គឺជាភូមិមួយស្ថិតនៅ ឃុំស្វាយទងខាងជើង ស្រុកកំពង់ត្រាច ខេត្តកំពត។ ភូមិនេះត្រូវបានប្រជាជនរស់នៅទីនោះបានដាក់ឈ្មោះនិងបានហៅតៗគ្នាមកតាំងពីបុរាណកាលមកម្លេះ។ តាមចាស់ៗបុរាណបាននិយាយតៗគ្នាថា ដោយហេតុបានជាដាក់ឈ្មោះភូមិនេះថាជាភូមិបាយទានោះ ក៏ព្រោះតែភូមិនេះសំបូរទៅដោយរុក្ខជាតិ ម្យ៉ាងដែលគេហៅថា បាយទា ជាប្រភេទរុក្ខជាតិដែលដុះក្នុងស្រែពេលដែលខែសន្ទង់បែកគម្ភ ហើយជាពិសេសគឺសត្វទាចូលចិត្តស៊ីនៅរុក្ខជាតិនោះ។ ភូមិនេះមានចំងាយប្រមាណជាបីគីឡូម៉ែត្រពីផ្លូវជាតិលេខ៣៣ទៅ ដោយធ្វើដំណើរឆ្លងកាត់ភូមិទ្រូងអណ្តើកហើយនិងឆ្លងកាត់ភ្នំមួយឈ្មោះថា ភ្នំថ្កូវ(កូវ)ទើបដល់ភូមិនោះ។ បើធ្វើដំណើរតាមផ្លូវស្រុកកំពង់ត្រចាព្រែកចាកវិញ មកដល់ឃុំកំពូលមាសមានផ្លូវលំមួយដោយធ្វើដំណើរតាមក្លោងទ្វារវត្ត គិរីគង្គារ ហៅថា វត្តកំពង់គ្រញូង ប្រមាណជា បួនគីឡូម៉ែត្រទើបដល់ភូមិបាយទា។ ភូមិនេះមានប្រជាជនប្រមាណជា៨០%ជាប្រជាកសិករ ១៥%ជាអាជីវករ និង ប្រមាណជា៥% ប៉ុណ្ណោះជានាក់ធ្វើការងាររាជការ។ប្រជាជនសរុបក្នុងភូមិបាយទានេះមានប្រមាណជាជាង៤៥០គ្រូសារប៉ុណ្ណោះ ហើយប្រជាជនរស់នៅក្នុងភូមិនោះតែងតែធ្វើស្រែចំការតាមយថាផល។ ភូមិបាយទាមានដៃព្រែកជាប់មួយយ៉ាងធំដែលលាតសន្ធឹងមកពីទំនប់លំពូខាងលើស្រុកកំពង់ត្រាចឆ្ពោះទៅកាន់សមុទ្រនៃភូមិភាគនារតីនៃប្រទេសកម្ពុជា។ ហើយមកដល់បច្ចុប្បន្ននេះទំនប់នេះត្រូវបានទប់សំរាប់យកទឹកដើម្បីយកមកធ្វើស្រែប្រាំងផង។ ទំនប់នោះត្រូវបានហៅថា ទំនប់កំពង់គ្រញូង។ ហើយជារៀងរាល់ឆ្នាំនៅមុខទំនប់ទឹកនោះត្រូវបានព្រះសង្ឃនិង ពុទ្ធបរិស័ទជើងវត្តកំពង់គ្រញូងប្រារព្ភធ្វើបុណ្យអុំទូកឈើមិនដែលខានផងដែរ។
This article uses material from the Wikipedia ភាសាខ្មែរ article ភូមិបាយទា, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). ខ្លឹមសារអត្ថបទប្រើប្រាស់បានក្រោមអាជ្ញាបណ្ឌCC BY-SA 4.0 លើកលែងតែមានបញ្ជាក់ផ្សេងពីនោះ។ Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ភាសាខ្មែរ (DUHOCTRUNGQUOC.VN) is an independent company and has no affiliation with Wiki Foundation.