Bernard Verdcourt: Briton a botaniko
Ni Bernard Verdcourt (20 Enero 1925 – 25 Oktubre 2011) ket maysa idi a biologo ken taksonomo, a kaaduan nga ammo a kas maysa a botaniko ken kalpasanna maysa a Honorario nga Agsuksukisok a Kadua iti Naarian a Botaniko a Harhardin, Kew iti Londres.
Sakbay a napan idiay Kew idi 1964, isu ket naigimong iti Herbario iti Daya nga Aprika kadagiti napalabas a 15 a tawen. Uray no ti kaaduan nga ammo nga obrana ket mabalin a mangbukel kadagiti adu a panagadalna iti flora ti Daya nga Aprika, adu pay iti kontribusionna a mainaig kadagiti naindagaan a mollusk ti Aprika ken ti entomolohia. Nakaawat ni Dr. Verdcourt iti Medalia Linneano para iti botanika manipud iti Kagimongan a Linneano iti Londres idi 2000. Ti listaan dagiti pablaakna ket mairaman dagiti ad-adu ngem 1,000 a sientipiko nga obra. Ti pagalagadan a pangyababaan ti mannurat iti Verdc. ket inus-usar a mangitudo daytoy a tao a kas ti mannurat no agdakamat iti nagan a botaniko.
Dagiti napili a nangruna nga obra
- Verdcourt, B. (1951–1957). Notes on the snails of north-east Teritorio ti Tanganyika. [Walo a parparte]
- Verdcourt, B. et al. (1956–1995). Flora ti Tropikal a Daya nga Aprika. Kew Bulletin and other publications. [Pakabilangan dagiti 71 a pamilia]
- Verdcourt, B. et al. (2001–2005). Flora ti Tropikal a Daya nga Aprika. Rotterdam: Balkema. [Pakabilangan dagiti 12 a pamilia]
Dagiti nagibasaran
This article uses material from the Wikipedia Ilokano article Bernard Verdcourt, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Ti linaon ket magun-od babaen ti CC BY-SA 4.0 malaksid no adda sabali a naibaga. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Ilokano (DUHOCTRUNGQUOC.VN) is an independent company and has no affiliation with Wiki Foundation.