შარლ ივ ჟან გიზლენ მიშელი (ფრანგ.
21 დეკემბერი, 1975, ნამიური, ბელგია) — ბელგიელი პოლიტიკოსი. 2014-2019 წლებში იყო ბელგიის სამეფოს პრემიერ-მინისტრი. 2019 წლის 1 დეკემბრიდან ევროპული საბჭოს პრეზიდენტი.
შარლ მიშელი | |
შარლ მიშელი 2019 წელს | |
ევროპული საბჭოს პრეზიდენტი | |
---|---|
ამჟამინდელი თანამდებობა | |
დაიკავა | 1 დეკემბერი, 2019 |
წინამორბედი | დონალდ ტუსკი |
ბელგიის პრემიერ-მინისტრი | |
თანამდებობაზე ყოფნის დრო | |
11 ოქტომბერი, 2014 – 27 ოქტომბერი, 2019 | |
წინამორბედი | ელიო დი რუპო |
მემკვიდრე | სოფი ვილმესი |
დაბადებული | 21 დეკემბერი, 1975 ნამიური, ბელგია |
პოლიტიკური პარტია | რეფორმატორთა მოძრაობა |
მამა | ლუი მიშელი |
დედა | მარტინ მიშელი |
მეუღლე | ამელი დერბაუდრენგენი |
შვილები | 2 |
განათლება | ბრიუსელის თავისუფალი უნივერსიტეტი |
პროფესია | ადვოკატი |
საქმიანობა | პოლიტიკოსი |
ბელგიის ფრანგული საზოგადოების წარმომადგენელი. პარტია „რეფორმატორთა მოძრაობის“ ლიდერი 2011-2019 წლებში, ბელგიის პრემიერ-მინისტრი 2014-2019 წლებში.
შარლ მიშელი დაიბადა 1975 წლის 21 დეკემბერს ვალონიაში, ნამიურის პროვინციის დედაქალაქ ნამიურში, მარტინ და ლუი მიშელების ოჯახში. 16 წლის ასაკშ გახდა „ჟოდუანის ახალგაზრდა რეფორმატორ-ლიბერალების“ ორგანიზაციის წევრი. 1992-1999 წლებში იყო ამ ორგანიზაციის პრეზიდენტი. 1998 წელს დაასრულა ბრიუსელის თავისუფალი უნივერსიტეტის (ფრანგულენოვანი) იურიდიული ფაკულტეტი და ამსტერდამის უნივერსიტეტი, რის შემდეგაც გახდა ადვოკატი.
1999 წელს აირჩიეს ბელგიის წარმომადგენელთა პალატის დეპუტატად. 2000 წელს შარლი 25 წლის ასაკში დანიშნეს შინაგან საქმეთა მინისტრად და გახდა ყველაზე ახალგაზრდა მინისტრი ბელგიის ისტორიაში. ამავე წელს აირჩიეს ქალაქ ვავრის საქალაქო საბჭოში, 2004 წელს გახდა პარტია რეფორმატორთა მოძრაობის პრეს-მდივანი, ხოლო 2006 წელს — ქალაქის მერი. 2007 წლისა და 2010 წლის საპარლამენტო არჩევნების შედეგების მიხედვით შარლ მიშელი ხელახლა აირჩიეს წარმომადგენელთა პალატაში.
შარლის მამა ლუი მიშელი 2004-2009 წლებში იყო ბელგიის საგარეო საქმეთა მინისტრი და განვითარების საკითხებში ევროკომისარი.
2007-2011 წლებში იყო ბელგიის განვითარებისა და თანამშრომლობის მინისტრი. ამავდროულად ქალაქ ვავრის მერიც.
2014 წლის 11 ოქტომბერს მეფე ფილიპემ ოფიციალურად დანიშნა პრემიერ-მინისტრად.
2019 წლის 2 ივლისს ევროკავშირის ლიდერების სამიტზე ბრიუსელში შარლ მიშელი აირჩიეს ევროპული საბჭოს პრეზიდენტად. მოვალეობის შესრულებას შეუდგა ამავე წლის 1 დეკემბრიდან და თანამდებობაზე დარჩება მომდევნო 2,5 წლის განმავლობაში.
სამოქალაქო ქორწინებაშია ამელი დერბაუდერენგენთან. ჰყავთ ორი შვილი ჟანა და ლიუსი.
This article uses material from the Wikipedia ქართული article შარლ მიშელი, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). შინაარსი წარმოდგენილია შემდეგი ლიცენზიით (თუ სხვა არ არის მითითებული): CC BY-SA 4.0. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ქართული (DUHOCTRUNGQUOC.VN) is an independent company and has no affiliation with Wiki Foundation.