ვამეყ Iii დადიანი
ვამეყ III დადიანი — ოდიშის მთავარი 1658-1660/1662, გიორგი ლიპარტიანის ძე.
ლევან II დადიანის სიკვდილის (1657) შემდეგ ალექსანდრე III იმერთა მეფის დახმარებით ხელში ჩაიგდო ოდიშის სამთავრო ტახტი და დადიანის ტიტული. 1658 წელს ბანძასთან დაამარცხა თავისი მეტოქე ლიპარიტ III დადიანი. 1660 იმერეთის სამეფოში გაჩაღებულ შინაომში ჩაერია, დიდებულთა დახმარებით დაიპყრო სამეფოს დიდი ნაწილი და მეფის ტიტულიც მიიღო. მის წინააღმდეგ გაილაშქრა ქართლის მეფე ვახტანგ V-მ, მაგრამ საქმე მორიგებით დამთავრდა: ვახტანგ V-ს იმერეთის სამეფოს ზემო მხარე დარჩა, დანარჩენი ნაწილი — ვამეყ III დადიანს. ამ უკანასკნელს თავისი ასული ქართლის მეფის ძის არჩილისათვის უნდა მიეთხოვებინა. ამის შედეგად იმერეთის სამეფო არჩილის ხელში გადავიდოდა. ვამეყ III დადიანს კი იმერეთი თავისთვის უნდოდა. მან პირობა დაარღვია და თავისი ასული სხვას მიათხოვა. ამას ვახტანგ V-ის მეორე ლაშქრობა მოჰყვა. ვამეყ III დადიანს იმერეთისა და ოდიშის დიდებულთა დიდი ნაწილი განუდგა. მან ჯერ ოდიშს მიაშურა, მაგრამ როდესაც ოდიშის ციხესიმაგრეებიც ვახტანგ V-ის ლაშქარმა დაიპყრო, სვანეთში გაიქცა. მისი ოჯახი ქართლის ლაშქარმა ჩაიგდო ხელთ. ვახტანგ V-მ ოდიშში ლევან II დადიანის ძმისწული შამადავლე დასვა მთავრად. ვამეყ III დადიანი სვანეთში ღალატით მოკლეს.
| ვამეყ III | |
|---|---|
 | |
| ოდიშის მთავარი იმერეთის მეფე | |
| მმართ. დასაწყისი: | 1658 |
| მმართ. დასასრული: | 1661 |
| წინამორბედი: | ლიპარიტ III |
| მემკვიდრე: | ლევან III |
| მეუღლე: | ელენე გურიელი |
| შვილები: | გიორგი, ბაგრატი |
| დინასტია: | დადიანები |
| ხელმოწერა: | .svg) |
ლიტერატურა
- ბერაძე თ., ქართული საბჭოთა ენციკლოპედია, ტ. 4, თბ., 1979. — გვ. 287.
| წინამორბედი: ლიპარიტ III | ოდიშის მთავარი 1658 - 1661 | შემდეგი: ლევან III |
| წინამორბედი: ვახტანგ ჭუჭუნიაშვილი | იმერეთის მეფე 1661 | შემდეგი: არჩილ II |
This article uses material from the Wikipedia ქართული article ვამეყ III დადიანი, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). შინაარსი წარმოდგენილია შემდეგი ლიცენზიით (თუ სხვა არ არის მითითებული): CC BY-SA 4.0. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ქართული (DUHOCTRUNGQUOC.VN) is an independent company and has no affiliation with Wiki Foundation.