Elmer Drew Merrill: Amerikano a botaniko
Ni Elmer Drew Merrill (Oktubre 15, 1876 – Pebrero 25, 1956) ket maysa idi nga Amerikano a botaniko, nga espesialista iti mulmula ti rehion ti Asia-Pasipiko.
| Elmer Drew Merrill | |
|---|---|
 Ni Elmer Drew Merrill | |
| Nayanak | Oktubre 15, 1876 Auburn, Maine |
| Natay | Pebrero 25, 1956 (tawen 79) Forest Hills, Massachusetts |
| Nakaam-ammuan | panagadal iti flora iti rehion ti Asia-Pasipiko |
Isu ket naipasngay idi diay East Auburn, Maine, ken nagbasa idiay Unibersidad ti Maine nga idiay ti nakagun-odanna ti B.S. idi 1898. Isu ket kanungpalan a timmipon ti Departamento ti Agrikultura ti Estados Unidos (USDA) ken nagserbi a kas maysa a botaniko ti USDA idiay Filipinas manipud idi 1902 aginggana idi 1923.
Isu ket nagsubli idiay Estados Unidos ken nagbalin a Dekano ti Kolehio ti Agrikultura ti Unibersidad ti California, Berkeley. Isu ket immalis idi 1929 idiay New York tapno agbalin a propesor ti botaniko iti Unibersidad ti Columbia. Isu pay idi ti Direktor ti Botanikal a Hardin ti New York manipud idi 1929 aginggana idi 1935. Isu ket nagbalin a direktor ti Arnold Arboretum ti Unibersidad ti Harvard idi 1935 ken nagtalinaay idiay aginggana idi nagretiro idi 1946.
Isu ket ammo para iti adu a panagadalna iti taksonomia ti mulmula manipud idiay Asia. Mairaman dagiti sinursuratna ti Flora iti Manila a naipablaak idi 1912, ken Ti Enumerasion ti Agsabsabong a Mulmula ti Filipinas a naipablak kadagiti paset idi baetan ti 1922 aginggana idi 1926. Ti kaudian nga obrana Ti Botaniko dagiti Panagbanniaga ni Cook ket naipablaak idi 1954.
Isu ket pimmusay idiay Forest Hills, Massachusetts.
Dagiti nagibasaran
- Elmer Drew Merrill, 1876–1956 Biblioteka ti Unibersidad ti Harvard
- Elmer Drew Merrill
Dagiti akinruar a silpo
This article uses material from the Wikipedia Ilokano article Elmer Drew Merrill, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Ti linaon ket magun-od babaen ti CC BY-SA 4.0 malaksid no adda sabali a naibaga. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Ilokano (DUHOCTRUNGQUOC.VN) is an independent company and has no affiliation with Wiki Foundation.