Яндаре (эрс: Яндаре) — ГӀалгӀай Мехка Наьсарен шахьарара юрт.
Юрт | |
Яндаре | |
---|---|
Яндаре | |
HGЯO | |
Паччахьалкхе | Россе Федераци |
Федерацен субъект | ГӀалгӀайче |
Муниципальни шахьар | Наьсарен |
Юрт | Яндаре |
Дá | Падиев ИсмаӀала ИбрахӀим |
Тархьари географии | |
Йиллай | 1843 шера |
ХьалхагӀа хинна цӀераш | Яндаре; эрсий меттала: Яндырское, 1944 кхачч. — Яндырка 1958 кхачч. — Райдзаст 199? кхачч. — Яндырка |
Лакхал | 461 м |
Ӏалама лоаттам | умеренный |
Сахьата оаса | UTC+3:00 |
Бахархой | |
Бахархой | ↗9537 саг (2022) |
Къамаш | гӀалгӀай |
Динаш | сунний бусалба |
Катойконим | яндархо, яндархой |
Паччахьалкхен мотт | гӀалгӀай, эрсий |
Дагарга идентификатораш | |
Телефоний код | +7 8732 |
Пошта индекс | 386138 |
Код ОКАТО | 26220860001 |
Код ОКТМО | 26605450101 |
|
Яндаре улл Яндархий Шолжах кхетача моттигал кӀезига лакхагӀа, Наьсаренгара 7,5 км гаьнеи, Магасагара 15 км гаьнеи гӀинбухен-малхбоалехьа.
Юхе яда нах баха моттигаш: гӀинбухехьа — Илдарха-ГӀала, гӀинбухен-малхбоалехьа — Эбарг-Юрт, зӀилбухен-малхбоалехьа — ГӀажарий-Юрт, зӀилбухехьа — СурхотӀе, зӀилбухе-малхбузехьа — Экажакъонгий-Юрт, малхбузехьа — ГӀаьзе-Коаи Пхьилекъонгий-Юрти.
Яндаре гувнаштеи хьунаштеи юкъе улл. Яндархий юрта юкъе гӀолла ӀодоагӀа. Яндарерча хьунагӀа саьрч, лийгаш, бертий, чарч, соалораш, иштта кхыдола оакхарий дах.
Яндарех дехьеи сехьеи шин тайпара оал. Вай Ӏилманхошта болх беча хана дукха моттигаш кораю укхаза, хьалха нах баьха хилар белгалонаш хьагойташ. Ӏилманхоша яхачох юкъерча бӀаьшерашка Магас-Пхьен юкъе йоагӀаш хиннай хӀанз Яндаре улла моттиг.
ГӀалгӀай лоамара аренашка ӀокӀалбувлача хана укхаза эггара хьалха ваха хайнар Малсаганаькъан ГӀойтмара (ГӀойте) ГӀайрбик ва. Цу хана цо дегӀа́ цӀа хӀанз а да́гӀаш да Яндаре, цунга хьажа нах а ухаш. Дукха хӀама ца эшаш ши бӀаь шу доал цу цӀен.
Яндаре кхо ишкол я, культура цӀенош да, кхы а административни гӀишлош а я. Яндаре юрта юкъара рузбан маьждиг дегӀад 1900 шераш долалуш. Тахан а цига керда хьалдаь доккха маьждиг дагӀа ерригача юрто рузба а деш.
Яндаре бах: Барханой, Галай, ГӀоандалой, Йовлой, Коазой, Малсаганаькъан, Местой, ТӀоаршхой, Хьоашаланаькъан, Цхьорой, ЦӀечой, иштта кхыбараш а. Яндаре дукха боккхий нах бах, унах цӀена а болаш, моллагӀа хаьттача хӀаманна дала жоп а долаш, цудухьа яндархой гӀулакх оамалца да аьнна лоархӀ.
Бахача наьх дукхал | ||||||
---|---|---|---|---|---|---|
1926 | 2002 | 2006 | 2007 | 2008 | 2009 | 2010 |
2185 | ↗10 631 | ↗10 975 | ↗11 063 | ↗11 254 | ↗11 392 | ↘7980 |
2011 | 2012 | 2013 | 2014 | 2015 | 2016 | 2017 |
↗8009 | ↗8155 | ↗8251 | ↗8456 | ↗8619 | ↗8680 | ↗8786 |
2018 | 2019 | 2020 | 2021 | 2022 | ||
↗8849 | ↗9088 | ↗9206 | ↗9378 | ↗9537 |
Ерригача Россе 2010 шера бахархой дӀаязбарах:
№ | Къам | Дукхал, саг. | Да́къа |
---|---|---|---|
1 | гӀалгӀай | 7873 | 98,66 % |
2 | кхыбадараш | 107 | 1,34 % |
This article uses material from the Wikipedia ГӀалгӀай article Яндаре, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Чударá тIакхоачилга CC BY-SA 4.0 яхача лицензе бокъонашца да, нагахьа санна кхыдар белгалдаь деце. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ГӀалгӀай (DUHOCTRUNGQUOC.VN) is an independent company and has no affiliation with Wiki Foundation.