ნაქონპათომი ( ტაი.
მისი მეზობელი პროვინციებია (ჩრდილოეთიდან საათის ისრის მიმართულებით) სუფჰან ბური, აიუთჰაია, ნონთაბური, ბანგკოკი, სამუთ სახონი, რატჩაბური და კანჩანაბური . ნაქოპათომის პროვინციის დედაქალაქია ნახონ პათომი
პროვინცია | |||||
---|---|---|---|---|---|
ნაქონპათომის პროვინცია ტაი. จังหวัดนครปฐม | |||||
| |||||
ქვეყანა | ტაილანდი | ||||
ადმ. ცენტრი | Nakhon Pathom და Thanon Khat | ||||
შიდა დაყოფა | Mueang Nakhon Pathom, Kamphaeng Saen, Nakhon Chai Si, Don Tum, Bang Len, Sam Phran და Phutthamonthon | ||||
კოორდინატები | 13°54′59″ ჩ. გ. 100°06′59″ ა. გ. / 13.91639° ჩ. გ. 100.11639° ა. გ. | ||||
ფართობი | 2 168 კმ² | ||||
მოსახლეობა | 920 030 კაცი (2019) | ||||
სიმჭიდროვე | 424 კაცი/კმ² | ||||
სასაათო სარტყელი | UTC+7 | ||||
სატელეფონო კოდი | 034 & 02 | ||||
საფოსტო ინდექსი | 73 | ||||
ოფიციალური საიტი | nakhonpathom.go.th | ||||
ნაქონპათომის ორივინცია ფრა პათომ ჩედის სამშიბლია, რომელიც მეფე მონგკუტის (რამა IV) დაკვეთით შესრულებული სტუპაა. მისი შექმნა 1870 წელს მეფე ჩულალონკორნის (რამა V) მმართველობის პერიოდში დასრულდა. სტუპა არის დიდი ხნის წინანდელი დვარავატის ცივილიზაციის სახსოვარი, რომელიც აქ ოდესღაც აყვავებულა. ტრადიციულად ნაქონპათონი ტაილანდში ბუდიზმის პირველ კერას წარმოადგენს. პროვინცია ცნობილია ხილის ბაღებით.
ნახონ პათომი პატარა პროვინციაა, რომელიც ბანგკოკიდან 56 კილომეტრითაა დაშორებული . ის მდებარეობს შუა ტაილანდის ალუვიურ ვაკეში და მდინარე ჩაო ფრაიას შენაკად მდინარე თა ჩინზე (რომელსაც ზოგჯერ ნახონ ჩაი სის უწოდებენ). პროვინციაში სოფლის მეურნებისთვის დიდი რაოდენობით არხია გაყვანილი. თავდაპირველად დედაქალაქი ბანგკოკი ნაქონპათომს არ ესაზღვრებოდა, თუმცა ის გაიზარდა და შესაბამისად, პროვინციის მეზობელიც გახდა.
ნაქონ პათომის პროვინციაში ტროპიკული სავანის კლიმატია (კიპპენის კლიმატის კლასიფიკაციის კატეგორია Aw). ზამთარი მშრალი და თბილია. ტემპერატურა მაისამდე მზარდია. მუსონების სეზონი მაისიდან- ოქტომბრამდეა, რასაც ახასიათებს ხშირი, ძლიერი წვიმები, ცივი დღეები და შედარებით თბილი ღამეები. საშუალო ფარდობითი ტენიანობა 75%-ია. წლიური ნალექების რაოდენობა არის 1,095 მილიმეტრი. 2013 წლის მონაცემებით, წვიმიანი დღეების რაოდენობა 134 იყო.
სახელწოდება მომდინარეობს პალიური სიტყვებიდან ნაგარა პათამა, რაც ნიშნავს „პირველ ქალაქს“. ნაქონ პათომი ხშირად მოიხსენიება როგორც ტაილანდის უძველესი ქალაქი. არქეოლოგიური ნაშთები დვარავატის სამეფოს დროინდელია, რომელიც თარიღდება მე -6 და მე -11 საუკუნეებით.
ნახონ პათომის პროვინცია საუკუნეების წინ იყო სანაპირო ქალაქი ჩინეთსა და ინდოეთს შორის გაყვანილ სავაჭრო გზაზე. როდესაც მდინარე თა ჩინმა მიმართულება შეიცვალა, ქალაქმა დაკარგა წყლის ძირითადი წყარო და ასე ასწლეულების განმავლობაში მიტოვებული იყო, მოსახლეობა კი გადავიდა ქალაქში, რომელსაც ნახონ ჩაი სი (ან შრი ვიჩაი ) ეწოდა . მეფე მონგკუტმა (რამა IV) ბრძანა ფრა პატომ ჩედის აღდგენა, რომელიც ჯუნგლებში მდებარეობდა და მიტოვებული იყო. მის გარშემო თანდათან ჩამოყალიბდა ქალაქი, რომელმაც ნაქონპათომს ახალი სიცოცხლე შესძინა. პროვინციაში მდებარეობს მუზეუმი, რომელიც ქალაქის ისტორიის არქეოლოგიურ ჩანაწერს წარმოადგენს.
პროვინციაში ძირითადი დასახლებები მიგრაციის დაწყებიდან მეფე ბუდა ლოეტლა ნაბჰალაის (რამა II) აღსაყდრებიდან გაჩნდა. დღეს ნაქონპათომში საცხოვრებლად ხალხი მთელი ტაილანდიდან მიდის, განსაკუთრებით ბანკოკიდან და ისანიდან. აქ მიდიან ბირმელი მუშაკებიც. პროვინცია მოიცავს სამრეწველო ზონებს, საუნივერსიტეტო დიდ ქალაქებს, ბანკოკიდან გადასახლებულ სამთავრობო ოფისებს და სოფლის მეურნეობისა და სატრანსპორტო კვანძებს.
