„ჰავანა რივიერა“ (Hotel Habana Riviera) — სასტუმრო კუბაში, დედაქალაქ ჰავანაში.
მდებარეობს მალეკონის სანაპირო ბულვარზე. შეიცავს დაახლოებით 350 ნომერს. სასტუმროს ფლობდა და მართავდა კომპანია სახელწოდებით Riviera de Cuba S.A., რომელიც ჩამოაყალიბა მეირ ლანსკიმ. მშენებლობაში დაიხარჯა 8 მილიონი აშშ დოლარი, რომლის უდიდესი წილი გაიღო სახელმწიფო ეკონომიკური და სოციალური განვითარების ბანკმა (BANDES), რომლის ზრდა-განვითარებაში დიდი წვლილი შეიტანა ფულხენსიო ბატისტამ.
ჰავანა რივიერა | |
---|---|
მდებარეობა | კუბა |
ისტორია | |
გახსნის თარიღი | 1957 |
სტატისტიკა | |
ნომრების რაოდენობა | 352 |
სართულების რაოდენობა | 21 |
ოფიციალური ვებ-გვერდი |
ლანსკის საინვესტიციო პარტნიორებიდან იყვნენ ლას-ვეგასის პოლიტიკური ბროკერები, მათ შორის მისი ძველი მეგობრები მოე დელიტცი, მორის კლეინმენი, სემ ტაკერი, ედუარდ ლევინსონი, ჰაიამ აბრამსი და სხვები, რომლებიც სხვადასხვა დაწესებულებებიდან გვევლინებოდნენ.
ჰავანა რივიერა აშენდა 1957 წლის 10 დეკემბერს. იმ დროისათვის იყო კუბის ერთ-ერთი ყველაზე ძვირადღირებული სასტუმრო, ამასთანავე ჰავანა რივიერა ქალაქ ჰავანაში წარმოადგენდა პირველ სასტუმროს, სადაც ოთახები კონდიციონერებით იყო აღჭურვილი. სასტუმროს ოთახებიდან ხედი იშლებოდა მექსიკის ყურეზე. შენობის არქიტექტორის ასარჩევად ლანსკიმ თავდაპირველად აირჩია უეინ მაკალისტერი, რომელიც ლოს-ანჯელესში ნაყოფიერად მოღვაწეობდა. მისი დაჟინებული მოთხოვნით შენობა დაახლოებით ექვსი თვის განმავლობაში უნდა აშენებულიყო. ლანსკიმ არქიტექტორად საბოლოოდ იგორ პოლევიცკი აიყვანა, ხოლო ირვინგ ფელდმანი იყო პროექტის გენერალური კონტრაქტორი. ლანსკის დაქირავებული ჰყავდა აგრეთვე ორი ცნობილი კუბელი ხელოვანი.
გარკვეული დროის შემდეგ ჰავანა რივიერა გადაიქცა ჰავანის სიმბოლოდ.
This article uses material from the Wikipedia ქართული article ჰავანა რივიერა, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). შინაარსი წარმოდგენილია შემდეგი ლიცენზიით (თუ სხვა არ არის მითითებული): CC BY-SA 4.0. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ქართული (DUHOCTRUNGQUOC.VN) is an independent company and has no affiliation with Wiki Foundation.