ალბომის ყველა სიმღერის ავტორი და პროდიუსერი არის თავად გაგა, მან ასევე ითანამშრომლა რამდენიმე პროდიუსერთან მათ შორის არიან RedOne, ფერნანდო გერიბეი, DJ Snake, DJ White Shadow, იეპე ლოურსენი და რობერტ ჯომ მეტ ლანგი. გაგა, ალბომზე ასევე ითანამშრომლა სხვა შემსრულებლებთან: ჯგუფ E Street Band-ის საქსოფონისტ კლერენს კლემონსთან და ჯგუფ Queen-ის გიტარისტ ბრაიან მეისთან.
ალბომში შესული სიმღერები ძირითადად გადაწვეტილია სინთპოპის და საცეკვაო პოპის ჟანრებში, რომლებიც გაგას წინა ალბომებშიც ჟღერს. თუმცა ასევე შეიმჩნევა ისეთი სტილის სიმღერები, რომლებიც გაგას წინა ალბომებში არ გამოუყენებია, მაგალითად — ოპერა, მძიმე მეტალი, დისკო და როკ-ენ-როლი. სიმღერის ტექსტები ეხება ისეთ თემებს, როგორებიცაა სექსი, რელიგია, თავისუფლება, ფემინიზმი და ინდივიდუალიზმი. მიუხედავად რელიგიური თემებისა, ალბომმა კრიტიკოსების მხრიდან დადებითი შეფასება დაიმსახურა. ალბომი წარდგენილი იყო გრემის დაჯილდოებაზე სამ ნომინაციაში, მათ შორის წლის ალბომის ნომინაციაში, რომელიც გაგამ უკვე ზედიზედ სამჯერ მიიღო.
Born This Way შევიდა ყველა წამყვანი ქვეყნის ხუთეულში, მათ შორის ბილბორდ 200-ში. აშშ-ში ალბომი პირველ კვირას გაიყიდა 1.108 მილიონ ეგზემპლარზე მეტი რაოდენობით და ბოლო ხუთი წლის განმავლობაში გახდა ყველაზე სწრაფად გაყიდვადი ალბომი მოკლე ხანში, დაახლოებით 440.000 ეგზემპლარზე მეტი გაიყიდა Amazon.com-ზე ორი დღის განმავლობაში. 2012 წლის მონაცემებით ალბომი მსოფლიოს მასთაბით გაყიდულია 6 მილიონ ეგზემპლარზე მეტი რაოდენობით. ალბომის პირველი ოთხი სინგლი — Born This Way, Judas, The Edge of Glory, და Yoü and I ყველა შევიდა ბილბორდის ცხელი ასეულის ათეულში. სიმღერა Born This Way გახდა ყველაზე სწრაფად გაყიდვადი სინგლი iTunes-ის ისტორიაში, ხოლო ალბომის პრომო სინგლი Hair შევდია თექვსმეტი ქვეყნის ჩარტში. 2011 წლის ნოემბერში გაგამ გამოსცა ალბომის რემიქსული კოპილაცია Born This Way: The Remix და ბოქს-სეტი Born This Way: The Collection. ალბომის მხარდასაჭერად 2012 წლის აპრილში გაგამ დაიწყო მესამე სმოფლიო ტურნე Born This Way Ball, რომლის შემოსავალმა შეადგინა 183.9 მილიონი აშშ დოლარი და დასახელდა ყველა დროის ერთ-ერთ მაღალშემოსავლიან ტურნედ.
Born This Way, ალბომის პირველი სინგლი რომელიც გამოვიდა 2011 წლის 11 თებერვალს. სიმღერის ავტორები არიან ლედი გაგა და ჯეპე ლოურსენსი, პროდიუსერები არიან თავად გაგა, ჯეპე ლოურსენი, ფერნანდო გერიბეი, DJ White Shadow. სიმღერამ მიიღო დადებითი შეფასება კრიტიკოსების მხრიდან, მათ ასევე აღნიშნეს რომ მსგავსება იყო პოპ-მომღერალ მადონას სიმღერასთან Express Yourself. სიმღერა მოხვდა ცხრამეტზე მეტი ქვეყნის ჩარტის სათავეში და გაიყიდა მილიონზე მეტი ტირაჟით და გახდა ყველაზე სწრაფად გაყიდვადი სიმღერა iTunes-ის ისტორიაში. გაგას მშობლიურ ქვეყანაში ამერიკის შეერთებულ შტატებში, სიმღერა გახდა გაგა მესამე ნომერ პირველი ჰიტი, სადაც მან ექვსი კვირის განმავლობაში შეინარჩუნა პირველი ადგილი ბილბორდის ცხელ ასეულში.
