«Радио Ангушт» (я) — гӀалгӀай къаман FM-диапазона радиостанци.
2010 шера маьцхали бетта денз 2015 шера оагӀой беттага кхаччалца 104,0 107,4 МГц талгӀе тӀа болх беш хиннай.
Радио Ангушт 104.0 FM | |
---|---|
ООО «Радио Ангушт» | |
Файл:The Emblem Of The Radio Angusht.jpg | |
Пхье | Наьсаре |
Мохк | ГӀалгӀайче, Эрсече |
Слоган | Радио Ангушт — дега гартах! (эрс: Радио Ангушт — в такт сердца) |
Формат | Middle of the road (ингл.) |
Иллий формат | даьхенна, къаманна хетаяь |
Частота | 104.0 МГц |
Фега хула ха | денна-бусса |
Фега хула моттиг | |
Кхеллай | 2010 шера |
ДӀакъайлай | 2015 шера |
Сенах дӀахийцай | Радио ГӀалгӀайче |
Координаташ | Наьсаре, Байсаранаькъан Идриса проспект, 42 |
Йилла́р | ГӀалгӀай Мехка Доалче |
Хьакимаш | Хьаштаранаькъан Мухарбика Мухьмад, Мержой Башира Адам (керттера редактор) |
Мазада́къа | radio-angusht.ru |
Радиостанце хьалхара эфир 2010 шера Маьцхали 3 дийнахьа хиннай. 2013 шера наджгоанцхой бетта 21 дийнахьа радио хоамбоаржабархо йолча Налганаькъан М. А. «Радио тӀа эггара дикагӀа йола аналитикай программа» яхача номинаце толам баьккхаб, нах кӀалхарбахареи цар кхерамзле Ӏалашъяреи тематиках йолча «Денала Седкъарче» яхача пхелагӀча Ерригача Россе фестивала тӀа.
Цу шера «Ангушт» радиостанци RADIO STATION AWARDS 2014 яхача кортамукъа премен наминанташта юкъейихьай
Радио «Ангушт» денна-бусса болх беш а йолаш, ГӀалгӀай мехка ше мо кхы йоацаш хиннай. Радио керттера уйла — динцеи эзделцеи нах тӀахьехар а, кхаъаш телараи, экстремизмаи радикализмаи духьале яр а хиннай. Ший хьокхачеш гӀалгӀайи, эрсийи метташка кхехьай. Радио гӀоз еррига ГӀалгӀайче чулоацаш хургйолаш аьнна бар, бакъда Нохчий а ХӀирий а мехкай даькъе а ладувгӀалуш хиннай. Иштта маза чу а онлайн кхейкаеш хиннай: радиостанце официальни оагӀон тӀеи, вешта гӀалгӀай маза-коашкеи. Из бахьан долаш ладувгӀархой гом дуккха шерагӀлуш хиннаб арахьа бахача гӀалгӀаша а ладувгӀаш.
Радиостанце эфире хоамаи, тахкараи мукъамаи хьокхачеш хиннай гӀалгӀай къаман а бусулба а тематиках. Радиос тайп-тайпара Ӏилман лекцеш а, яхьаш а, кхыйола динца ювзаенна а, йоацаш а мероприятеш йора.
Болх цӀенах а тешамегӀа а хиларга сатувсаш радио дакъалоацаш дукха Ӏилманхой а, йоазонхой а, дийша, Ӏалам-нах а, Ӏаьдала болхлой а хиннаб.
This article uses material from the Wikipedia ГӀалгӀай article Ангушт (радио), which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Чударá тIакхоачилга CC BY-SA 4.0 яхача лицензе бокъонашца да, нагахьа санна кхыдар белгалдаь деце. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ГӀалгӀай (DUHOCTRUNGQUOC.VN) is an independent company and has no affiliation with Wiki Foundation.