡತಿ ಎಂದು ನಂಬಲಾಗಿದೆ. ಭಕ್ತರು ಕಾಲರಾ ಕಾಯಿಲೆಯ ವಿರುದ್ಧ ರಕ್ಷಕ ದೇವತೆ ಎಂದು ಪರಿಗಣಿಸುತ್ತಾರೆ, ಬಂಗಾಳದಾದ್ಯಂತ ಸಮುದಾಯಗಳನ್ನು ಪೀಡಿಸಿದ ಕಾಯಿಲೆಯಿಂದ ರಕ್ಷಿಸುವವಳು ಎಂದು ಅವಳನ್ನು ಆರಾಧಿಸುತ್ತಾರೆ . ವಾಸ್ತವವಾಗಿ, ಕಾಲರಾಗೆ ಬಂಗಾಳಿ ಪದವು ಓಲಾ-ಓತಾ ಅಥವಾ ಓಲಾ-ಉತಾ, ಓಲಾ ಎಂಬ ಹೆಸರಿನ ಉಲ್ಲೇಖವಾಗಿದೆ ("ಓಲಾ" ಎಂದರೆ ಬಂಗಾಳಿಯಲ್ಲಿ ಕೆಳಮುಖವಾಗಿ ಚಲಿಸುವುದು ಮತ್ತು ಉತಾ ಎಂದರೆ ಮೇಲಕ್ಕೆ ಚಲಿಸುವುದು. ಇದು ವಾಂತಿ ಭೇಧಿಯನ್ನು ಸೂಚಿಸುತ್ತದೆ.).

ಹಿಂದೂಗಳಿಗೆ, ಓಲಾದೇವಿಯು ಪಾರ್ವತಿ ದೇವಿಯ ಸಂಯೋಜಿತ ರೂಪವಾಗಿದ್ದು, ನೀಲಿ ಸೀರೆಯನ್ನು ಧರಿಸಿರುವ ಮತ್ತು ಆಭರಣಗಳಿಂದ ಅಲಂಕರಿಸಲ್ಪಟ್ಟ ಆಳವಾದ ಹಳದಿ ಚರ್ಮವನ್ನು ಹೊಂದಿರುವ ಮಹಿಳೆಯಾಗಿ ಚಿತ್ರಿಸಲಾಗಿದೆ. ಅವಳನ್ನು ವಿಸ್ತರಿಸಿದ ತೋಳುಗಳೊಂದಿಗೆ ಚಿತ್ರಿಸಲಾಗಿದೆ ಮತ್ತು ತನ್ನ ಮಡಿಲಲ್ಲಿ ಮಗುವಿನೊಂದಿಗೆ ಕುಳಿತಿದ್ದಾಳೆ. ಬಂಗಾಳದ ಹಿಂದೂ ಧರ್ಮವು ಅವಳನ್ನು ಒಲಬಿಬಿ ಗನ್ ( ಒಲಬಿಬಿ ಹಾಡು ) ನಿಂದ ಒಲಬಿಬಿ ಅಥವಾ ಬೀಬಿಮಾ ಎಂದು ಕರೆಯುತ್ತದೆ, ಇದು ಕನ್ಯೆ ಹಿಂದೂ ಧರ್ಮದ ರಾಜಕುಮಾರಿಯ ಮಗುವಿನ ಕಥೆಯನ್ನು ವಿವರಿಸುತ್ತದೆ, ಅದು ಅತೀಂದ್ರಿಯವಾಗಿ ಕಣ್ಮರೆಯಾಗಿ ದೇವಿಯಾಗಿ ಮತ್ತೆ ಕಾಣಿಸಿಕೊಂಡಿತು. ರಾಜ ಮನೆತನದಲ್ಲಿ ಮತ್ತು ಮಂತ್ರಿ ಮಂಡಲದಲ್ಲಿ ಎಲ್ಲರನ್ನೂ ಕಾಪಾಡುವ ದೇವಿಯಾಗಿದ್ದಾಳೆ . ಅವಳು ಕ್ಯಾಪ್, ಸ್ಕಾರ್ಫ್ ಮತ್ತು ಆಭರಣಗಳನ್ನು ಧರಿಸಿದ ಚಿತ್ರಗಳಿವೆ. ಅವಳ ಕಾಲುಗಳ ಮೇಲೆ ಅವಳು ನಗ್ರಾ ಬೂಟುಗಳನ್ನು ಧರಿಸಿದ್ದಳು ಮತ್ತು ಕೆಲವೊಮ್ಮೆ ಸಾಕ್ಸ್‌ಗಳನ್ನು ಸಹ ಧರಿಸಿದ್ದಳು. ಒಂದು ಕೈಯಲ್ಲಿ ಅವಳು ತನ್ನ ಭಕ್ತರ ಕಾಯಿಲೆಗಳನ್ನು ನಾಶಮಾಡುವ ಮಾಂತ್ರಿಕ ಸಾಧನವನ್ನು ಹಿಡಿದಿದ್ದ ಚಿತ್ರಗಳಿವೆ.

ಓಲಾದೇವಿಯು ಬಂಗಾಳದ ಜಾನಪದ ಸಂಪ್ರದಾಯಗಳಲ್ಲಿ ಒಂದು ಪ್ರಮುಖ ದೇವಿಯಾಗಿದ್ದು, ಮುಖ್ಯ ಹಿಂದೂ ದೇವರಾದ ಕೃಷ್ಣನೊಂದಿಗೆ ತಾಯಿಯ ದೈವಿಕತೆಯ ಹಿಂದೂ ಪರಿಕಲ್ಪನೆಯ ಮೇಲ್ಪಂಕ್ತಿಯಾಗಿ ತಜ್ಞರು ಪರಿಗಣಿಸಿದ್ದಾರೆ. ಕಾಲರಾ ದೇವತೆಯಾಗಿ ಓಲಾದೇವಿಯ ಆರಾಧನೆಯು 19 ನೇ ಶತಮಾನ ದಲ್ಲಿ ಭಾರತೀಯ ಉಪಖಂಡದಲ್ಲಿ ರೋಗ ಹರಡುವುದರೊಂದಿಗೆ ಹೊರಹೊಮ್ಮಿತು ಎಂದು ನಂಬಲಾಗಿದೆ. ಓಲಾದೇವಿಯ ಪ್ರಾಮುಖ್ಯತೆಯು ಕೋಮು ರೇಖೆಗಳು ಮತ್ತು ಜಾತಿ ಅಡೆತಡೆಗಳನ್ನು ದಾಟಿದೆ. ಆದಾಗ್ಯೂ, ವೈದ್ಯಕೀಯ ಮತ್ತು ನೈರ್ಮಲ್ಯದಲ್ಲಿನ ಪ್ರಗತಿಯಿಂದ ಕಾಲರಾ ಏಕಾಏಕಿ ಗಣನೀಯವಾಗಿ ಕಡಿಮೆಯಾದ ಕಾರಣ ಆಕೆಯ ಆರಾಧನೆಯ ಮಹತ್ವವು ಆಧುನಿಕ ಕಾಲದಲ್ಲಿ ಕಡಿಮೆಯಾಗಿದೆ.