Газет Сердало

Арадувл 1923 шера маьтсела 1 дийнахьа денз. Статьяш эрсий а гӀалгӀай а меттала я.

«Сердало»
Сердалон хьалха хинна логотип. 1926 шу.
Тайпа	дерригача къаман
Формат	А3
Керттера редактор	Курскенаькъан Хадижат
Хьадийлад	1923 ш.
Кепатохар соцадаьд	1944—1957 шш.
Мотт	гӀалгӀай, эрсий
Керттера офис	Наьсаре, Байсаранаькъан Идриса цӀерагӀа йола проспект, 60
Тираж	3 эзар
МазаоагӀув	serdalo.ru

Газет кӀира́ цкъа арадувл 2000 экзмепляр йолаш. 1970-ча шерашка тираж 6000 экземпляр хиннай.

 

Газета хьалхара номер араяьннай 1923 шера май 1 дийнахьа. Газет доладаьри цун хьалхара редактори хиннав Лоамара АССРа сердалъялара халкъа комиссар хинна Малсаганаькъан Кураза Зоврбик. Бехктокхаме секретари корректори оазархои таржамхои хинна Беканаькъан ДордагӀа Тембот хиннав. Газета хьалхарча номера тираж — 500 экземпляр хиннай.

Газета цӀи массайтазза тоаяь хиннай: 1924 шу доладалалехьа Sierdaluo яхаш хиннад из, 1924 шу додача юкъа Serdalo, Serdalo — Свет хиннад, 1924 чакхдоалаш — 1926 шера май болалуш Serdælo — Свет яхаш хиннад, 1926 шера май беттагара денз — Serdælo, 1929 шера июнагара денз — Serdalo, 1938 шера сентябрагара денз — Сердало.

ГӀалгӀай шоай мехках баьхача хана газет ара ца дувлаш соцадаь хиннад.

Цкъахьалха ГӀалгӀай автономе областа нанагӀала хиннача Буро тӀа арадийнад из (зарбанче Горький Максима цӀерагӀча ураме, 13-гӀча цӀагӀа хиннай), цул тӀехьагӀа Шолжа-ГӀала тӀа хиннай, хӀанзарча заман чу Наьсаре да газет арахецаш.

Газета́ «Сийлен белгало» яха орден еннай енна.

• Малсаганаькъан Кураза Зоврбик
• Беканаькъан ДордагӀа Тембот
• Ведажанаькъан Абукара Ахьмад (1938—1939, 1957—1959 шерашка)