lo Que Wikipedia Non Es

Iste pagina documenta un politica official de Wikipedia in interlingua.

Lo que es monstrate hic deberea sempre esser sequite per tote le communitate. Non modifica iste politica arbitrarimente, ma propone cambiamentos e cerca consenso.

Nonobstante, como il ha essite definite in Le cinque pilares, il ha certe cosas que Wiki non es:

Wiki non es un encyclopedia de papiro

Wiki non es un encyclopedia de papiro; isto significa que il non existe un limite practic del numero de articulos e topicos que illo pote coperir, o del quantitate total de contento. Nonobstante, secundo le cinque pilares, Wikipedia ha restrictiones super le contento que pote haber.

Il existe, etiam, un limite pro le grandor de un articulo; iste grandor depende del tempore que un pagina se discarga in le navigatores de Internet e le facilitate pro su lectura. Quando un section de un articulo es troppo extense, il es melior scinder lo in articulos plus specific e scriber un summario in le articulo original. (Pro vider plus super le formato usate in le articulos de Wikipedia, vide Wiki: Manual de stilo).

Wiki non es un collection indiscriminate de information; ben que un information sia utile, illo non significa que sia appropriate pro un encyclopedia.

Wiki non es un dictionario

Articulo principal: Wiki: Wikipedia non es un dictionario

Wiki non es un dictionario, isto significa que le articulos non debe haber solmente definitiones de dictionario. Un articulo deberea comenciar con un definition breve (vide Wiki: Manual de stilo#Introductiones), sed le definition non debe esser le topico principal del articulo. Le definitiones de dictionario deberea esser movite a Wiktionario.

Wiki non es un base de datos

• Non include qualcunque typo o quantitate de datos in Wiki Interlingua. Le datos e statisticas includite in Wikipedia debe supplementar un articulo encyclopedic; isto vole dicer que le datos mesme debe esser justificabile per lor valor encyclopedic.
• Datos o statisticas que care de contexto o explication reduce le legibilitate e pote confunder; dunque, tal datos o statisticas debe esser formatate in tabellas e le articulos que los include debe explicar le contexto. Si tal tabellas impedi per lor grandor le lection facile del articulo, illos deberea esser separate in un pagina de appendice e summarisate in le articulo principal.
• Le projecto Wikidata es un fonte multo utile de datos supplementari. Le datos pro le articulos de Wikipedia pote esser prendite ab Wikidata, si ille datos es disponibile. Usa iste enorme fonte de datos con prudentia, per exemplo in quadros informative. Wikipedia non es un speculo de Wikidata: le contento de Wikipedia es pro lectores human e le articulos debe esser mantenibile per redactores human.

Wiki non publica pensamento original

Wiki non es un loco pro publicar tu pensamentos, analyses o investigationes. Wikipedia non es un fonte primari, isto significa que tote le cognoscentia publicate hic debe haber essite publicate anteriormente per altere fontes. Generalmente, le encyclopedias es fontes secundari, non primari. Per favor, non usa Wikipedia pro publicar lo sequente:

• Investigationes original, como theorias, ideas original, nove parolas, statisticas facite pro te, etc. Si tu ha facite un investigation original, publica lo primo in altere loco, per exemplo, jornales, revistas o sitos web respectate, e Wikipedia pote acceptar le obra quando illo es parte del cognoscentia acceptate per le publico. Rememora includer semper referentias a publicationes pro demonstrar que le material es verificabile e que non es un investigation original o un opinion del editor del articulo.
• Inventiones original. Si tu ha create un invention, non publica super tu invention hic, usque illo sia publicate per altere fontes recognoscite e verificabile.
• Essayos personal que reflecte tu opinion super un topico. Wikipedia non es un loco pro essayos, perque illos es un fonte primari.
• Foros de discussion. Le paginas de discussion deberea esser usate pro discuter meliorationes al articulos o super topicos concernente a Wiki Interlingua. Evita discuter super le topico ipse. Si tu ha questiones super Wikipedia, usa le Taverna.
• Jornalismo. Wikipedia non es un fonte de notitias. Wikipedia deberea haber information super eventos notabile, sed non scribite con stilo jornalistic. Rememora que Wikipedia es un encyclopedia; nonobstante, Wikinews es un fonte primari de notitias.