Judas არის ალბომის მეორე სინგლი, სიმღერა გამოვიდა 2011 წლის 15 აპრილს. კრიტიკოსებმა სიმღერა დადებითად შეაფასეს, მათ აღნიშნეს, რომ სიმღერა რაღაცით ჰგავს მომღერლის სიმღერას Bad Romance. მიუხედავად ამისა მან დაიკავა მეოთხე ადგილი ბირბოარდის ციფრული ცხელი სიმღერების ჩარტში, სიმღერა გაიყიდა 162.000 ასლზე მეტი, სიმღერამ მიაღზია ოცზე მეტი ქვეყნის ათეულში მათ შორის ამერიკის შეერთებულ შტატებში და პირველ ადგილზე სამხრეთ კორეის ჩარტში.
The Edge of Glory ალბომის მესამე სინგლი, გამოვიდა 2011 წლის 11 მაისს. სიმღერამ დაიმსახურა ქება მრავალი კრიტიკოსისგან. სიმღერა პოზიტიურადაა დამუხტული, აღსანიშნავია რომ სიმღერაში საქსოფონის პარტიას ასრულებს კლერენს კლემონსი. სიმღერა მოხვდა ცხრამეტზე მეტი ქვეყნის ათეულში და გახდა გაგას მეათე სინგლი რომელიც მოხვდა ზედიზედ ამერიკის შეერთებულ შტატების ათეულში, სიმღერამ ბილბორდის ცხელ ასეულში დაიკავა მესამე ადგილი.
Yoü and I, ალბომის მეოთხე სინგლი, ასევე ამ სიმღერამაც მიიღო დადებითი შეფასება კრიტიკოსების მხრიდან. სიმღერა გახდა გაგას მეთერთმეტე სინგლი რომელიც მოხვდა ზედიზედ ამერიკის შეერთებულ შტატების ათეულში, სიმღერამ ბილბორდის ცხელ ასეულში დაიკავა მეექვსე ადგილი. სიმღერამ მიიღო 54-ე გრემის დაჯილდოების ნომინაცია საუკეთესო პოპ ცოცხალი შესრულებისთვის.
Marry the Night რიგით მეხუთე სინგლი ამ ალბომიდან. სიმღერამ მიიღო დადებითი შეფასება კრიტიკოსების მხრიდან, მათ შეაფასეს სიმღერა როგორც ძლიერი საცეკვაო პოპ ნომერი. სიმღერა მოხვდა თხუთმეტზე მეტ სხვადასხვა ქვეყნის ჩარტში, მათ შორის ამერიკის შეერთებულ შტატებში, სადაც სიმღერამ ბილბორდის ცხელ ასეულში დაიკავა ოცდამეცხრე ადგილი. მომღერლის ლეიბლმა Interscope Records-მა განაცხადა რომ თავდაპირველად იგეგმებოდა სიმღერა გამხდარიყო ალბომის მეხუთე სინგლი მხოლოდ ამერიკის შეერთებულ შტატებში მაგრამ საბოლოოდ გადაწყდა რომ სინგლად გამოცხადებულიყო მთელ მსოფლიოში. სინგლზე გადაღებულმა მუსიკალურმა კლიპმა მიიღო უზარმაზარი კრიტიკა, კრიტიკოსებმა ვიდეო დაახასიათეს როგორც "სუფთა სპექტაკლი".
ფერნანდო გერიბეი – არანჟირება, ბეკ-ვოკალი, კომპოზიტორი, ინჟინეტი, გიტარა, ინსტრუმენტალისტი, კლავიშებიანი საკრავები, მუსიკალური ხელმძღვანელი, პროდიუსერი, პროგრამირება
This article uses material from the Wikipedia ქართული article Born This Way, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). შინაარსი წარმოდგენილია შემდეგი ლიცენზიით (თუ სხვა არ არის მითითებული): CC BY-SA 4.0. Images, videos and audio are available under their respective licenses. ®Wikipedia is a registered trademark of the Wiki Foundation, Inc. Wiki ქართული (DUHOCTRUNGQUOC.VN) is an independent company and has no affiliation with Wiki Foundation.