Dewan Kesenian Semarang
Dewan Kesenian Semarang (cara Jawa: Paheman Seni Kutha Semarang) dicekak DEKASE ya iku organisasiné mitra pamaréntah Kutha Semarang kang tugasé ngayahi jejibahan saperlu nyuksèsaké pambangunan masarakat ing babagan seni-budaya.
Organisasi iki ngadeg nalika taun 1999 dhedhasar Instruksi Mantri Dalam Negeri No. 5A taun 1993. DEKASE dibawahi katuwa, lan diampingi déning carik (sékretaris), artaka (bendahara), lan sawenèh panitya. Taun 2017, Katuwa Dewan Kesenian Semarang dicekel déning Handry TM, tilas juru warta koran Harian Suara Merdeka kang uga sastrawan (carita cekak lan novèl). DEKASE nduwéni sesambungan raket karo paheman seni kutha lan kabupatèn liyané, kaya ta Dewan Kesenian Jawa Tengah, nanging ora duwé hiérarki amarga pangemunahé diurus dhéwé-dhéwé kang saben taun dilapuraké marang Pamaréntah Kutha Semarang.
Panitya
- Panitya fotografi
- Panitya sastra
- Panitya pawayangan & pawara
- Panitya jogèd tradhisi
- Panitya jogèdi modhèren
- Panitya lawak
- Panitya seni rupa
- Panitya filem
- Panitya téater tradhisi
- Panitya téater modhèren
- Panitya musik tradhisi
- Panitya musik modèren
Kagiyatan
- Panalitèn potènsi seni-budaya enggonan
- Pamekaran potènsi seni-budaya enggonan
- Pangrumat potènsi seni-budaya enggonan
- Dhokumèntasi karya lan kagiyatan
- Panerbitan buku
- Pangiriman duta seni menyang njaban kutha lan njaban nagara
- Kajian (wawan rembug, seminar, lokakarya, lan gladhèn)
- Wahana aprésiasi (gelar seni lan pamèran)
Taman Budaya Raden Saleh
Kawit madegé organisasi tekan sapéné, méh kabèh kagiyatan seni kang dicakaké déning Déwan Kesenian Semarang ana ing Taman Budaya Raden Saleh ing Dalan Sriwijaya, Semarang. Komplèk kang ambané kurang luwih sahèktar kuwi nyepakaké fasilitas antarané Gedung Narto Sabdo, kantor sékrétariaté DEKASE, téater ing njaban gedhong, téater kalangan, lan sandhingan karo Perpustakaan Daerah Kutha Semarang lan Gedung Wanita. Nanging, kawit anané wacana arep madegé Trans Studio ing laladan kono, Dewan Kesenian Semarang ngaturaké panguneg-uneg tumrap rancana kuwi menyang Wali Kutha. Sawenèh bab kang dadi uneg-uneg antarané nyuwun supaya paguyuban wayang wong Ngesti Pandhawa diwènèhi panggon ing komplèk Trans Studio kanggo gelaran nguri-uri kabudayan Jawa. Semono uga, para seniman saka kabèh babagan seni uga perlu diwènèhi panggon kang cukup kanggo ruwang èksprèsi.
Rujukan
Pranala njaba
- Website resmi Dewan Kesenian Semarang Archived 2011-09-03 at the Wayback Machine.
This article uses material from the Wikipedia Basa Jawa article Dewan Kesenian Semarang, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Isi cumepak kanthi pangayoman CC BY-SA 4.0, kajaba ana katerangan liyané. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Basa Jawa (DUHOCTRUNGQUOC.VN) is an independent company and has no affiliation with Wiki Foundation.