Le grammatica de interlingua es un grammatica anglo-romance simplificate.
Illo es plus simple que le grammatica anglese o le grammatica del linguas romance, germanic e slave. Le intention del IALA esseva, que interlingua sia, essentialmente, regular, simple a apprender e inseniar e le "medio" del principal linguas romance de origine europee.
Parolas (terminos) essential son: tempore, genere, numero, persona, modo, morphema, partes del phrase, syntaxe, semantica, phonema, phonetica, phonologia. Illos non son explicate hic.
Le articulo indefinite es in omne casos un, e le articulo definite es in omne casos le. Illo exhibi nulle accordo in forma con le substantivo sequente (non cambia con le numero - sia singular, sia plural - o con le genere).
articulo indefinite | articulo definite |
---|---|
un patre | le patre (sing.), le patres (pl.) |
un infante | le infante (sing.), le infantes (pl.) |
un amica | le amica (sing.), le amicas (pl.) |
Le grande majoritate del substantivos fini in un del vocales -a (pagina), -e (libertate) e frequentemente -o (fructo). Quando le termination -o occurre in un parola que designa un esser masculin, le correspondente feminin pote esser representate per le mesme parola con le termination substituite per -a. Exemplos: amica – amico, maestra – maestro, italiana – italiano.
Le plural es formate per le addition de -s. Si le substantivo fini in un consonante, le desinentia es -es; e si iste consonante es -c, le desinentia es -hes (pro mantener le pronunciation de [k]):
singular | plural |
---|---|
fructo | fructos |
tempore | tempores |
planta | plantas |
generation | generationes |
roc | roches |
albricoc | albricoches |
Le verbos in Interlingua non ha conjugation dependente del persona grammatical, in genere, numero e persona. Le verbos depende solmente del tempore grammatical. Tote le formas del verbo pro tote le pronomines personal (io, tu, ille, illa, illo, nos, vos, illes, illas, illos) es identic secundo le distincte tempore grammatical.
Le verbos in Interlingua fini in -r in le infinitivo, e con -a, -e, o -i in le presente. Le passato simple, futuro e modo conditional se forma per suffixos al forma presente − respectivemente -va, -ra e -rea (-ra e -rea sempre accentuate como indicate per le sublineamento ci).
Le duo participios etiam se forma con suffixos. Le participio presente se forma con le suffixo -nte (o -ente si le verbo fini -ir). Le participio passate se forma con le suffixo -te (ma con verbos in -er le termination cambia ab -ete a -ite).
Pro le tres typos de verbos – parlar (-ar), vider (-er), audir (-ir) – le septe formas essential pro le modos e tempores simple + le duo participios es:
Formas essential del verbos | |||||
Tempore | finales | verbos in -ar | verbos in -er | verbos in -ir | |
Infinitivo | -r | parlar | vider | audir | |
Presente | – | parla | vide | audi | |
Passato | -va | parlava | videva | audiva | |
Futuro | -ra | parlara | videra | audira | |
Conditional | -rea | parlarea | viderea | audirea | |
Participio presente | -(e)nte | parlante | vidente | audiente | |
Participio passate | -te | parlate | vidite | audite |
In practica, tres verbos commun ha formas curtate, irregular e optional: Le majoritate del usatores de interlingua usa le tres: es, ha e va como le formas presente de esser, haber e vader. Alcun usatores usa son como le forma presente de esser, quando le subjecto es plural. Plus rarmente, duo formas presente alternative de esser es usate pro le prime persona: io so e nos somos.
Le subjunctivo es usate in secundari propositiones pro indicar que le declaration es incerte o hypothetic: Que on sia caute! Ille interveniva a fin que iste falta sia impedite.
Formas irregular optional del verbos | ||||
Infinitivo | esser | haber | vader (ir) | |
Presente | es son (plural) | ha | va | |
Passato | era | – | iva | |
Futuro | sera | – | ira | |
Conditional | serea | – | irea | |
Imperativo Subjunctivo | sia | – | – | |
Participio presente | – | – | iente | |
Participio passate | – | – | ite |
Pro cata forma del tempores del verbo, hic pro le modello crear (un verbo in -ar), vide le formas sequente:
\ activo simple persona | Infinitivo | Presente | Passato | Futuro | Conditional |
---|---|---|---|---|---|
io, tu, ille, illa, illo nos, vos, illes, illas, illos | crear | crea | creava | creara | crearea |
\ activo ... | Infinitivo perfecte | Perfecto | Plusquamperfecto | Futuro perfecte | Conditional perfecte |
io, tu, ille, illa, illo nos, vos, illes, illas, illos | haber create | ha create | habeva create | habera create | haberea create |
Le tempore perfecte (passate composite) ha le mesme signification como le passato simple.
