Օբոն

Օբոն
Բնակավայր
	Օբոն
	ֆր.՝ Eaubonne
	Զինանշան
Երկիր	Ֆրանսիա
Մակերես	4,42 կմ²
ԲԾՄ	54 մետր
Բնակչություն	▼25 373 մարդ (հունվարի 1, 2021)
Ժամային գոտի	UTC+1 և UTC+2
Փոստային դասիչ	95600
Պաշտոնական կայք	eaubonne.fr(ֆր.)
	Օբոն (Ֆրանսիա)
	Օբոն (Ֆրանսիա)
	Օբոն Վիքիպահեստում

Պատմություն

Հնագիտական պեղումների արդյունքները վկայում են, որ քաղաքի ներկայիս տարածքում գոյություն է ունեցել կելտական բնակավայր:Հետագայում՝ հինհռոմեացիների տիրապետության շրջանում՝ մեր թվականության 54 թվականից հետո այստեղ ռազմական նպատակներով ճանապարհներ են անցկացվել։ Դրանցից մեկը, որ Հուլիոս Կեսարի անունն է կրում, միմյանց է կապել Լուտեցիան (ներկայիս Փարիզը) և ծովափնյա Յուլիոբոնան (այժմյան Լիլեբոնը՝ Հավրի մերձակայքում)։ Քաղաքի ներկայիս անվանումը պատմական փաստաթղթերում առաջին անգամ հիշատակվել է 635 թվականին, Դագոբերթ արքայի խարտիայում։

Անվանումը

Բնակավայրի անվանումը պատմական փաստաթղթերում հիշատակվել է Aqua bona, Yauebonne՝ 1293 թվականին, Aubone: Սկզբնական լատինական անվանումը եղել է Aqua Puta (զտված, մաքուր ջուր), այնուհետև՝ Aqua Bona (լավ ջուր)։

Տնտեսություն

2010 թվականի տվյալներով համայնքի աշխատունակ տարիքի 15 291 մարդկանցից (15-64 տարեկան) տնտեսապես ակտիվ էին 11 775-ը (ակտիվության ցուցանիշը կազմել է 77,0 տոկոս՝ 1999 թվականի 73,8 %-ի դիմաց։ Տնտեսապես ոչ ակտիվ 3516 անձանցից 1665-ը սովորողներ էին, 1037-ը՝ թոշակառուներ, 814-ը չէին աշխատում այլ պատճառներով։

2010 թվականին համայնքում հաշվվում էր 9701 հարկատու տնային տնտեսություն։ Յուրաքանչյուր բնակչի հաշվով տարեկան միջին եկամուտը կազմել է 24 519 եվրո։

Անվանի անձինք

Մադամ դ՛Ուդետո (Սոֆի Լալիվ դը Բելգարդ) - ազնվական տիկին, գրական սալոնի տիրուհի, ում հաճախ Օբոնի իր առանձնատանն այցելել են նրան սիրահարված Ժան-Ժակ Ռուսսոն և Սեն Լամբերը
Լուի-Ժերոմ Գոյե (1746-1830), Ֆրանսիական մեծ հեղափոխության ժամանակների քաղաքական գործիչ, 1793-1794 թթ. արդարադատության նախարար
Ժան-Ֆրանսուա դը Սեն Լամբեր, զինվորական, փիլիսոփա, բանաստեղծ, ակադեմիկոս (1761-1803)
Պոլ Էլյուար (1895-1952), բանաստեղծ, կնոջ՝ Գալայի հետ 1923 թ. ապրել է Օբոնում, կազմակերպել սյուրռեալիստների հավաքույթներ, որոնց մասնակցելէ նաև նկարիչ Մաքս Էռնստը.
Ալեն Գրե, նկարիչ, գրող
Միշել Զևակո (1869-1918), գրող
Ալբեր Ուդերզո, (1927-2020), նկարիչ, Աստերիքսի մասին և այլ կոմիքսների հեղինակ.
Ֆրանսիս Ֆլորան Ժուլիան (1926-1944), Երկրորդ աշխարհամարտի տարիների ֆրանսիական Դիմադրության շարժման մարտիկ.
Ալեն Շամֆոր (1949), երգիչ, կոմպոզիտոր

Ժողովրդագրություն

Բնակչության թվաքանակի փոփոխությունները (INSEE):

Կլիմա

Ամիս	Հունվար	Փետրվար	Մարտ	Ապր	Մայ	Հուն	Հուլ	Օգ	Սեպտ	Հոկտ	Նոյ	Դեկտեմբ	Տարեկան
Ամսվա առավել. ջերմ. (°C)	6	7	11	14	18	21	24	24	21	15	9	7	14,8
Ամսվա նվազագույն ջերմ. (°C)	1	1	3	6	9	12	14	14	11	8	4	2	7,1
Միջին ջերմաստ. (°C)	4	4	7	10	14	17	19	19	16	12	7	5	11,2
Source : Climatologie mensuelle - Aéroport de Roissy, France

Քույր քաղաքներ

, Մաթլոք, Մեծ Բրիտանիա
, Բուդենհայմ, Գերմանիա

Գրականություն

Renée Thomas, Au village d'Eaubonne : 1590-1815, Éd. Tardy Quercy, 1988, p. 303
Hervé Collet, Eaubonne au XVIII s., Publications du Cercle historique et archéologique d'Eaubonne et de la vallée de Montmorency, 1972, p. 124
Hubert Lamant-Duhart, Eaubonne en 1900, Publications du Cercle historique et archéologique d'Eaubonne et de la vallée de Montmorency, 1981, p. 149
Jean Veillon, Souvenirs d'Eaubonne au XX s., Publication du Cercle historique et archéologique d'Eaubonne et de la vallée de Montmorency, 2007, p. 110

Պատկերասրահ

.

Ծանոթագրություններ

Արտաքին հղումներ

Պաշտոնական կայքէջը (Ֆրանսերեն)
Mérimée database - Cultural heritage (Ֆրանսերեն)
Land use (IAURIF) (անգլերեն)
Association of Mayors of the Val d’Oise Արխիվացված 2008-04-07 Wayback Machine (Ֆրանսերեն)

Վիքիպահեստն ունի նյութեր, որոնք վերաբերում են «Օբոն» հոդվածին։

This article uses material from the Wikipedia Հայերեն article Օբոն, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Բովանդակությունը թողարկված է CC BY-SA 4.0 թույլատրագրով, եթե այլ բան նշված չէ։ Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Հայերեն (DUHOCTRUNGQUOC.VN) is an independent company and has no affiliation with Wiki Foundation.