Joko Widodo (gebore Mulyono, 21 Junie 1961), ook bekend as Jokowi, is 'n Indonesiese politikus en sedert 2014 die 7de president van Indonesië.
Hy is die land se eerste president wat nie uit die land se politieke of militêre elite gekom het nie. Voor sy verkiesing as president was hy die goewerneur van Djakarta tussen 2012 en 2014 en die burgemeester van Soerakarta.
Joko Widodo | |
Amptelike portret, 2019 | |
7de president van Indonesië | |
Ampsbekleër | |
Termynaanvang 20 Oktober 2014 | |
Vise | Jusuf Kalla (2014-2019) Ma'ruf Amin (2019-huidig) |
---|---|
Voorafgegaan deur | Susilo Bambang Yudhoyono |
14 goewerneur van Djakarta | |
Ampstermyn 15 Oktober 2012 – 16 Oktober 2014 | |
Vise | Basuki Tjahaja Purnama |
Voorafgegaan deur | Fauzi Bowo |
Opgevolg deur | Basuki Tjahaja Purnama |
15de burgemeester van Soerakarta | |
Ampstermyn 28 Julie 2005 – 1 Oktober 2012 | |
Vise | F. X. Hadi Rudyatmo |
Voorafgegaan deur | Slamet Suryanto |
Opgevolg deur | F. X. Hadi Rudyatmo |
Persoonlike besonderhede | |
Gebore | Mulyono 21 Junie 1961 Soerakarta, Indonesië |
Politieke party | Indonesiese Demokratiese Party van Stryd |
Eggenoot/-note | Iriana |
Kind(ers) | 3 |
Alma mater | Gadjah Mada-universiteit |
Handtekening |
Jokowi is op 21 Junie 1961 as Mulyono gebore. Hy is van Javaanse afkoms. Hy is die oudste van vier broers en susters en is die enigste seun van Noto Mihardjo en Sudjiatmi Notomihardjo. Jokowi was dikwels siek as 'n kleuter, en sy naam is dus verander - 'n algemene praktyk in die Javaanse kultuur - na Joko Widodo, met widodo wat "gesond" in Javaans beteken.
Jokowi het sy skoolloopbaan by die Staat Laerskool 111 Tirtoyoso begin. Hy het later by Staat Junior Hoërskool 1 Soerakarta skoolgegaan. Hy wou baie graag die Staat Senior Hoërskool 1 Soerakarta bywoon, maar hy het nie 'n hoog genoeg punt in die toelatingseksamen behaal nie. Jokowi het toe eerder die nuwer Staat Senior Hoërskool 6 in die stad bygewoon.
Na universiteit het Jokowi begin werk by PT Kertas Kraft Aceh (id), 'n staatsbeheerde firma in Aceh, Soematra. Hy het tussen 1986 en 1988 by die hedendaagse Bener Meriah Regency gewerk as 'n toesighouer by 'n Soematraanse denneplantasie. Jokowi het egter gou belangstelling in die firma verloor en teruggekeer huis toe. Hy het vir 'n jaar in sy oupa se meubelfabriek begin werk voordat hy sy eie maatskappy, Rakabu, gestig het, wat na sy eerste kinder vernoem is. Hy het sy aanvanklike kapitaal verkry uit 'n Rp 15 miljoen belegging van sy pa en 'n banklening. 'n Franse kliënt het vir hom die bynaam "Jokowi" gegee.
Teen 2002 het Jokowi die voorsitter van Soerakarta se meubelvervaardigersvereniging geword. Hy het besluit om 'n politikus te word en hervorming in sy tuisdorp, Soerakarta, te bevorder nadat hy die netjiese uitlegte van sommige Europese stede gesien het terwyl hy sy meubels daar bemark het.
Nadat hy by die Indonesiese Demokratiese Party van Stryd aangesluit, is hy in 2005 as burgemeester van Soerakarta verkies. Hy is in 2010 herverkies nadat hy meer as 90% van die stemme ontvang het.
In 2012 is Jokowi as goeweneur van Djakarta verkies. Hy is twee jaar daarna as president verkies Hy is in 2019 vir 'n tweede en finale termyn as president herverkies.
Hierdie artikel is in sy geheel of gedeeltelik vanuit die Engelse Wiki vertaal. |
This article uses material from the Wikipedia Afrikaans article Joko Widodo, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.