Altere formas del verbos include:
Le participio presente es usate como un adjectivo o un verbo in un proposition participial. Le participio passate es usate como un adjectivo, un verbo in un proposition participial e pro formar tempores composite.
Le passivo (o voce passive) es formate per esser in le tempore pertinente, le participio passate del verbo pertinente, e le preposition per pro indicar le agente del action. Concernente le altere formas de passivo, vide: Formas del passivo, comparation inter Interlingua e Novial
\ passivo simple | Infinitivo | Presente | Passato | Futuro | Conditional |
---|---|---|---|---|---|
io, tu, ille, illa, illo nos, vos, illes, illas, illos | esser create | es create | esseva create | essera create | esserea create |
\ passivo ... | Infinitivo perfecte | Perfecto | Plusquamperfecto | Futuro perfecte | Conditional perfecte |
io, tu, ille, illa, illo nos, vos, illes, illas, illos | haber essite create | ha essite create | habeva essite create | habera essite create | haberea essite create |
Le grande majoritate del adjectivos fini in le vocal "-e" (delicate, parve), o in un del consonantes -l, -n, -r, -c (natural, equal, american, par, cyclic). Adjectivos placiate immediatemente presso un substantivo seque le substantivo (isto es le normal e le plus frequente). Adjectivos multo usate sovente se trova ante le substantivo: un bon homine, le bon infantes, le belle flor, belle flores. Si il ha duo adjectivos que ha relation con le substantivo, un de illos es placiate ante le substantivo, le altere post le substantivo: le recente publication extraordinari.
Le adjectivo ha nulle inflexion o accordo adjectival (exemplos: Le parve femina es belle. Parve feminas es belle). Grados de comparation de adjectivos es exprimite per le adverbios plus e minus. Quatro adjectivos ha synonymos parallel de su grados regular de comparation.
adjectivo | comparativo | superlativo |
---|---|---|
grande | plus grande (= major) | le plus grande (= le major = maxime) |
parve | plus parve (= minor) | le plus parve (= le minor = minime) |
bon | plus bon (= melior) | le plus bon (= le melior = optime) |
mal | plus mal (= pejor) | le plus mal (= le pejor = pessime) |
adjectivo | comparativo | superlativo |
---|---|---|
grande | minus grande | le minus grande |
parve | minus parve | le minus parve |
bon | minus bon | le minus bon |
mal | minus mal | le minus mal |
Un adverbio es un parola, que da plus de informationes de un verbo, un adjectivo o un altere adverbio. Pro formar adverbios -mente es addite al adjectivo:
Si le ultime littera del parola es un -c, on adde -amente:
Exemplos de adverbios in interlingua: ubi?, hic, ibi, la, illac; quando?: ora, nunc, tosto, postea, antea, pois, heri, hodie, deman, jammais, olim, quandocunque, frequentemente, sovente, rarmente, intertanto, nunquam, non jammais; como?: assi, si, altere, tal(mente), ben, quanto?: tanto, multo, poco, pauco, aliquanto, plus, minus; tamen, dunque
Exemplos: ubi, quando, quanto, como, proque, perque
Un pronomine (pronunciate pronomine) es un parola que es usate in vice de un substantivo o pro repeter un persona o cosa o pro concretisar le persona o le cosa (p.ex. le demonstrativos e le indefinitivos usate como adjectivos).
