ព្រះសត្ថាទី២ ឬ អង្គយ៉ង (អង់គ្លេស: Preah Satha II) or (Ang Yorng) (ប្រ.ស|គ.ស ១៦៩២-១៧៤៩) រជ្ជកាលគ្រងរាជ (គ.ស ១៧២២-១៧២៩) ក្រោយធ្វើពិធីរាជាភិសេកគ្រងរាជសម្បត្តិផ្លូវការណ៍ នៅរាជធានីឧដុង្គ ព.សករាជ ២២៦៦ ត្រូវនិង គ.សករាជ ១៧២២ ត្រូវនិង មហាសករាជ ១៦៤៥ ទ្រង់មានព្រះនាមហៅថា ព្រះបាទសម្ដេច ព្រះសត្ថាធិរាជរាមារធិបតី ទ្រង់គឺជាបុត្ររបស់ ព្រះកែវហ្វាទី៣ អង្គអុឹម ។ ក្នុងការគ្រងរាជរបស់ព្រះសត្ថាទី២ ទ្រង់បានធ្វើការផ្លាសប្ដូរគោលនយោបាយជាតិផងដែរ នោះគឺគោលនយោបាយប្រឆាំងរដ្ឋអណ្ណាម ដែលផ្ទុយនិងអត្តចរឹតបិតាទ្រង់ ដែលបិតាទ្រង់បានប្រកាន់យកគោលនយោបាយចងសម្ព័នមិត្តនិងពួកអណ្ណាម ។
ព្រះសត្ថាទី២ | ||||
រជ្ជកាល | ១៧២២-១៧២៩ រាជាណាចក្រកម្ពុជា | |||
គ្រងរាជ |
| |||
រាជសម័យ | សម័យកាលឧដុង្គ | |||
ព្រះនាមពេញ | ព្រះបាទសម្ដេច ព្រះសត្ថាធិរាជរាមាធិបតី | |||
មរណៈនាម | មិនមានកំណត់ត្រា | |||
ក្សត្រមុន | ព្រះកែវហ្វាទី៣ (រជ្ជកាលទី២) | |||
រាជបន្ត | ព្រះកែវហ្វាទី៣ (រជ្ជកាលទី៣) | |||
សន្តិវង្ស | រាជវង្សឧដុង្គ | |||
ប្រសូត្រ | ១៦៩២ | |||
បុត្រ | អង្គជ័យ | |||
ចូលទីវង្គត់ | ១៧៤៩ | |||
ជំនឿសាសនា | ពុទ្ធសាសនា និកាយថេរវាទ (Buddha Theravada) |
Annam-Siam Treaty
គ.សករាជ ១៧២២ ក្រោយពេលព្រះសត្ថាទី២ ឡើងសោយរាជបានប្រម៉ាណជា ៥ខែ អណ្ណាម និង សៀមបានឈានដល់កិច្ចព្រមព្រៀងមួយ នោះគឺការចុះនូវសន្ធិសញ្ញាដោះដូរពាណិជ្ជកម្មនិងគ្នា និង សហការគ្នាក្នុងការគាបប្រទេសកម្ពុជា ដោយបង្ខំឱ្យស្ដេចកម្ពុជាថ្វាយនូវសួយសាអាករទៅកាន់ស្ដេចទាំងពីរ ការចុះនូវសន្ធិសញ្ញានេះមានការចូលរួមពីស្ដេចសៀមផ្ទាល់គឺ ព្រះបរមមកុដ ដែលមានព្រះនាមពេញហៅថា សម្ដេចព្រចៅយូហួ (Samdech Phrea Chaoyo Hua) និង ស្ដេចអណ្ណាមព្រះនាម ឡេដុតុង (Lê Dụ Tông) ដែលរៀបចំឡើងនៅលើសំពៅរបស់ពួកប៉ទុយហ្គាល់ ដែលចតនៅ ឈូងសមុទ្រសៀម ។ គ.សករាជ ១៧២៥ ស្ដេចសៀមបានបញ្ចូន ព្រះស្រីធម្មរាជ និង បុត្រីរបស់ទ្រង់ អង្គសោភាក្សត្រី ដែលរត់ភៀសខ្លួនទៅអាយុធ្យា អំឡុងពេល ព្រះអង្គអុឹម ធ្វើរដ្ឋប្រហារយោធា ឱ្យមករៀបអភិសេក និង ព្រះសត្ថាទី២ ដោយមានគំនាបពីសៀមផង និង អណ្ណាមផង ព្រះសត្ថាទី២ បានយល់ព្រមនូវសំណើរនេះ ដោយបុត្រីរបស់ព្រះស្រីធម្មរាជ ត្រូវបានតែងតាំងជា អគ្គមហេសី ដែលតាំងនាមហៅថា ព្រះសុជាតិក្សត្រី ដោយសារតែញាតិវង្សជាសាច់ញាតិនិងគ្នា ដូចនេះក្នុងឆ្នាំ ១៧២៥ ដដែល ព្រះសត្ថាទី២ បានធ្វើពិធីដង្ហែព្រះអដ្ឋិធាតុ ព្រះជ័យជេស្ឋា អង្គស៊ូ ដែលតាំងឋានៈជាព្រះអយ្យកោ របស់អង្គព្រះមហាក្សត្រ ដើម្បីយកធាតុរបស់ទ្រង់ទៅបញ្ចុះក្នុងចេតិយត្រៃត្រិង្សលើកំពូល ភ្នំព្រះរាជទ្រព្យ ក្នុងក្រុងឧដុង្គមានជ័យ ។
