გურამ გვასალია

2 ივნისი, 1946, ქუთაისი) — ქართველი ექიმი, მეცნიერი.

1969 წელს დაამთავრა თბილისის სახელმწიფო სამედიცინო ინსტიტუტის სამკურნალო ფაკულტეტი.

1969–1972 წლებში იყო თბილისის სახელმწიფო სამედიცინო ინსტიტუტის ჰოსპიტალური ქირურგიის კათედრის ასპირანტი. 1973–1978 წლებში ამავე კათედრის უფროსი ლაბორანტი. 1978–1990 წლებში ასისტენტი. 1990–1994 წლებში დოცენტი. 1994 წლიდან – პროფესორი. 1983–1989 წლებში თბილისის სახელმწიფო სამედიცინო ინსტიტუტის ინტერნატურისა და საწარმოო პრაქტიკის დეკანის მოადგილე. 1989–1994 წლებში ჯანდაცვის სამინისტროს მთავარი ქირურგი. 1994–1996 წლებში სამედიცინო პროგრამების მართვის დეპარტამენტის უფროსი. 1996 წლიდან ხელმძღვანელობს ცენტრალური კლინიკური საავადმყოფოს კლინიკას. ავტორია 110 სამეცნიერო ნაშრომის.

1974 წელს საკანდიდატო დისერტაციის თემა — „ზოგიერთი ბიოქიმიური ცვლილება და შინაგან ორგანოთა ფუნქციური მდგომარეობა ნაწლავგარეთა ფისტულების დროს და მისი მკურნალობა დაიცვა.“

1992 წელს დაიცვა სადოქტორო დისერტაციის თემა — „დიფუზიური პერიტონიტი და პერიტონული სეფსისი, დიაგნოსტიკისა და მკურნალობის კრიტერიუმების სტრუქტურულ–ციტოქიმიური დასაბუთება.“

• 1994 - ვახტანგ გორგასლის III ხარისხის ორდენი

• ვინ ვინაა თანამედროვე ქართულ სამედიცინო მეცნიერებაში : თანამედროვე ქართველ მედიკოსთა ბიოგრაფიული ენციკლოპედია თბ., 2000 გვ. 64
• წიგნი ღირსებისა: ტ. 1/ შემდგ: თამაზ ყიფიანი თენგიზ გაჩეჩილაძე, გურამ სიმონიშვილი თბ., 2000 გვ. 201

• გურამ გვასალია — საქართველოს ბიოგრაფიული ლექსიკონი