Wiki non accepta publicitate

Wiki non accepta publicitate de qualcunque sorta. Nulle articulo de Wikipedia debe haber:

• Propaganda de alcun sorta, ni commercial, ni politic, ni religiose, etc. Wikipedia accepta contento super iste topicos, sed observante le puncto de vista neutral. Nos te recommenda initiar un pagina web, un blog o un foro si tu vole convincer altere personas de tu ideas.
• Opiniones personal super politica o eventos currente. Rememora esser neutral e que Wikipedia non es un fonte primari. Iste regula poterea esser applicate al paginas de usator e paginas de discussion de qualcunque articulo.
• Autopromotion. Evita scriber super te o le projectos que tu ha o in que tu participa. Mantener un puncto de vista neutral es multo difficile si tu scribe super te. Il non es acceptabile adder troppo de ligamines externe a articulos autobiographic e altere fontes similar in un articulo. Le mesme regula pote esser applicate al paginas de usator.
• Publicitate. Rememora que le articulos super productos e companias commercial debe esser scribite con un puncto de vista neutral, e debe esser verificabile. Evita haber troppo de ligamines externe in articulos de iste classe. Rememora que Wikipedia non es un loco pro facer publicitate, e evita facer qualificationes super un topico (Vide Wiki: Manual de stilo#Usar un lingua neutre).

Wiki non es un directorio web ni un collection de fontes

Evita haber troppo de ligamines externe in un articulo. Il non es le fin de Wikipedia haber listas de sitos web, ben que illos es utile. Naturalmente, tu pote usar ligamines externe pro complementar le information de un articulo, sed usa los con moderation. Evita copiar texto in dominio public o sub le Licentia GNU de altere fontes e includer lo integremente in un articulo. Si le obra es grande, considera adder lo a Wikisource. Prefere adder textos original (per exemplo, le lyricas de un canto) a Wikisource, e haber le contento encyclopedic in Wiki Interlingua.

Wiki non es un galeria multimedia

Rememora que tote le contento multimedia de Wikipedia in interlingua debe esser obtenite de Wiki Commons. Commons es un galeria de contento multimedia libere. Non carga material multimedia hic, ben que illo es technicamente possibile. Pro haber galerias de imagines e archivos multimedia, prefere haber un ligamine al pagina o categoria correspondente in Commons.

Wiki non es un blog, fonte de spatio web o sito social

Wiki non es un fonte de spatio pro facer blogs, sitos web o wikis personal. Le paginas de Wikipedia non deberea esser usate pro haber paginas web personal. Ben que le wikipedistas ha lor proprie paginas de usator, illos non debe esser usate pro presentar troppo de information personal, ni pro tentar establir relationes personal con altere usatores. Il es inacceptabile que un pagina de usator exprime preferentias sexual o invitationes pro cercar partners. Considera usar pro iste fin le servitores gratuite de e-posta o altere sitos web appropriate, como blogs o servitores de spatio web. Wikipedia, etiam, non es un loco appropriate pro facer honorar le memoria de personas. Rememora: Wikipedia es un encyclopedia, e le wikipedistas es contributores.

Wiki non es un manual, guida o libro de texto

Wiki es un referentia encyclopedic, non un libro de instructiones. Non scribe articulos de maniera que appare como:

• Manuales. Evita que le articulos de Wikipedia da consilios o instructiones de qualcunque sorta (medic, legal, etc.). Non scribe tutoriales, guidas e receptas. Considera contribuer iste sorta de material a Wikibooks.
• Guidas de viage. Evita includer attractiones e locos recommendate pro visitar in le articulos. Wikipedia non es un loco pro dar numeros telephonic o adresses de hoteles, restaurantes, etc. Rememora evitar facer qualificationes.
• Libros de texto. Wikipedia es un encyclopedia, non un libro de texto pro scholas. Evita rediger un articulo de maniera didactic; rememora que le fin de un encyclopedia es informar non instruer. Considera contribuer contento didactic a Wikibooks.

Wiki non es un bolla de crystallo

Wiki non debe tentar predicer eventos futur ni currente. Wikipedia debe haber solmente information verificabile, non speculationes. Evita totalmente dar tu opiniones o analyses super un thema currente o futur. On pote scriber super eventos currente o futur, sed solmente si illos es notabile, si illos ocurrera in un futuro proxime, e si il existe fontes verificabile e recognoscite super le topico. Il poterea esser appropriate un programmation de eventos futur si illo pote esser verificate.

