ეირის ტბა
ეირის ტბა, კატი-თანდა (ინგლ.
მდებარეობს სამხრეთ ავსტრალიის შტატში. წარმოადგენს ავსტრალიის უდიდეს გაუდინარ მლაშე ტბას. მოქცეულია დიდი არტეზიული აუზის სამხრეთ-დასავლეთ ნაწილში, დეპრესიაში, ზღვის დონიდან –9-დან –15 მ-ით დაბლა. ზედაპირის ფართობი 9500 კმ². შედგება ჩრდილო და სამხრეთი ნაწილისაგან; პირველის სიგრძე 144 კმ-ია, სიგანე 65 კმ. ვიწრო გოიდერის არხით შეერთებულია ეირის ტბის სამხრეთ ნაწილთან, რომლის სიგრძეა დაახლოებით 65 კმ, სიგანე 24 კმ. მშრალ სეზონში დეპრესიაში მაინც რჩება წყალი. იკვებება პერიოდული მდინარეების წყლებით, რომლებიც ტბამდე მხოლოდ წყალმოვარდნის პერიოდში აღწევენ. ტბის ქვაბული წყლით მაქსიმალურად ივსება საშუალოდ, საუკუნეში 2-ჯერ, ცალკეულ წლებში შრება. ტბის სამხრეთ ნაწილში ჩამოყალიბებულია მარილის მთლიანი ქერქი, რომლის სისქე 46 სმ აღწევს.
| ეირის ტბა | |
|---|---|
 ეირის ტბის თანამგზავრული სურათი | |
| კოორდინატები: 28°22′00″ ს. გ. 137°22′00″ ა. გ. / 28.36667° ს. გ. 137.36667° ა. გ. | |
| მდებარეობა |  ავსტრალია |
| ფართობი | 9,500 კმ² |
  | |
სახელი ეწოდა ინგლისელი მოგზაურის ედვარდ ჯონ ეირის პატივსაცემად, რომელმაც 1840 წელს აღმოაჩინა ტბა.
1964 წელს ბრიტანელმა ავტომრბოლელმა დონალდ კემპბელმა ტბის რაიონში დაამყარა საავტომობილო სიჩქარის რეკორდი: Bluebird-Proteus CN7-ით განავითარა — 644 კმ/სთ.
იხილეთ აგრეთვე
რესურსები ინტერნეტში
შეგიძლიათ იხილოთ მედიაფაილები თემაზე „ეირის ტბა“ ვიკისაწყობში.- ეირის ტბა — გეოგრაფიული ენციკლოპედია (რუსული)
- ეირის ტბა — ენციკლოპედია ბრიტანიკა (ინგლისური)
This article uses material from the Wikipedia ქართული article ეირის ტბა, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). შინაარსი წარმოდგენილია შემდეგი ლიცენზიით (თუ სხვა არ არის მითითებული): CC BY-SA 4.0. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ქართული (DUHOCTRUNGQUOC.VN) is an independent company and has no affiliation with Wiki Foundation.