Philosophia Presocratic

Philosophos pre-socratic se interessava principalmente pro cosmologia, le origine e substantia del universo, sed le inquisitiones de iste prime philosophos se extendeva al functionamento del mundo natural, al societate human, ethic, e religion. Illes cercava explanationes basate super le leges natural in loco del actiones del deitates. Lor opera e scriptos ha quasi completamente disapparite. Le cognoscentia de lor opiniones proviene del testimonia, le discussiones de autor posterior sur le opera del pre-socraticos. Le philosophia trovava terreno fertile in le mundo grece ancienne a causa del ligamines stricte con civilisationes vicin e le emergentia de entitates civil autonomous, le poleis.

Iste articulo require revision linguistic

Corrige le errores de grammatica, orthographia o stilo in le articulo. Postea, retira iste patrono.

Le philosophia pre-socratic initiava in le seculo VI a.C. con tres milisianos: Thales, Anaximandro, e Anaximenes. Illes attribueva le arché (un parola que pote significar "origine," "substantia," o "principio") del mundo a, respectivemente, aqua, apeiron (le illimitate), e aere. Altere tres philosophos pre-socratic veniva de proxime citates ionian: Xenophanes, Heraclitus, e Pythagoras. Xenophanes es cognoscite pro su critique del anthropomorphismo de deitates. Heraclitus, qui esseva notoriemente difficile de comprender, es cognoscite pro su maxim sur le impermanentia, "ta panta rhei," e pro attribuer le fuego como arché del mundo. Pythagoras creava un sequitorate cultic que defendeva que le universo esseva compone de numeros. Le scola eleatic (Parmenides, Zeno de Elea, e Melissus) sequiva in le seculo V a.C. Parmenides affirmava que solmente un cosa existe e nihil pote cambiar. Zeno e Melissus principalmente defendeva le opinion de Parmenides. Anaxagoras e Empedocles offereva un explanation pluralistic de como le universo esseva create. Leucippus e Democritus es cognoscite pro lor atomismo, e lor opinion que solmente vacuo e materia existe. Le sophistas advanciava le relativismo philosophic.

Le impacto del pre-socraticos ha essite enorme. Le pre-socraticos inventava alcun del conceptos central del civilisation occidental, como naturalismo e rationalismo, e paveava le via pro le methodologia scientific.