Altıngúl Óteniyazova
Altıngúl Uteniyazova
 |
| Altıngúl Uteniyazova | |
|---|---|
 | |
| Atı | Altıngúl Uteniyazova |
| Tuwılǵan | 1965-jılı |
| Milleti | Qaraqalpaq |
| Sıylıqları | Ózbekstan Respublikasında xızmet kórsetken jurnalist |
Biografiyası
Uteniyazova Altıngúl Palwanovna 1965- jılı Taxtakópir rayonında tuwılǵan.Dáslep awıldaǵı segiz jıllıq mektepte,keyin kásip texnikalıq oqıw orınında orta bilim iyelep, Qaraqalpaq Mámleketlik Universitetiniń jurnalistika qánigeligin pitkergen.Dáslep "Bilim" baspasında ,keyin 1991- jıldan baslap Qaraqalpaqstan respublikası teleradiokompaniyasında xızmet etip keledi.
2004- jıldan Ózbekstan xám Qaraqalpaqstan Jazıwshıları Awqamınıń aǵzası bolǵan.
Kitapları
Balalarǵa arnalǵan "Umıtshaq" gúrrińler toplamı, "Qız kúndeligi" gúrrińler toplamı,"Júreklerde bar bol, muhabbat","Jaqsılıqqa tájim","Ayqulaq" poeziyalıq toplamları,"Ańlattıń maǵan" atlı tańlamalı shıǵarmaları kitap bolıp baspadan shıqtı
Dóretiwshiligi
"Qızıń- ar namısıń" atlı muzıkalıq draması Berdaq atındaǵı Qaraqalpaq mámleketlik akademiyalıq sazlı teatrı saxnasında qoyılǵan.
"Arzıwlı jollar" teleserialı Qaraqalpaqstan telekanalında,96 bólimnen ibarat "Tırnalar kiyatır" atlı radioserialı Nókis FM radiosı arqalı tamashagóyler názerine usınıldı hám joqarı bahalandı.
"Ayqulaq","Aramızdaǵı ápsanalar","Ata mákan saǵınıshı","Qálbimdegi qosıqlar"kórsetiwlerin tayarlap, birneshshe jıllardan beri tele tamashagóyler alǵıslarına miyasar bolıp kiyatır.
Jetiskenlikleri
Altıngul Uteniyazova "Ózbekstan Respublikasında xızmet kórsetken jurnalist" , " Qaraqalpaqstan respublikasına miyneti sińgen mádeniyat xızmetkeri "
Shańaraǵı
Ómirlik joldası Tolıbay Pirimbetov ta telejurnalist.Perzentleri Raushan, Ajiniyaz,Baxbergenler de joqarı maǵlıwmatlı qánigeler sıpatında el xalqımızǵa xızmet etip keledi.
A.Uteniyazovanıń eki júzge jaqın qosıqlarına belgili kompozitorlarımız tárepinen nama jazılıp,elimiz bayramlarında belgili qosıqshılarımız tárepinen atqarılıp kiyatır.
Respublikalıq gazeta jurnallarda ótkir mazmunlı maqalaları, publicistikalıq dóretpeleri,ocherkleri menen jiyi-jiyi kórinip turadı.
This article uses material from the Wikipedia Qaraqalpaqsha article Altıngúl Óteniyazova, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Maǵlıwmat CC BY-SA 4.0 litsenziyası boyınsha alınǵan (eger basqa shártler kórsetilmese). Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Qaraqalpaqsha (DUHOCTRUNGQUOC.VN) is an independent company and has no affiliation with Wiki Foundation.