ბიზანტია იუსტინიანე Ii
იუსტინიანე II ფლავიუსი, მეტსახელად რინოტმეტოსი (ქართ.
669 — გ. 11 დეკემბერი, 711) — ბიზანტიის იმპერატორი 685-695 და 705-711 წლებში, ჰერაკლიდების დინასტიის უკანასკნელი წარმომადგენელი.
| იუსტინიანე II | |
|---|---|
| Ιουστινιανός Β | |
.png) | |
| ბიზანტიის იმპერიის იმპერატორი | |
| მმართ. დასაწყისი: | 14 სექტემბერი 685 695 |
| მმართ. დასასრული: | 705 11 დეკემბერი 711 |
| წინამორბედი: | კონსტანტინე IV ტიბერიუს III |
| მემკვიდრე: | ლეონტიოსი ფილიპიკოსი |
| პირადი ცხოვრება | |
| დაბ. თარიღი: | დაახლოებით 668 |
| დაბ. ადგილი: | კონსტანტინოპოლი |
| გარდ. თარიღი: | 11 დეკემბერი 711 |
| გარდ. ადგილი: | დამატრისი ოფსიკიონი |
| მეუღლე: | ეუდოკია თეოდორა |
| შვილები: | ტიბერიუსი ანასტასია |
| სრული სახელი: | იუსტინიანუსი |
| დინასტია: | ჰერაკლიდთა |
| მამა: | კონსტანტინე IV |
| დედა: | ანასტასია |
| რელიგია: | ქრისტიანობა |
ბიოგრაფია
იუსტინიანეს პირველი ზეობა იმედისმომცემად დაიწყო. მან რამდენიმე მისი დროისთვის პროგრესული რეფორმა გაატარა. მათ შორის აღსანიშნავია მიწის რეფორმა, რომელმაც ანატოლიაში ძალიან კარგი შედეგი გამოიღო. იუსტინიანმა ანატოლიაში სლავური ტომები ჩაასახლა, რითაც ერთი მხრივ მოსახლეობის და მიწათმოქმედთა რიცხვმა იმატა და მეორე მხრივ იმპერატორმა შექმნა სამხედრო ბაზისი, რომელზეც შეეძლო დაყრდნობა.
მიუხედავ ამ რეფორმებისა იუსტინიან II სუსტი პოლიტიკოსი აღმოჩნდა. ჰელადის სტრატეგმა ლეონსმა 695 წელს იგი ტახტიდან ჩამოაგდო, ცხვირი მოაჭრა და ყირიმზე, კოლონია ხერსონში გადაასახლა. ხერსონელებს არ უყვარდათ ის და დევნიდნენ მას. ყირიმიდან იგი გემით გაიქცა და თავშესაფარი სთხოვა ბულგართა ხანს ტერველს ქალაქ პლისკაში. აქედან იგი ბულგარელთა ჯარებით დაბრუნდა კონსტანტინოპოლში და 705 წელს კვლავ იმპერატორი გახდა. მას შემდეგ, რაც მოახერხა ტახტის დაბრუნება, იუსტინიანე სასტიკად გაუსწორდა ხერსონელებს.
მეორედ ზეობის პერიოდში იუსტინიანმა ბიზანტიაში ტერორი დაამყარა. მის მიერ მოკლულ უამრავ დიდებულს შორის კონსტანტინოპოლის პატრიარქი კალენიკე I-იც იყო. 711 წელს იუსტინიან II ხელმეორედ ჩამოაგდეს ტახტიდან და იმავე წლის 11 დეკემბერს მოკლეს.
ლიტერატურა
- Kazhdan, Alexander, რედ. (1991), Oxford Dictionary of Byzantium, Oxford University Press, ISBN 978-0-19-504652-6
- Norwich, John Julius (1990), Byzantium: The Early Centuries, Penguin, ISBN 0-14-011447-5
- Ostrogorsky, George (1956). History of the Byzantine State. Basil Blackwell.
- Moore, R. Scott, "Justinian II (685–695 & 705–711 A.D.)", De Imperatoribus Romanis (1998)
- Bury, J.B., A History of the Later Roman Empire from Arcadius to Irene, Vol. II, MacMillan & Co., 1889
| წინამორბედი: კონსტანტინე IV | ბიზანტიის იმპერატორი 685 - 695 | შემდეგი: ლეონტიოსი |
| წინამორბედი: ტიბერიუს III | ბიზანტიის იმპერატორი 705-711 | შემდეგი: ფილიპიკოსი |
This article uses material from the Wikipedia ქართული article იუსტინიანე II (ბიზანტია), which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). შინაარსი წარმოდგენილია შემდეგი ლიცენზიით (თუ სხვა არ არის მითითებული): CC BY-SA 4.0. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ქართული (DUHOCTRUNGQUOC.VN) is an independent company and has no affiliation with Wiki Foundation.