ალექსის ბლედენი
კიმბერლი ალექსის ბლედენი (ინგლ.
16 სექტემბერი, 1981) - ამერიკელი მსახიობი და მოდელი. იგი ცნობილია რორი გილმორის როლით სატელევიზიო სერიალში, გილმორის გოგოები (2000–2007) და ემილი მალეკის როლით ტელესერიალში, მხევლის წიგნი (2017–), რისთვისაც მან მოიგო ემის პრემია დრამატულ სერიალში გამოჩენილი მეორეხარისხოვანი მსახიობი ქალისთვის .
| ალექსის ბლედენი | |
|---|---|
 ბლედენი 2011 წელს | |
| დაბადების სახელი | კიმბირლი ალექსის ბლედენი |
| დაბადების თარიღი | 16 სექტემბერი, 1981 ჰიუსტონი, ტეხასი, აშშ |
| ეროვნება | ამერიკელი |
| მოქალაქეობა |  აშშ |
| საქმიანობა | მსახიობი, მოდელი |
| აქტიური | 1996-დღემდე |
| მეუღლე(ები) | ვინსენტ კართეიზერი (იქ. 2014) |
პირველად ფილმში გადაიღეს 2002 წელს, მან ვინი ფოსტერის როლი მოირგო ფილმში, უკვდავები (2002). მოგვიანებით გამოჩნდა სხვა ფილმებშიც, მათ შორისაა: ცოდვილთა ქალაქი (2005), გადარჩენის სკოლა კურსდამთავრებულთათვის (2009), და ლენა კალიგარის როლი მოირგო ფილმთა სერიაში, ''ჯინსის შარვალი - თილისმა'' და ''ჯინსის შარვალი - თილისმა 2''.
გილმორ გოგოებში მუშაობისთვის მან მიიღო სატელიტის ჯილდო, Teen Choice და ახალგაზრდა არტისტის ნომინაცია. 2016 წელს ბლედელმა ხელახლა შეასრულა რორი გილმორის როლი, Netflix-ის მინი-სერიალში გილმორის გოგოები:ცხოვრების ერთი წელი. 2018 წელს ემის ჯილდოს გარდა, ''მხევლის წიგნში'' ნათამაშები როლის გამო იგი ნომინირებული იყო ემის ჯილდოზე, დრამატული სერიალის საუკეთესო მეორეხარისხოვანი მსახიობი ქალისთვის..
ადრეული ცხოვრება და ოჯახი
კიმბერლი ალექსის ბლედელი დაიბადა ჰიუსტონში, ტეხასის შტატში. არის ნანეტის და მარტინ ბლედენის შვილი. მას ჰყავს უმცროსი ძმა, ერიკი. მისი მამა დაიბადა და გაიზარდა არგენტინაში. მისი მამის ბაბუა, ენრიკე ეინარ ბლედელ ჰუუსი, დაიბადა ბუენოს-აირესში, არგენტინაში, და დანიური და გერმანული წარმოშობისა იყო; ენრიკე იყო კოკა-კოლას ამერიკული კორპორაციის ვიცე-პრეზიდენტი. ბლედელის მამის ბებია, ჟანი წარმოშობით ნიუ-იორკიდან იყო და შოტლანდიელი და ინგლისელი წარმოშობა ჰქონდა. ბლედელის დედა, ნანეტი დაიბადა არიზონაში, ფენიქსში და რვა წლის ასაკში საცხოვრებლად მეხიკოში გადავიდა. ბლედელი ესპანურენოვან ოჯახში გაიზარდა და სკოლაში სიარულამდე არ იცოდა ინგლისური; ის თავს ლათინელად თვლის.
ბლედელი დადიოდა ჰიუსტონის კათოლიკურ წმინდა აგნეს აკადემიაში, ასევე ბაპტისტურ და ლუთერანულ სკოლებში. დედამისმა მოუწოდა მას რომ კომუნიკაციების თეატრში ესწავლა, რათა დაეძლია მისი სიმორცხვე. ბავშვობაში ბლედელი გამოჩნდა ჩვენი ქალაქის და ოზის ჯადოქრის ადგილობრივ სპექტაკლებში. ასევე, ადგილობრივ სავაჭრო ცენტრებში მოდელად მუშაობდა.
