Georgio V (in anglese George V, 3 junio 1865 – 20 januario 1936) esseva le rege del Regno Unite e le dominios britannic ab 1910 usque su morte.
Ille veniva del Dynastia Saxe-Coburgo-Gotha, que ille renominate le Dynastia Windsor in 1917.
Georgio esseva le filio de su predecessor, Eduardo VII, e nasceva durante le regno de Victoria. Ille serviva in le Royal Navy durante dece-quatro annos. Ille non expectava hereditar le corona usque 1892, quand su fratre plus vetere moriva subito. Ille deveniva le hereditario in 1901 e le rege in 1910. Su regno videva le elevationes del socialismo, communismo, fascismo, republicanismo Irlandese e movimento pro independentia de India, qui cambiava radicalmente le politicas britannic e mundial. Le Prime Guerra Mundial terminava le imperios de Russia, Germania e Austria-Hungaria. Le Imperio Britannic attingeva su apogeo territorial ma le potentia del Regno Unite comenciava declinar e Pax Britannia se terminava.
Al initio de su regno, un crise constitutional re le People's Budget esseva resolvite; le Acta de Parlamento 1911 reduceva le potentia del Camera del Seniores. In le annos 1920, le majoritate de Irlanda partiva pro constituer le Stato Libere Irlandese e Georgio nominava le prime cabinetto socialista. Le Lege de Westminster de 1931 donava alcun autonomia al dominios britannic. Malgrado su temperamento traditionalista, Georgio acceptava le cambiamento pro conservar le popularitate del monarchia; un examplo esseva su uso del radio. Ille moriva in 1936 e esseva succedite per su filio plus vetere, Eduardo VIII. Eduardo VIII abdicarea plus tarde iste anno, e esseva succedite per le secunde filio de Georgio V, Albert (Georgio VI).
Lingua | Nomine |
---|---|
anglese (en) | George V |
francese (fr) | George V |
espaniol (es) | Jorge V del Reino Unido |
portugese (pt) | Jorge V do Reino Unido |
italiano (it) | Giorgio V del Regno Unito |
germano (de) | Georg V. (Vereinigtes Königreich) |
russo (ru) | Георг V |
latino (la) | Georgius V (rex Britanniarum) |
This article uses material from the Wikipedia Interlingua article Georgio V del Regno Unite, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Le contento es disponibile sub CC BY-SA 4.0 salvo indication contrari. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Interlingua (DUHOCTRUNGQUOC.VN) is an independent company and has no affiliation with Wiki Foundation.