მეჰმეთ ოქური (დ.
26 მაისი, 1979, იალოვა, თურქეთი) კარიერადასრულებული თურქი პროფესიონალური კალათბურთის მოთამაშე. სიმაღლის გამო (211 სმ) თამაშობდა მძიმე ფორვარდისა და ცენტრის პოზიციაზე. ცნობილი იყო მისი სამქულიანი სროლით და მოედანზე სივრცის გამთავისუფლების შესაძლებლობით. იუტა ჯაზში გატარებული 7 სეზონის განმავლობაში მეჰმეთ ოქური ლიგის ერთ-ერთ მთავარ პრემიერ-მსროლელად ითვლებოდა. 2016 წლის 13 სექტემბერს ოქური დაინიშნა ფინიქს სანსის მოთამაშეთა განვითარების მწვრთნელად; ამ ფაქტმა იგი გახადა პირველ თურქეთის მოქალაქედ, რომელმაც NBA-ის სამწვრთნელო სამყაროში შესვლა მოახერხა.
მეჰმეთ ოქური | ||||||||||
---|---|---|---|---|---|---|---|---|---|---|
პირადი ინფორმაცია | ||||||||||
დაიბადა | 27 მაისი, 1979 იალოვა, თურქეთი | |||||||||
ეროვნება | თურქი | |||||||||
სიმაღლე | 211 სმ | |||||||||
წონა | 113 კგ | |||||||||
კარიერა | ||||||||||
NBA-ის დრაფტი | 2001 / რაუნდი: 2 / არჩევა: 37-ე | |||||||||
არჩეული დეტროიტ პისტონსი | ||||||||||
პროფესიონალური კარიერა | 1997–2012 | |||||||||
კარიერის ისტორია | ||||||||||
1997 - 1998 | ოიაკ რენაულტი | |||||||||
1998 - 2000 | ტოფასი | |||||||||
2000 - 2002 | ეფეს პილსენი | |||||||||
2002 - 2004 | დეტროიტ პისტონსი | |||||||||
2004 - 2011 | იუტა ჯაზი | |||||||||
2011 | ტურკ ტელეკომი | |||||||||
2011 - 2012 | ნიუ-ჯერსი ნეტსი | |||||||||
კარიერული მიღწევები და ჯოლდოები | ||||||||||
| ||||||||||
მედლები
|
მეჰმეთ ოქური წარმოშობით არის თურქი, ალბანელი, ჩერქეზი. ოკურს აღნიშნული აქვს, რომ აღრზდის პერიოდში მისი საყვარელი მოთამაშე ტონი კაკოსი იყო. იგი თურქეთის 22-წლამდელთა საკალათბურთო ნაკრებს 1997 წლის მსოფლიო ჩემპიონატში მე-6 ადგილის დაკავებაში დაეხმარა. 2000 წელს გადავიდა ეფეს პილსენში (ახლანდელი ანადოლუ ეფესი) და კლუბთან ერთად, 2001-2002 წლების სეზონში, მოიგო თურქეთის საკალათბურთო ლიგა. თურქეთში გატარებულ უკანასკნელ სეზონში იგი საშუალოს 13.5 ქულას აგროვებდა.
2001 წლის NBA-ის დრაფტზე მეჰმეთ ოქური დეტროიტ პისტონსმა მეორე რაუნდის 38-ე პიკად აიყვანა. 2002-03 და 2003-04 სეზონები იგი დეტროიტ პისტონსში თამაშობდა; იგი გუნდს 2004 წლის ივნისში NBA-ის ჩემპიონობის მოპოვებაში დაეხმარა. იგი გახდა პირველი თურქი მოთამაშე, რომელმაც NBA-ის ჩემპიონის ტიტული მოიპოვა. სახელფასო ჭერის შეზღუდვების გამო დეტროიტ პისტონსმა მისთვის ტოპ-დონის კონტრაქტის შეთავაზება ვერ შეძლო, თუმცა მან იუტა ჯაზთან 6 წლიანი კონტრაქტი გააფორმა; ამ დროში იგი 50 მილიონს ($) მიიღებდა.
მისი სიმაღლისა (211 სმ) და წონის (113) გათვალისწინებით იუტა ჯაზში ცენტრისა და მძიმე ფორვარდის პოზიციებზე თამაშობდა. ჯაზში გატარებულ პირველ სეზონში (2004-2005) სეზონის 82 თამაშში მიიღო მონაწილეობა (აქედან 25 ძირითადი შემადგენლობიდან დაიწყო). მეტსახელად „მემომ“, მეორე სეზონში დიდი პროგრესი განიცადა: პირველ სეზონში დაფიქსირებული ქულების საშუალო მაჩვენებელი 12.9 მან 18.0-მდე გაზარდა. ზედიზედ მეორე სეზონში ოკურმა 82 თამაში ჩაატარა და გახდა იუტა ჯაზის ერთადერთი მოთამაშე, რომელიც ასეთ შედეგს აჩვენებდა. მესამე სეზონში მან კვლავ განაგრძო იუტას მთავარ მოთამაშედ ყოფნა.
2007 წლის NBA-ის ყველა-ვარსკვლავის მატჩში იგი დასავლეთის ყველა ვერსკვლავის გუნდში მოხვდა. მეჰმეთ ოკური და რეი ალენი ალენ აივერსონისა და სტივ ნეშის ტრავმის გამო მოხვდნენ გუნდში. იგი იყო პირველი თურქი მოთამაშე, რომელმაც აღნიშნულ ღონისძიებაში მიიღო მონაწილეობა.
2009 წლის 12 იანვარს ინდიანა პიეისერის წინააღმდეგ მეჰმეთმა კარიერის უმაღლესი მაჩვენებელი, 43 ქულა დააფიქსირა.
2009 წლის 10 ივლისს კლუბთან 2 წლიან კონტრაქტს მოაწერა ხელი, რომლის თანახმადაც იგი ამ დროში დაახლოებით 21 მილიონ $ მიიღებდა. 2010 წლის 17 აპრილს მეჰმეთ ოკურმა პოსტ-სეზონის ეგიდით დენვერის წინააღმდეგ გამართულ, პირველ შეხვედრაში მან აქილევსის მყესი გაიწყვიტა, რის გამოც იგი კლუბს პლეი-ოფის დარჩენილ ნაწილში გამოაკლა. აგრეთვე ტრავმის გამო გამოტოვა მსოფლიოს საკალათბურთო ჩემპიონატი, რომელშიც მშობლიური თურქეთის სახელით უნდა ეასპარეზა.
იგი 2010 წლის 17 დეკემბერს დაბრუნდა და ნიუ-ორლეან პელიკანსის წინააღმდეგ 2 ქულა ჩააგდო.
იგი დაქორწინებულია მსახიობ და ყოფილ მის თურქეთის ფინალისტ იელინ კალისკანზე. მათ ჰყავთ გოგონა, 2007 წლის 21 მარტს დაბადებული მელისა და 2 ვაჟი: 2010 წლის 10 თებერვალს დაბადებული იგიტ მეჰმეთი და 2014 წლის 19 ნოემბერს დაბადებული მერთ მეჰმეთ ოკური.
This article uses material from the Wikipedia ქართული article მეჰმეთ ოქური, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). შინაარსი წარმოდგენილია შემდეგი ლიცენზიით (თუ სხვა არ არის მითითებული): CC BY-SA 4.0. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ქართული (DUHOCTRUNGQUOC.VN) is an independent company and has no affiliation with Wiki Foundation.