კარიერა
ბლედელის სატელევიზიო დებიუტი შედგა 2000 წელს, The WB-ს კომედიურ-დრამატულ ტელესერიალში გილმორეს გოგოები, რომელიც გაგრძელდა შვიდი სეზონის განმავლობაში, 2000 წლის 5 ოქტომბრიდან 2007 წლის 15 მაისამდე. მასთან ერთად მონაწილეობას იღებდა მსახიობი ლორენ გრეჰემი. მან ითამაშა რორი გილმორი, მარტოხელა დედის, ლორელაი გილმორის (გრეჰემი) ქალიშვილი. თავდაპირველად, რორი საშუალო სკოლის სტუდენტი იყო ექსკლუზიურ კერძო აკადემიაში, დედასთან ცხოვრობდა კონექტიკუტის პატარა ქალაქში, მაგრამ მოგვიანებით სასწავლებლად გადავიდა იელის უნივერსიტეტის კოლეჯში, სადაც იგი, სხვა საკითხებთან ერთად, მუშაობდა ''იელის ახალი ამბების'' რედაქტორად. ბლედელის დებიუტი ფილმში შედგა ფანტასტიკურ რომანტიკულ დრამაში, უკვდავები (2002), მასთან ერთად ასევე გადაიღეს ჯონათან ჯექსონი, ფილმი გადაღებულია ნატალი ბაბიტის ამავე სახელწოდების რომანის მიხედვით. ნატალი ბაბიტის ამავე სახელწოდების რომანის მიხედვით (1975). ამ ფილმზე მუშაობამდე, 1998 წელს იგი გადაიღეს კომედიურ დრამაში, ''რაშმორი'' 2005 წელს მან ითამაშა დრამაში ჯინსის შარვალი -თილისმა, მასთან ერთად გადაიღეს ბლეიკ ლაივლი, ამბერ ტემბლინი და ამერიკა ფერერა. ფილმი დაფუძნებულია ანა ბრაშარესის ამავე სახელწოდების რომანზე. აღნიშნულ ფილმში მისი როლი იყო ლენა კალიგარისი, მონდომებული მხატვარი, რომელიც მოგზაურობდა თავის სამ საუკეთესო მეგობართან ერთად.
2005 წელს ბლედელმა ითამაშა ანთოლოგიურ კრიმინალურ თრილერში ცოდვილთა ქალაქი, სადაც მან ითამაშა მეძავი ბეკის როლი. 2006 წელს ბლედელმა ჯეი ბარუშელთან ერთად ითამაშა რომანტიკულ კომედიაში, I'm Reed Fish. სერიალის, გილმორეს გოგოების დასრულების შემდეგ, მან ლენა კალიგარისის როლი ხელმეორედ ითამაშა ფილმში, ჯინსის შარვალი:თილისმა 2, რომელიც გამოვიდა 2008 წლის აგვისტოში. შემდეგ წელს ბლედელმა ითამაშა კომედიაში გადარჩენის სკოლა კურსდამთავრებულთათვის, რომელიც გამოვიდა 2009 წლის 21 აგვისტოს.
საზოგადოებრივი იმიჯი
ბლედელი ყოფილა უამრავი მოდის ჟურნალის გარეკანზე, მათ შორისაა: Teen Vogue, გლამურული, CosmoGirl, Vanity Fair, იღბლიანი, Elle Girl, აღლუმი, Nylon და ჩვიდმეტი . 2000 წელს ის გამოჩნდა Bonne Bell ტუჩსაცხის რეკლამაში.
ის შეტანილია მსოფლიოს ულამაზესი ქალების ჟურნალის სიებში
პირადი ცხოვრება
2002 წლიდან 2006 წლამდე, ალექსის და მსახიობს, მილო ვენტიმიგლიას სასიყვარულო ურთიერთობა ჰქონდათ.
2012 წელს ბლედენმა სასიყვარულო ურთიერთობა დაიწყო ვენსენტ კართეიზერთან. წყვილმა ნიშნობის შესახებ 2013 წლის მარტში გამოაცხადა , დაქორწინდნენ კალიფორნიაში, 2014 წლის ივნისში. 2016 წლის მაისში გაირკვა, რომ ბლედელს პირველი შვილი, ვაჟი შეეძინა 2015 წლის შემოდგომაზე.
ბლედელმა მხარი დაუჭირა 2012 წელს ბარაკ ობამას ხელახალ არჩევას და მოუწოდა თავის ფანებს, რომ ობამასთვის ხმა მიეცათ.
რესურსები ინტერნეტში
External links
სქოლიო
This article uses material from the Wikipedia ქართული article ალექსის ბლედენი, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). შინაარსი წარმოდგენილია შემდეგი ლიცენზიით (თუ სხვა არ არის მითითებული): CC BY-SA 4.0. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ქართული (DUHOCTRUNGQUOC.VN) is an independent company and has no affiliation with Wiki Foundation.