კეპლერ-20 — დედამიწიდან 950 სინათლის წლის მოშორებით მდებარე ვარსკვლავი ქნარის თანავარსკვლავედში, რომლის გარშემოც აღმოჩენილია 5 პლანეტა.
ამ ვარსკვლავის ვარსკვლავიერი სიდიდე 12,51-ია, ამიტომ მისი შეუიარაღებელი თვალით დანახვა შეუძლებელია. მისი დანახვისათვის საჭიროა მინიმუმ 15 სანტიმეტრიანი ტელესკოპი. ის მზეზე ოდნავ მცირეა — მზის რადიუსის 94% და მზის მასის 91%. ფოტოსფეროს ეფექტური ტემპერატურა 5,466 K ოდნავ მცირეა მზისაზე, რის გამოც ის ყვითელია და G8 ტიპის ვარსკვლავადაა კლასიფიცირებული. წყალბადისა და ჰელიუმის ელემენტების გარდა სხვათა სიუხვე (რასაც ასტრონომიაში მეტალურობა ეწოდება) დაახლოებით მზის მსგავსია. ის შესაძლოა მზეზე ხნიერი იყოს.
დაკვირვების მონაცემები | |
---|---|
ეპოქა: | J2000 |
თანავარსკვლავედი: | ქნარი |
პირდაპირი ასვლა: | 19სთ 10წთ 47,524წმ |
დახრილობა: | +42გრად 20მინ 19,30სეკ +42° 20′ 19.30″ |
მანძილი: | 950 სინათლის წელიწადი |
მასა: | 0,912 ± 0,035 M☉ |
რადიუსი: | 0,944 R☉ |
სპექტრული ტიპი: | G8 |
ტემპერატურა: | 5466 ± 93 K |
ვარსკვლავიერი სიდიდე: | 12,5 |
2011 წლის 20 დეკემბერს კეპლერის კოსმოსური ტელესკოპის მკვლევართა გუნდმა განაცხადა აღმოჩენა 5 პლანეტიანი სისტემისა, რომელიც შეიცავს 3 პატარა გაზურ გიგანტს და პირველ 2 დედამიწის ზომის ეგზოპლანეტას — კეპლერ-20e (აღმოჩენილი პირველი ეგზოპლანეტა, რომელიც დედამიწაზე პატარაა და მთავარი მიმდევრობის ვარსკვლავის გარშემო ბრუნავს) და კეპლერ-20f, რომელიც მზის მსგავსი ვარსკვლავის გარშემო ბრუნავს. მიუხედავად იმისა, რომ ეს პლანეტები დედამიწის ზომისაა, ისინი დედამიწის მსგავსი არაა, რადგან დედავარსკვლავთან ძალიან ახლოს ბრუნავს, ვიდრე დედამიწა და, აქედან გამომდინარე, სასიცოცხლო ზონაში არ იმყოფება. მათი ზედაპირის ტემპერატურა დაახლოებით 760 °C და 427 °C-ია, შესაბამისად. სისტემაში არსებული ნეპტუნის ზომის სხვა პლანეტებიც: კეპლერ-20b, კეპლერ-20c და კეპლერ-20d დედავარსკვლავთან ძალიან ახლოს ბრუნავს.
კომპანიონი (ვარსკვლავიდან დაშორებით) | მასა (დედამიწის მასა) | დიდი ნახევარღერძი (აე) | ორბიტალური პერიოდი (დღეები) | ექსცენტრისიტეტი | დახრილობა | რადიუსი |
---|---|---|---|---|---|---|
b | 8,7 M⊕ | 0,04537 | 3,6961219 | <0,32 | — | 1,91 R⊕ |
e | 0,39-1,67 M⊕ | 0,0630 | 6,098493 | <0,28 | — | 0,868 R⊕ |
c | 16,1 M⊕ | 0,0930 | 10,854092 | <0,40 | — | 3,07R⊕ |
f | 0,66–3,04 M⊕ | 0,1370 | 19,57706 | <0,32 | — | 1,034 R⊕ |
d | <20,1 M⊕ | 0,3453 | 77,61184 | <0,60 | — | 2,75 R⊕ |
This article uses material from the Wikipedia ქართული article კეპლერ-20, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). შინაარსი წარმოდგენილია შემდეგი ლიცენზიით (თუ სხვა არ არის მითითებული): CC BY-SA 4.0. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ქართული (DUHOCTRUNGQUOC.VN) is an independent company and has no affiliation with Wiki Foundation.