Suppression of insurgency
នៅគ.សករាជ ១៧២៩ ពួកអណ្ណាម ដែលបានចូលមករស់នៅកម្ពុជា បានប្រមូលផ្ដុំគ្នាបង្កើតជាសហគម៍នៅស្រុកបាភ្នំ ខេត្តព្រៃវែង មានបំណងបះបោរនិងព្រះរាជាដោយបង្កើតនូវតំបន់អប្បគមន៍ដើម្បីគ្រប់គ្រង ដោយក្រុមចារកិច្ចកម្ពុជាបានសើបដឹងហើយយកដំណឹងនេះមកទូលព្រះរាជា ព្រះសត្ថាអង្គយ៉ង ក៏បញ្ជារឱ្យព្រះសុត ដែលជាជនជាតិឡាវ និង ត្រូវជាបុត្ររបស់ព្រះវង្ស ដែលជារាជវង្សឡាវមួយក្រុមដែលបានមកសុំសិទ្ធជ្រកកោននិងព្រះរាជាខ្មែរកាលពីរាជស្ដេចមុន ទ្រង់បញ្ជារឱ្យលើកទ័ពទៅបង្ក្រាបពួកបះបោរទាំងនោះរហូតទទួលបានជោគជ័យ ដោយសម្លាប់ពួកអណ្ណាមទាំងអស់នេះស្ទើរគ្មានសល់ ដូចនេះហើយ ព្រះសុត ត្រូវបានតែងតាំងជាចៅហ្វាយស្រុកបាភ្នំ និងបានបន្ថែមឋានៈជាមន្ត្រីកងទ័ព ។ ព្រះសត្ថាទី២ ទ្រង់សោយរាជអស់រយៈពេល ៧ឆ្នាំ ទ្រង់ក៏ដាក់រាជថ្វាយទៅឱ្យព្រះបិតាទ្រង់ អង្គអុឹម វិញ ក្នុងឆ្នាំ ១៧២៩ នៃគ.សករាជ ដោយសារតែព្រះអង្គអុឹម យល់ឃើញថា បុត្ររបស់ទ្រង់មានចរឹតឆេវឆាវ មិនទាន់អាចឃុំគ្រងចិត្តរបស់ខ្លួនបាននោះទេ ការចេញបញ្ជារឱ្យសម្លាប់ជនបរទេសរង្គាលបែបនេះ ក៏និងធ្វើឱ្យជនបរទេសដ៏ទៃទៀតមានភាពតក់ស្លុត ហើយអាចនិងមិនចង់មករកសុីជួញដូរនៅកម្ពុជានោះទេ ដែលខុសពីអតីតក្សត្រ ធម្មរាជាទី៣ ដោយគ្រាន់តែបំបែកពួកបះបោរទាំងនោះឱ្យរស់នៅឆ្ងាយពីគ្នាប៉ុនណោះ ។
នេះជាអត្ថបទប្រវត្តិសាស្ត្រពិតកម្ពុជា ដែលបានរកឃើញសំណៅឯកសារ ដែលសរសេរដោយប្រវត្តិវិទូរជនជាតិហូឡង់ក្នុងឆ្នាំ (1871) អត្ថបទទាំងមូលសរសេរជាភាសាហូឡង់ផងដែរ ក្រុមបុរាណាចារ្យ បានធ្វើការផ្ទៀងផ្ទាត់និង ឯកសារ មហាបុរសខ្មែរ ឆ្នាំ (1969) ដែលផ្ដិតយកតែឆ្នាំ ដែលមានភាពពាក់ព័ន្ធទៅនិង ព្រឹត្តិការណ៍ពិតប៉ុនណោះ រាល់ខ្លឹមសារដែលទាក់ទងនិងរឿងភាគនិទាន ដែលគេសរសេរច្របល់ក្នុង ឯកសារ មហាបុរសខ្មែរ មិនត្រូវបានយកមកសរសេរនោះទេ ។
ព្រះសត្ថាទី២ (គ.ស ១៦៩២-១៧៤៩) | ||
មុនដោយ ព្រះកែវហ្វាទី៣ (រជ្ជកាលទី២) | រាជាណាចក្រកម្ពុជា ១៧២២-១៧២៩ | តដោយ ព្រះកែវហ្វាទី៣ (រជ្ជកាលទី៣) |
This article uses material from the Wikipedia ភាសាខ្មែរ article ព្រះសត្ថាទី២, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). ខ្លឹមសារអត្ថបទប្រើប្រាស់បានក្រោមអាជ្ញាបណ្ឌCC BY-SA 4.0 លើកលែងតែមានបញ្ជាក់ផ្សេងពីនោះ។ Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ភាសាខ្មែរ (DUHOCTRUNGQUOC.VN) is an independent company and has no affiliation with Wiki Foundation.