2019 წლის შუა რიცხვებში აეროპორტების დეპარტამენტმა (DOA) პროვინციაში ახალი აეროპორტის მშენებლობა გადაწყვიტა ბანგკოკის ორ აეროპორტზე ზეწოლის შემცირების მიზნით. 20 მილიარდი ბატის ღირებულების აეროპორტი 3500 რაი მიწას დაიკავებს ბანგ ლენის რაიონში და ნახონ ჩაის სი რაიონში . მისი ტევადობა იქნება 25 მილიონი მგზავრი ყოველწლიურად. პროექტის დამტკიცების შემთხვევაში, მშენებლობა დაიწყება 2023 წელს და აეროპორტი ფუნქციონირებას დაიწყებს 2025 ან 2026 წლისთვის. საბოლოო ჯამში, აეროპორტში განთავსდება 80-100 ადგილიანი თვითმფრინავი, რომლებიც ფრენებს ბანგკოკსა და მეორე დონის პროვინციებს შორის, სუვარნაბჰუმისა და დონ მუეანგის აეროპორტების მიმართულებით შეასრულებს. აეროპორტის მშენებლობას ხელს უწყობს ის ფაქტი, რომ ამ ტერიტორიაზე მოსახლეობა ნაკლბად მჭიდროდაა დასახლებული.
პროვინციულ ბეჭედზე გამოსახულია ფრა პათომ ჩედი, რომელიც არის 127 მეტრის სიმაღლის და უდიდესი სტუპაა მთელს მსოფლიოში. ის მდებარეობს ქალაქ ნაქონ პათუმის ცენტრში და მე -6 საუკუნიდან წარმოადგენს მნიშვნელოვან ბუდისტურ ცენტრს. ახლანდელი შენობა მეფე მონგკუტმა შექმნა 1860 წელს. სტუპაზე გამოსახულია სამეფო გვირგვინი, მეფე მონგკუტის ბრძანების სიმბოლო, რომელმაც სტუპას რეკონსტუქცია ბრძანა. პროვინციის დროშა ლურჯი ფერისაა, რომლის შუა ნაწილში არის ყვითელი პროვინციის გერბი გამოსახული.
პროვინცია დაყოფილია შვიდ ოლქად ( ამფოები ). ოლქები კი იყოფა 106 ქვედანაყოფად ( ტამბონებად ) და 904 სოფლად ( მუბანებად ).
|
|
ქალაქის მუნიციპალიტეტი | მოსახლეობა | ||
1 | ნახონ პათომი | 74 446 |
მცირე ზომის ქალაქის მუნიციპალიტეტები | მოსახლეობა | 3 | სემ ფრანი | 17,329 | |
1 | რაი ხინგი | 32 819 | 4 | ნახონ პათომი | 14,004 |
2 | კრატუმ ლომი | 27 587 | 5 | სემ ხვაი ფუაკი | 11,139 |
ქვეგანყოფილების მუნიციპალიტეტი | მოსახლეობა | ||||
1 | ომ იაი | 24,027 | 11 | ხუნ კაეო | 7 915 |
2 | სემ ნგამი | 13 956 | 12 | სისა თონგი | 7,221 |
3 | ბანგ კრატეუკი | 13 056 | 13 | თემასალა | 7 086 |
4 | სალა ია | 11 180 | 14 | კამფენგ საენი | 7,009 |
5 | შეცდომა მადუეა | 10 896 | 15 | ტა კონგი | 6,785 |
6 | ხლონგ იონგი | 10,526 | 16 | დონ იაი ჰომი | 6,519 |
7 | ბოპლაპი | 9 519 | 17 | ჰუაი ფლუ | 2,217 |
8 | მაპ ხაე | 8,630 | 18 | ბანგ ლუანგი | 2,163 |
9 | ბანგ ლენი | 8,429 | 19 | რანგი კრატუმი | 2,162 |
10 | ნახონ ჩაი სი | 8,226 | 20 | ლამ ფაია | 1,949 |
ჯანმრთელობა | Განათლება | დასაქმება | შემოსავალი |
40 | 5 | 22 | 8 |
საცხოვრებელი | ოჯახი | ტრანსპორტი | Მონაწილეობა |
56 | 57 | 25 | 62 |
2003 წლიდან, გაეროს განვითარების პროგრამამ (UNDP) ტაილანდში პროგრესი განიცადა. აქ ადამიანის გავითარება ქვე-ეროვნულ დონეზე ხდება, რომელიც მოიცავს ადამიანის განვითარების რვავე ძირითად სფეროს. ეკონომიკური და სოციალური განვითარების ეროვნულმა საბჭომ ცალკეულ პროვინციების განვითარებაზე (NESDB) პასუხისმგებლობა 2017 წლიდან აიღო.
რანგი | კლასიფიკაცია |
1 - 15 | ,,მაღალი" |
16 - 30 | ,,გარკვეულწილად მაღალი" |
31 - 45 | ,,საშუალო" |
45 - 60 | ,,გარკვეულწილად დაბალი" |
61 - 77 | ,,დაბალი" |
This article uses material from the Wikipedia ქართული article ნაქონპათომის პროვინცია, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). შინაარსი წარმოდგენილია შემდეგი ლიცენზიით (თუ სხვა არ არის მითითებული): CC BY-SA 4.0. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ქართული (DUHOCTRUNGQUOC.VN) is an independent company and has no affiliation with Wiki Foundation.