The Hunger Games
The Hunger Games, վիպաշար մըն է երիտասարդներու եւ պատանիներու համար: Այս վիպաշարին հեղինակն է Ամերիկացի Սուզան Քոլինզը: Ամբողջ պատմութիւնը տեղի կ'ունենայ The Hunger Games-ի աշխարհին մէջ, ու վիպաշարին գլխաւոր կերպարներն են՝ Քաթնիս Էվըրտինը եւ Փիթա Մալլարքը:
| Հեղինակ | Սուզան Քոլինզ |
|---|---|
| Երկիր | Ամերիկայի Միացեալ Նահանգներ |
| Լեզու | Անգլերէն |
| Հերթական թիւ | 1 |
| Ոճ | Երեւակայական, արկած |
| Հրատարակող | Scholastic |
Հրատարակչական թուական | 2008-2010 |
| Գիրքի տեսակ | Վիպաշար |
| Յաջորդ գիրք | Catching Fire |
The Hunger Games վիպաշարը կը բաղկանայ 3 գիրքերէ՝ The Hunger Games (14 Սեպտեմբեր, 2008), Catching Fire (1 Սեպտեմբեր, 2009), եւ Mockingjay (24 Օգոստոս, 2010): Երեք վէպերն ալ վերածուած են ֆիլմերու, իսկ վերջին վէպը (Mockingjay) ֆիլմը ունի երկու բաժիններ: Վիպաշարին առաջին երկու գիրքերը կոտրած են New York Times-ին լաւագոյն ծախողի մրցանակը, իսկ Mockingjay-ը գրաւած է բոլոր առաջին դիրքերը ամբողջ Ամերիկայի Միացեալ Նահանգներուն լաւագոյն ծախողի շարքերուն մէջ: The Hunger Games գիրքերը ֆիլմերու վերածուելէ առաջ արդէն ծախուած էին մօտաւոր 26 միլիոն օրինակներով:
The Hunger Games-ին պատմութիւնը տեղի կ'ունենայ Panem անունով երկրի մը մէջ որ կը բաղկանայ տարբեր դասակարգերէ՝ հարուստ կառավարութիւնը եւ 12 փոքրիկ ու աղքատ գաւառներէ: Ամէն տարի իւրաքանչիւր գաւառէ կ'ընտրուի 12-17 տարեկան մէկ աղջիկ եւ տղայ պատանի, ու բոլոր 24 պատանիները կը մասնակցին The Hunger Games մրցանակին, իրար դէմ կռուելով: Այս խաղերուն օրէնքը այն է թէ միակ ողջ անձը կ'ըլլայ այդ տարուայ The Hunger Games-ին յաղթողը:
Օգոստոս, 2012 թուականին, The Hunger Games վիպաշարը NPR շարքին մէջ կը գրաւէ երկրորդ դիրքը, առաջինը ըլլալով Harry Potter-ի վիպաշարը, սակայն 17 Օգոստոս, 2012 թուականին, Amazon-ը կը յայտարարէ թէ The Hunger Games վիպաաշրը կ'անցնի Harry Potter վիպաշարին գրաւած դիրքին ու կ'ըլլայ առաջինը: Մինչեւ 2014 թուական The Hunger Games վիպաշարը կը ծախէ աւելի քան 26 միլիոն օրինակներ միայն Միացեալ Նահանգներուն մէջ (The Hunger Games՝ 28 միլիոն օրինակներ, Catching Fire՝ 19 միլիոն օրինակներ, եւ Mockingjay՝ 18 միլիոն օրինակներ:): The Hunger Games վիպաշարը վաճառուած է 56 տարբեր շրջաններու մէջ եւ թարգմանուած է աւելի քան 51 լեզուներու:
Պատմութիւնը
The Hunger Games
The Hunger Games վիպաշարին գլխաւոր կերպարներն են՝ Քաթնիս Էվըրտինը եւ Փիթա Մալլարքը ոորնք կ'ապրին 12-րդ գաւառին մէջ։ The Hunger Games-ի 74-րդ մրցանակին ընտրութեան ժամանակ, Փիթան կ'ընտրուի որպէս մասնակից իսկ Քաթնիսը կ'ըլլայ կամաւոր մը իր քրոջ՝ Փրիմին փոխարէն: 12-րդ գաւառի միակ յաղթողն է Հէյմիչ Ապերնաթին որ մրցանակը յաղթած է 24 տարիներ առաջ եւ ինքը պիտի ըլլայ Քաթնիսին ու Փիթային խորհրդատուն: The Hunger Games վայրագ մրցանակին ընթացքին, Փիթան կը սիրահարուի Քաթնիսին իսկ Քաթնիսը կը կեղծ է իր սէրը Փիթային հանդէպ որպէսզի անոնք կարողանան խաբել ժողովուրդին եւ այս խաղերը պատրաստողներուն ու երկուքը միասին ողջ մնան ու յաղթեն: Եւ իրենց ծրագրածին պէս կը կատարուի ու առաջին անգամ ըլլալով The Hunger Games մրցանակը կ'ունենայ երկու յաղթողներ: Սակայն այս որոշումը կը զայրացնէ կառավարութիւնը եւ ետքը կը ստեղծէ պայքար ու ըմբոստ ամբողջ գաւառներուն մէջ, կառավարութեան դէմ:
Ֆիլմի վերածումը
The Hunger Games ֆիլմը արտադրուած է Նինա Ճէյքըպսընին Color Force արտադրութեան խումբին կողմէ: Սուզան Քոլինզը, Կէրի Ռոսին հետ եղած է ֆիլմին արտադրողներէն մէկը: Ճենիֆըր Լորենսը կատարեց Քաթնիս Էվըրտինին (գլխաւոր կերպարին) դերը, Ճոշ Հըչերսընը՝ Փիթա Մալլարքին դերը, իսկ Լիամ Հեմսվորթը՝ Կէյլին դերը:
Ֆիլմին ստեղծագործութիւմը սկսաւ 2011 թուականի գարնան եւ հրատարակուեցաւ Մարտ, 2012 թուականին: Catching Fire ֆիլմին համար, արտադրողը եղաւ Ֆրանսիս Լորենսը ու ֆիլմը հրատարակուեցաւ Նոյեմբեր, 2013 թուականին: Mockingjay ֆիլմին երկու բաժինները հրատարակուեցան Նոյեմբեր, 2014 եւ Նոյեմբեր, 2015 թուականներուն,:
Ծանօթագրութիւններ
External links
This article uses material from the Wikipedia Արեւմտահայերէն article The Hunger Games, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Բովանդակությունը թողարկված է CC BY-SA 4.0 թույլատրագրով, եթե այլ բան նշված չէ։ Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Արեւմտահայերէն (DUHOCTRUNGQUOC.VN) is an independent company and has no affiliation with Wiki Foundation.