Niels Bohr: Danes a pisiko a naginginaan iti Premio Nobel iti Pisika idi 1922

Ni Bohr ket maysa pay idi a philosopo ken mangipadpadur-as ti sientipiko a panagsukisok.

Niels Bohr
Ni Bohr idi 1922
Nayanak	Niels Henrik David Bohr (1885-10-07)7 Oktubre 1885 Copenhagen, Dinamarka
Natay	18 Nobiembre 1962(1962-11-18) (tawen 77) Copenhagen, Dinamarka
Pakipagilian	Danes
Alma mater	Unibersidad ti Copenhagen
Nakaam-ammuan	Panangiyulog iti Copenhagen Komplementarito Modelo ni Bohr Kuantisasion ni Bohr–Sommerfeld Pamanunotan ni Bohr–van Leeuwen Teoria ni Sommerfeld–Bohr Teoria BKS Debdebato ni Bohr–Einstein Magneton ni Bohr Orbital ni Bohr Rayus ni Bohr Hafnium
A(s)sawa	Margrethe Nørlund (m. 1912; innem nga annak)
Dagiti gungguna	Medalia Hughes (1921) Premio Nobel iti Pisika (1922) Medalia Matteuccil (1923) Medalia Franklin (1926) Medalia Max Planck (1930) Medalia Copley (1938) Urnos iti Elepante (1947) At-atomo ti Gunguna ti Kappia (1957) Premio Sonning (1957) Ganganaet a Kameng ti Naarian a Kagimongan (1962)
Sientipiko a pagsapulan
Dagiti pagobraan	Pisika
Dagiti patakder	Unibersidad ti Copenhagen Unibersidad ti Cambridge Unibersidad ti Victoria ti Manchester
Doktoral nga agbalbalakad	Christian Christiansen
Dadduma nga akademiko nga agbalbalakad	J. J. Thomson Ernest Rutherford
Dagiti doktoral nga estudiante	Hendrik Anthony Kramers
Nakaimpluensian	Ernest Rutherford Harald Høffding
Naimpluensiaan	Werner Heisenberg Wolfgang Pauli Paul Dirac Lise Meitner Max Delbrück ken dadduma pay
Pirma
[urnosen iti Wikidata]

Ni Bohr ket nagparang-ay iti modelo ni Bohr iti atomo, nga iti dayta ket nangisingasing a dagiti agpang ti enerhia dagiti elektron ket diskreto ken dagiti elektron ket agpuspusiposda kadagiti natalinaay a pagtayyekan iti lawlaw ti atengnga ti atomiko ngem mabalinda a lumagtaw manipud ti maysa nga agpang ti enerhia (wenno pagtayyekan) iti sabali. Urayno ti modelo ni Bohr ket nasukatanen babaen dagiti sabali a modelo, dagiti batayan a pamunganayanna ket agtulytuloy nga umiso. Isu ti nagparnuay iti pamunganayan ti komplementarito: a dagiti banag ket mabalin nga agsisina a mausig kadagiti termino dagiti agsisinnuppiat a tagikua, kasla agkukua a kas ti allon wenno alog dagiti partikula. Ti panunot iti komplementarito ket nangituray kadagiti panagpanpanunot ni Bohr iti siensia ken pilosopia.

Ni Bohr ket nagpundar iti Instituto iti Teoretikal a Pisika idiay Unibersidad ti Copenhagen, nga itan ket ammo a kas ti Instituto Niels Bohr, ken nalukatan daytoy idi 1920. Ni Bohr ket nagisursuro ken nakitinnulong kadagiti pisiko a mairaman ni Hans Kramers, Oskar Klein, George de Hevesy ken ni Werner Heisenberg. Isu ket nangipadto ti kaadda ti baro a kasla elemento ti sirkonio, a nanagan idi ti hapnio, manipud ti Latin a nagan para iti Copenhagen, nga idiay ket isu ti lugar a nakaduktalanna. Kalpasanna, ti elemento ti bohrio ket naipanagan idi kaniana.