ចូកូ វីដូដូ

ចូកូ វីដូដូ (កើតនៅថ្ងៃទី២១ ខែមិថុនា ឆ្នាំ១៩៦១) ត្រូវបានគេនិយមហៅដែរថា ចូកូវី (Jokowi) គឺជាអ្នកនយោបាយ និងធុរជនជឥណ្ឌូណេស៊ីមួយរូបដែលសព្វថ្ងៃ កំពុងបម្រើការជាប្រធានាធិបតីទីប្រាំពីរនៃប្រទេសឥណ្ឌូណេស៊ី។ លោកបានជាប់ឆ្នោតជាប្រធានាធិបតីនៅខែកក្កដា ឆ្នាំ២០១៤ ហើយត្រូវជាប្រធានាធិបតីឥណ្ឌូណេស៊ីដំបូងគេបង្អស់ដែលមិនមានជីវប្រវត្តិនយោបាយខ្ពង់ខ្ពស់ ឬជាវរជនយោធា។ គាត់ធ្លាប់កាន់តំណែងជាអភិបាលក្រុងស៊ូរ៉ាកាតាពីឆ្នាំ២០០៥ ដល់ឆ្នាំ២០១២ និងជាអភិបាលនៃរដ្ឋធានីចាកាតាពីឆ្នាំ២០១២ ដល់ឆ្នាំ២០១៤។ មុនពេលប្រកបអាជីពជាអ្នកនយោបាយ គាត់ធ្លាប់ជាអ្នកឧស្សាហកម្ម ជាងឈើ និងពាណិជ្ជករ។