Pronomines personal, reflexive e possessive – singular | |||||||
Persona | Genere | Nom. | Pre. | Obj. | Refl. | Possessive/adjective | Possessive |
prime | – | io | me | mi | (le) mie | ||
secunde | – | tu | te | tu | (le) tue | ||
tertie | masculin | ille | le | se | su | (le) sue | |
feminin | illa | la | |||||
neutral | illo | lo | |||||
Pronomines personal, reflexive e possessive – plural | |||||||
Persona | Genere | Nom. | Pre. | Obj. | Refl. | Possessive/adjective | Possessive |
prime | – | nos | nos | nostre | (le) nostre | ||
secunde | – | vos | vos | vostre | (le) vostre | ||
tertie | masculin | illes | les | se | lor | (le) lore | |
feminin | illas | las | |||||
neutral | illos | los |
Demonstrativos | ||||
Rolo | Numero | Genere | Proximate | Remote |
Adjectivo | – | – | iste | ille |
Pronomine | Sing. | masculin | iste | (ille) |
feminin | ista | (illa) | ||
neutral | isto | (illo) | ||
Plur. | masculin | istes | (illes) | |
feminin | istas | (illas) | ||
neutral | istos | (illos) |
qui... pro personas e que...? pro cosas: a qui, pro qui, con qui, de qui
cuje (adjective), genitivo; pronomine relative: cuje; cerca 'cuje' in le Wiki
qual (adjective); como pronomine relative: le qual, plural: le quales
Un numeral es un parola, que indica le quantitate o le ordine de qualcosa. Il ha numerales pro le numeros cardinal e alteres, per exemplo pro le numeros ordinal, iterative, multiplicative, distributive, ...
Hic exemplos pro le numerales pro le numeros cardinal:
1 un, 2 duo, 3 tres, 4 quatro, 5 cinque, 6 sex, 7 septe, 8 octo, 9 novem, 10 dece, 11 dece-un, 12 dece-duo, 13 dece-tres, ..., 20 vinti, 21 vinti-un, 30 trenta, 40 quaranta, 50 cinquanta, 60 sexanta, 70 septanta, 80 octanta, 90 novanta, 100 cento, 101 cento un, 110 cento dece, 111 cento dece-un, 200 duo centos, 201 duo centos un, 1.000 mille, 2.000 duo milles, 1.000.000 million, 2.000.000 duo milliones, 1.000.000.000 milliardo, 2.000.000.000 duo milliardos
1-me prime, 2-nde secunde, 3-tie tertie, 4-te quarte, 5-te quinte, 6-te sexte, 7-me septime, 8-ve octave, 9-ne none, 10-me decime, 11-me dece-prime
Per exemplo: un toto, un medie parte, 1/3 un tertio, 1/4 un quarto, 1/5 un quinto, 1/6 un sexto, 1/7 un septimo, 1/8 un octavo, 3/8 tres octavos, 1/10 un decimo, 7/10 septe decimos, 1/100 un centesimo;
simple, duple, triple, quadruple, quintuple, sextuple, septuple, octuple, nonuple, decuple, centuple;
decena, dozena, vintena, centena.
Un preposition es un parola, que es usate ante un substantivo o pronomine pro crear un relation con altere parolas (personas o cosas abstracte o concrete).
Per exemplo: a, ab, ante, apud, a causa de, circum, concernente, con, contra, de, desde, detra, dum, durante, ex, excepte, extra, foras, in, infra, inter, intra, juxta, malgrado, per, post, presso, preter, pro, re, salvo, secundo, sin, sub, super, sur, trans, a transverso (de), ultra, usque, verso, via, ...
Un conjunction es un parola que connecte duo parolas o duo partes de un phrase. Conjunctiones es a vices describite como "parolas connectente".
Per exemplo: ante que, assi que, ben que, como, como si, depost que, desde, durante que, dum, durante que, e, e ... e, esque (particula interrogative), intertanto, ma, malgrado que, de maniera que, a mesura que, de modo que, nam, ni ... ni, nonobstante (que), o, o ... o, post que, proque, quando, quandocunque, que, sed, si, si, de sorta que, tanto … quanto, in tanto que, tanto plus que, tanto que, vice que, viste que, ...
| ante que | ben que | como | depost que | desde | dum (~ que?) | durante que | e | e ... e ... | esque | dum intertanto | ma | malgrado que | de maniera que | a mesura que | de modo que | nam | ni ... ni ... | nondum (~ que?) | o | o ... o ... | perque | postquam | proque | quando | quandocunque | que | sed | de sorta que | si | viste que
Per exemplo: adjuta!, oh!, ah!, gratias!, si!, no!, certo!, ecce!, ab!, pfui!
Le ordine del parolas generalmente es: subjecto – predicato – objecto. Per exemplo:
Si le objecto es un pronomine personal, on usa le ordine: subjecto – objecto – predicato verbal. Per exemplo:
Con verbo modal plus infinitivo le objecto appare post le infinitivo:
This article uses material from the Wikipedia Interlingua article Grammatica de interlingua, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Le contento es disponibile sub CC BY-SA 4.0 salvo indication contrari. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Interlingua (DUHOCTRUNGQUOC.VN) is an independent company and has no affiliation with Wiki Foundation.