ស៊ីហ្គេមលើកទី២៣ ធ្វើឡើងនៅប្រទសហ្វីលីពីន ពីថ្ងៃទី២៧ វិច្ឆិកា ដល់ថ្ងៃទី ៥ ធ្នូ ២០០៥។ នេះជាលើកទីមួយហើយនៅស៊ីហ្គេមដែលពិធីបើកនិងបិទការប្រកួត ធ្វើឡើងនៅទីវាល។ ថ្វីបើហ្វីលីពីនមានពហុកីឡាដ្ឋានច្រើនក៏ដោយ អ្នករៀបចំកម្មវិធីសំរេចចិត្តធ្វើនៅទីវាលបែបនេះ ដើម្បីអាចទទួលទស្សនិកជិនដ៏ច្រើនលើសលបបាន។ ជាលទ្ឋផល ស៊ីហ្គេមលើកទី២៣នេះ មានអ្នកទស្សនាច្រើនជាងគេបំផុតក្នុងប្រវត្តិស៊ីហ្គេម ដោយមានទស្សនិកជនជាង២សែននាក់ ចូលរួមពិធីបើកនិងបិទការប្រកួត។ នេះជាលើកទីបីហើយដែលហ្វីលីពីនបានធ្វើជាម្ចាស់ផ្ទះស៊ីហ្គេម។ លើកទី១គឺនៅឆ្នាំ ១៩៨១ (ស៊ីហ្គេមលើកទី១១) និងលើកទី២នៅឆ្នាំ១៩៩១ (ស៊ីហ្គេមលើកទី១៦)។ ទាំង២លើកមុននេះភាគច្រើននៃព្រឹត្តិការណ៍កីឡាទាំងអស់ធ្វើឡើងនៅក្នុងនិងក្បែររដ្ឋធានីម៉ានីល។ តែលើកនេះ គេសំរេចពង្រាយព្រឹត្តិការណ៍កីឡាទៅបណ្ដាទីក្រុងជាង១០នៅទូទាំងប្រទេស។ កត្តានេះធ្វើអោយប្រទេសចូលរួមមានការបារម្ភអំពីផលវិបាកនៃការធ្វើដំនើរនិងការហូបចុកស្នាក់នៅ។ ប៉ុន្តែគេមិនឃើញមានបញ្ហាអ្វីចោទទេនៅពេលដែលពួកគេបានទៅដល់នោះ។
ស៊ីហ្គេមលើកទី២៣ | |
---|---|
[[Image:|{{{Size}}}px|ស៊ីហ្គេមលើកទី២៣]] | |
ទីក្រុងនិងប្រទេសម្ចាស់ផ្ទះ | ហ្វីលីពីន |
ចំនួនប្រទេសដែលចូលរួម | ១១ |
ចំនួនកីឡាករដែលចូលរួម | ៥៣៣៦នាក់ |
ចំនួនព្រឹត្តិការណ៍កីឡា | ៤០ |
ពិធីបើកការប្រកួត | ២៧ វិច្ឆិកា ២០០៥ |
ពិធីបិទការប្រកួត | ៥ ធ្នូ ២០០៥ |
បើកការប្រកួតជាផ្លូវការដោយ | ហ្គ្លូរ៉ូយ៉ា ម៉ាកាប៉ាហ្គាល់ អាររ៉ូយ៉ូ |
អាជ្ញាកណ្ដាលធ្វើសច្ចាប្រណិធាន | កាអេសារ ម៉ាតេអូ |
អ្នកអុជគុបភ្លើង | ម៉ារី អេនត័នណិត រីវើរ៉ូ (តៃខ្វាន់ដូ) |
កន្លែងបើកការប្រកួត | សួនច្បាររីហ្សាល់ |
(ប្រទេសម្ចាស់ផ្ទះត្រូវបានដាក់ពណ៌)
ចំណា | ប្រទេស | មាស | ប្រាក់ | សំរិទ្ធ | សរុប |
---|---|---|---|---|---|
១ | ហ្វីលីពីន (PHI) | ១១៣ | ៨៤ | ៩៤ | ២៩១ |
២ | ថៃ (THA) | ៨៧ | ៧៨ | ១១៨ | ២៨៣ |
៣ | វៀតណាម (VIE) | ៧១ | ៦៨ | ៨៩ | ២២៨ |
៤ | ម៉ាឡេស៊ី (MAS) | ៦១ | ៥០ | ៦៤ | ១៧៥ |
៥ | ឥណ្ឌូនេស៊ី | ៤៩ | ៧៩ | ៨៩ | ២១៧ |
៦ | សិង្ហបុរី | ៤២ | ៣២ | ៥៥ | ១២៩ |
៧ | មីយ៉ាន់ម៉ា | ១៧ | ៣៤ | ៤៨ | ៩៩ |
៨ | ឡាវ | ៣ | ៤ | ១២ | ១៩ |
៩ | ប្រ៊ុយណេ | ១ | ២ | ២ | ៥ |
១០ | កម្ពុជា | ០ | ៣ | ៩ | ១២ |
១១ | ទីម័រខាងកើត | ០ | ០ | ៣ | ៣ |
ចំនាំ៖ បាល់បោះដែលជាកីឡាពេញនិយមនៅហ្វីលីពីន ត្រូវបានដកចេញពីស៊ីហ្គេមលើកទី២៣នេះ ដោយសារសហព័ន្ឋបាល់បោះអន្តរជាតិបានដាក់ទណ្ឌកម្មមិនអោយហ្វីលីពីនចូលរួមប្រកួតកីឡាបាល់បោះជាអន្តរជាតិឡើយ។
This article uses material from the Wikipedia ភាសាខ្មែរ article ស៊ីហ្គេមលើកទី២៣, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). ខ្លឹមសារអត្ថបទប្រើប្រាស់បានក្រោមអាជ្ញាបណ្ឌCC BY-SA 4.0 លើកលែងតែមានបញ្ជាក់ផ្សេងពីនោះ។ Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ភាសាខ្មែរ (DUHOCTRUNGQUOC.VN) is an independent company and has no affiliation with Wiki Foundation.