Regiones De Francia
Francia es divide in dece-octo regiones administrative (francese: régions), del quale tredece se trova in Francia metropolitan (in Europa), durante que le altere cinque es regiones ultramarin (non a confunder con le collectivitates ultramarin, que ha un stato semi-autonome).
Le tredece regiones administrative metropolitan (include Corsica desde 2019) es ulteriormente subdividite in duo a tredece departamentos administrative, con le prefecto de cata departamento del centro administrative del region qui agi etiam como prefecto regional. Le regiones ultramarin consiste de un sol departamento cata uno, e ha, pro isto, anque le stato de departamento ultramarin.
Le majoritate del regiones administrative ha etiam le stato de collectivitates territorial regional, que include un governamento local, con collectivitates departmental e communal sub le nivello del region. Le exceptiones es Corsica, Guiana francese, Mayotte e Martinica, ubi le functiones del region e del departamento es gerite per un sol governamento local que ha jurisdiction consolidate e que es cognoscite como collectivitates territorial unic.
Le regiones metropolitan es:
- Hauts-de-France, Alte Francia
- Auvergne-Rhône-Alpes, Alvernia-Rhodano-Alpes
- Bourgogne-Franche-Comté, Burgundia-Franc Contato
- Bretagne, Britannia
- Centre-Val de Loire, Centro-Val de Loira
- Corse, Corsica
- Grand Est, Grande Est
- Île-de-France, Insula de Francia
- Normadie, Normandia
- Nouvelle Aquitaine, Nove Aquitania
- Occitanie, Occitania
- Pays de la Loire, Pais del Loira
- Provence-Alpes-Côte d’Azur, Provencia-Alpes-Costa Azur o PACA
Le regiones de ultramar es:
- Guadeloupe, Guadalupe
- Guyane, Guyana
- Martinique, Martinica
- Mayotte, Mayotte
- La Réunion, Le Reunion
This article uses material from the Wikipedia Interlingua article Regiones de Francia, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Le contento es disponibile sub CC BY-SA 4.0 salvo indication contrari. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Interlingua (DUHOCTRUNGQUOC.VN) is an independent company and has no affiliation with Wiki Foundation.