Wiki non es un collection indiscriminate de information

Le facto que un contento es utile o verificabile, non lo rende automaticamente appropriate pro un encyclopedia. Le articulos de Wikipedia non deberea esser:

• Listas de questiones frequente (FAQ). Non scribe listas de questiones e responsas. In vice, tote le articulos de Wikipedia debe esser scribite in prosa.
• Summarios de obras. Rememora scriber in un tono encyclopedic, e evita facer del articulos mer summarios de obras litterari, musical, programmas de radiodiffusores, series de television, etc. Quando tu scribe super un obra, evita facer troppo de referentias in le texto ("In le capitulo III", "In le episodio #255"). Prefere adder referentias in le fin del pagina.
• Statisticas. Non face del articulos longe bases de datos de statisticas. Le datos statistic de un articulo deberea esser accompaniate per un explication sufficiente.
• Collection de notitias. Rememora que non tote le eventos que es publicate per jornales ha le notabilitate sufficiente pro esser parte de un encyclopedia. Considera contribuer notitias a Wikinews.
• Collection de datos curiose e citationes. Le curiositates e le citationes poterea esser information utile pro un articulo, sed solmente si illos observa le altere politicas (specialmente le verificabilitate e le notabilitate), e es includite in le texto del articulo (pro vider le maniera correcte pro citationes vide Wiki: Manual de stilo#Citationes e referentias, e pro le curiositates, Wiki: Manual de stilo#Redaction). Le citationes deberea esser contribuite a Wikiquote.

Wiki non es censurate

Wiki poterea haber contento que alicun lectores poterea considerar disagradabile o offensive. Rememora que qualcunque persona pote editar un articulo, e que le modificationes es monstrate instantaneemente. On non pote affirmar que tote le contento de Wikipedia sia appropriate pro tote le personas de tote le etates o gruppos social.

Nonobstante, un contento disagradabile o offensive (texto, ligamines, imagines, multimedia) pote esser usate solmente si illo es notabile pro le contento del articulo, si illo observa le altere politicas de Wikipedia (specialmente le puncto de vista neutral), e le leges de Florida (Statos Unite), ubi le servitores de Wikipedia es ubicate. Le contento que non observa lo anterior, poterea esser eliminate.

Wiki non es un democratia

Wiki non es un experimento de democratia o altere systema politic. Su prime methodo pro determinar consenso es editar e discuter, non votar. Usa votationes (per exemplo pro eliminar un articulo) con precaution.

Wiki non es un bureaucratia

Le communitate de Wikipedia non debe esser un systema legal; isto es, le labores e le conflictos de Wikipedia debe solver se editante e discutente usque haber consenso, non sequente un serie de regulas e proceduras. Si le regulas te impedi de meliorar Wikipedia, tu deberea disobedir los.

Wiki non es un anarchia

Wiki es libere e aperte, sed non es un experimento de anarchia. Wikipedia non es un foro de libere expression sin regulas. Le objectivo de Wikipedia es construer un encyclopedia, non probar le limites del anarchismo.

Wiki non es un campo de battalia

Wiki non es un loco pro crear o solver conflictos personal. Iste sorta de discussiones va contra le principios e objectivos de Wiki Interlingua. Le wikipedistas debe ager con civilitate, calmemente, e con spirito de cooperation. Nunquam insulta, damna o intimida le alteres. Nunquam face attacos personal. In ultra, per favor non modifica articulos solmente pro probar un puncto o opinion (sabotage).

Quando tu vide que un del anterior regulas non es observate, e tu non sape que facer, considera le sequente:

• Editar le articulo pro facer que le regulas sia observate.
• Marcar le pagina con un patrono appropriate.
• Rediriger le pagina a un altere topico (si isto es appropriate).
• Nominar le pagina pro deletion.
• E, finalmente, cambiar le regulas existente, cercante primo le consenso del communitate in le paginas de discussion appropriate, e in le Taverna.

• Wiki: Le cinque pilares
• Wiki: Errores commun a evitar
• Wiki: Manual de stilo